Оьрсийн меттан версиБашха проекташ
Мотт хийца
РУВИКИ-Х ЛАЬЦНА

№ 1 йолу ишкол (Заки-Эвла)

Заки-Эвлара № 1 йуккъера йуккъарадешаран ишкол (оьрс. Средняя общеобразовательная школа № 1 села Закан-Юрт) — Заки-Эвлара ТӀехьа-Мартанан кӀоштан Нохчийн Республикан муниципальни бюджетан дешаран хьукумат[1].

Истори

Дешаран хьукумат кхоьллина 1966 шарахь[2].

Ишколан цӀе тиллина дуьххьарлерчу нохчийн лётчикан, Сийлахь-Боккхачу Даймехкан тӀеман декъашхочун, ЦӀен Байракх йолчу Балтикан флотан хӀаваан эскаран 9-чу штурмовикийн авиационни дивизин 35-гӀа штурмовикийн авиационни полкан командир майоран Акаев Даша ИбрахӀиман воӀ сий деш. Акаев Заки-Эвлара вара[3].

600 дешархочунна лерина керла ишкол йина 2022-чу шарахь «Сейсмически меттигашкахь Ӏаш болчу нехан гӀишлойн, коьртачу объектийн, дахар латторан системийн резистенталла лакхайаккхар» цӀе йолчу подпрограммин гурашкахь[4].

2022-чу шарахь Россин Федерацин пачхьалкхан программин «Россин Федерацин хӀоттаман субъекташкахь (муниципалитеташкахь) коммунальни а, инженерийн а инфраструктуран модернизаци йарна гӀо дар» Ӏалашонан программин гурашкахь «Россин Федерацин бахархошна таро йолуш а, синтеме а хӀусамаш а, коммуналан хьашташ а латтор», 600 меттиг чуйогӀуш йолу керла ишколан гӀишло йира[3].

Кхоьллинарг йу «ТӀехьа-Мартан муниципальни кӀоштан дешаран урхалла» муниципальни хьукумат[1].

Дешар

ХӀора шарахь 700 сов дешархо дӀаоьцу дешаран хьукуматехь.

Йуьхьанцара йукъарадешар хьалхарчу классан дешархошна дӀадолало 6 шо 6 бутт кхаьчча, нагахь санна могашаллина дуьхьал гайтамаш бацахь, амма 8 шарел тӀаьхьа ца хилча.

Ишколана билгалъйаьккхинчу меттигехь бехачу хинболчу хьалхарчу классан дешархойн дай-наношна латкъамаш бар дӀадолало оханан беттан 1-чу дийнахь, чекхдолу асаран беттан 30-чу дийнахь. ТӀедиллинчу меттигехь дехаш доцчу берашна хьалхарчу классе деша заявкаш схьаэцар дӀадолало карарчу шеран мангалан баттахь 6-чу дийнахь, меттигаш йуьззина дӀайаллалц, амма карарчу шеран товбецан беттан 5-чу дийнахь тӀаьхьа ца дуьтуш. Россин низамашца нийса а догӀуш, рогӀера арахьа а, хьалха дӀаэцаран а бакъо лелайо цхьацца льготан категорешкахь болчу бахархойн берашна.

Дешаран кепаш а, программаш а

Ишколан дешархошна дешаран коьрта кепаш, № 273-ФЗ «Россин Федерацехь дешарх лаьцна» федеральни законехь билгалъйаьхна ма-хиллара. Дешаран кеп: очно. Хьехаран мотт: оьрсийн мотт.

Дешар дӀахьо хӀокху программашца: йуьхьанцара йукъара дешар (1-4 классашкахь 4 шо) а, коьрта йукъарадешар(5-9 классашкахь 5 шо) а, йуккъера йукъара дешар (10-11 классашкахь 2 шо) а. Ишколехь кхочушйо берашна а, баккхийчарна а тӀетоьхна дешаран программаш.

Иштта ишколехь кхочушйо хьекъалан тӀаьхьадисина дешархойн йуьхьанцарчу йукъара дешаран адаптированни йуьхьанцара йукъара дешаран программа[5].

Ишколан йукъара кружокаш йу, масала, «Къона похӀма» ишколан театр а, «Олимп» ишколан спортан кружок а, «Къона шеф-повар» а, «Футбол» а, ткъа иштта тӀетоьхна дешаран муниципальни хьукуматийн кружокаш а йу: «Некъ хьайна» (Берийн кхоллараллин цӀа) а, «Робототехника» клуб (Къоначу техникийн цӀа) а, «Ораматан тамашийна дуьне» а, «Ӏалам а, фантази а» (Экологин-биологин станци) йу цигахь дӀахьош йолу гӀуллакхаш. Дешархой лела Заки-Эвлара йукъараллин центрехь йолчу кружокашка, шайна йукъахь хелхаран а, буьрканца болх баран а, хореографин а, театран а, ткъа иштта спортан секцеш а йолуш.

Ишколехь 34 дешаран кабинеташ йу, царех 13 кхузаманан мультимедиан технологица кечъйина йу. ГӀишлонан шолгӀачу гӀат тӀехь актови зал йу. Хьалхарчу гӀат тӀехь йу столови а, кхачанан блок а, спортзал а.

2022-чу шеран товбецан баттахь дуьйна ишколехь болх беш йу Ӏаламан Ӏилманийн а, технологийн а дешаран «Точка роста» центр. Кхин а йукъара кхиаран программаш кхочушъйан хьелаш кхоьллина[3].

Режим

  • Дешаран шо дӀадолало товбецан беттан 1-чу дийнахь;
  • Дешаран шеран хан: 1-чу классашна — 33 кӀира а, 2-8-чу классашна — 34 кӀира а, 9-чу а, 11-чу а классашна — пачхьалкхан чаккхенан аттестаци дӀайаьхьначул тӀаьхьа;
  • Урокан хан 40 минот йу;
  • 1-чу классехь график дӀасайекъало: 35 минот (товбецан бутт — гӀуран бутт); 40 минот (кхолламан бутт — хӀутоссург бутт);
  • Ишкол цхьана сменехь болх беш йу;
  • Занятеш дӀайолало Ӏуьйранна 8 сахьт 30 минот йаьлча;
  • Дешаран кӀира 5 дийнахь лаьтта;
  • ХӀора урок чекхъйаьлча дешархошна 5 минотехь садаӀар ло, кхоалгӀа урок чекхъйаьлча 20 минотехь садаӀар ло.

Хьехархойн коллектив

Ишколехь хьехархойн коллективан терахь, 2023 шеран хаамашца — 52 стаг ву, царех: 31 стаг — лакхара хьехархойн дешар долуш ву а, 12 хьехархо — лакхара квалификацин категори йолуш ву а, 6 хьехархо — хьалхара категори йолуш ву а, 48 — хьехархо 30 шарахь сов хьехархочун болх бина ву а.

2019-чу шеран эсаран беттан 8-чу дийнахь З. А. Магомадована «Россин Федерацин дешаран а, серлонан а сийлахь белхахо» цӀе тиллина.

Ишколан директор(оьр.)нохч.: Хасиев Бауди Мусан воӀ (2024 шарна).

Рейтингаш а, совгӀаташ а, толамаш а

  • 2019-чу шарахь хӀора шарахь дӀахьочу 6-чу республикански интеллектуальни ловзаран «Виъ говзанча» кӀоштан этапехь 2-гӀа меттиг;
  • «Къона а, перспективан а хьехархо» категорехь «Нохчийн Республикин хьехархо-психолог — 2019» республикин VII-чу корматаллин корматаллин конкурсан толамхо — дешаран психолог Янарсаева Хадижат[6];
  • «Россин Федерацин бахархой патриотически кхетош-кхиор» цӀе йолчу федеральни проектан Йерригроссин «Бераллин штурман 3.0» конкурсан 2023-чу шарахь толамхо йу Янарсаева Хадижат[7].

Билгалдахарш

  1. ↑ 1 2 Подведомственные организации. МУ «Отдел образования Ачхой-Мартановского муниципального района». ТӀекхочу дата: 2025 шеран 21 сентябрь.
  2. ↑ О школе. МБОУ «СОШ №1 с. Закан-Юрт им. Д.И. Акаева». ТӀекхочу дата: 2025 шеран 21 сентябрь.
  3. ↑ 1 2 3 Общая информация. МБОУ «СОШ №1 с. Закан-Юрт им. Д.И. Акаева». ТӀекхочу дата: 2025 шеран 21 сентябрь.
  4. ↑ В Ачхой-Мартановском районе открылись две новые школы. «Грозный-информ» (2022 шеран 24 август). ТӀекхочу дата: 2025 шеран 21 сентябрь.
  5. ↑ Учебная деятельность. МБОУ «СОШ №1 с. Закан-Юрт им. Д.И. Акаева» (2024 шеран 15 апрель). ТӀекхочу дата: 2025 шеран 21 сентябрь.
  6. ↑ В Чечне подвели итоги конкурса «Педагог-психолог ЧР - 2019». «Грозный-информ» (2019 шеран 27 май). ТӀекхочу дата: 2025 шеран 21 сентябрь.
  7. ↑ Педагог СОШ №1 села Закан-Юрт имени Даши Акаева Янарсаева Хадижат стала победителем во Всероссийском конкурсе «Навигатор детства 3.0» федерального проекта «Патриотическое воспитание граждан Российской Федерации». Вести Чеченской Республики (2023 шеран 6 июнь). ТӀекхочу дата: 2025 шеран 21 сентябрь.

Хьажоргаш

Кхин дӀа темана тӀехь

Категореш