№ 1 йолу ишкол (Лакха Невре)
Лакхарчу Невре йуьртан № 1 йолу йуккъера йукъарадешаран ишкол (оьрс. Средняя общеобразовательная школа № 1 с. Верхний Наур)— Нохчийн Республикин Теркан кӀоштара муниципальни бюджетан
йукъарадешаран хьукумат йу[1].
Нохчийн Республикин йукъардешаран организацеша йукъардешаран дикалла лакхайаккхаран рейтингехь 2022-чу шарахь иза 26-чу меттехь йу[2].
Истори
Ишкола кхоьллина 1963-чу шарахь.
Кхоьллинарг йу «Надтеречни муниципальни кӀоштан администрацин дешаран урхалла» муниципалан хьукумат[1].
Дешар
ДӀаэцар
Дешаран учрежденино шарахь 500 сов дешархочунна дешар ло.
Йуьхьанцара йукъара дешар хьалхарчу классан дешархошна дӀадолало 6 шо 6 бутт кхаьчча, могашаллин бахьанашца дуьхьал гайтамаш ца хилча, амма 8 шарел тӀаьхьа ца хилча.
Ишколана тӀедиллинчу меттигехь бехачу хинболчу хьалхарчу классан дешархойн дай-нанойн заявкаш схьаэцар дӀадолало оханан беттан 1-чу дийнахь, чекхдолу асаран беттан 30-чу дийнахь. ТӀедиллинчу территори тӀехь дехаш доцчу берашна хьалхарчу классе деша заявкаш схьаэцар дӀадолало карарчу шеран мангалан беттан 6-чу дийнахь дуьйна, мукъа меттигаш дӀайаллалц, амма карарчу шеран товбецан 5-чу дийнахь тӀаьхьа ца дуьтуш. Оьрсийчоьнан низамашца нийса а догӀуш, рогӀера арахьа а, хьалха дӀаэцаран а бакъо кхочушйо цхьацца льготан категорешкахь болчу бахархойн берашна.
Дешаран кепаш а, программаш а
Ишколан дешархошна дешаран коьрта кепаш, «Россин Федерацехь дешаран хьокъехь» № 273 йолчу федеральни законан гурашкахь. Дешаран кеп: очни. Хьехаран мотт: оьрсийн мотт.
Дешар дӀахьо йуьхьанцарчу юкъара дешаран (1-4 классашкахь 4 шо) а, коьрта йукъара дешаран (5-9 классашкахь 5 шо) а, йуккъера йукъара дешаран (10-11 классашкахь 2 шо) программашца а.
Иштта цо кхочушйо адаптированни йуьхьанцара йукъара дешаран программа, къамелан луьра талхар долчу а, синкхетамехь тӀаьхьабисинчу а, гӀорторан а, леламе а аппаратан дешархойн йуьхьанцарчу йукъара дешарна, синкхетамехь тӀаьхьабевллачу дешархойн йуьхьанцарчу йукъара дешаран адаптированни йуьхьанцара йукъара дешаран программа а, синкхетамехь тӀаьхьависинчу дешархойн адаптированни йуьхьанцара йукъара дешаран программа а, кхин а йукъара кхиаран программаш а.
2023 шарахь ишколехь заьӀапхойн терахь дара: 2 (%) — къамелан луьра талхар долчу, 3 — синкхетамехь тӀаьхьайисинчу а, 1 — леламе а аппаратан а, 1 — хьекъалца тӀаьхьабиссинарш а.
Дешаран-методикин болх кхочушбархьама ишколехь кхоьллина предметни методически цхьаьнакхетараллаш (МЦ):
- Йукъарчу гуманитаран Ӏилманийн МЦ;
- Ӏаламан Ӏилманийн МЦ;
- Йукъараллин Ӏилманийн МЦ;
- Математикийн а, информатикийн а МЦ;
- Йуьхьанцарчу классийн хьехархойн цхьаьнакхетараллин МЦ;
- Классан хьехархойн МЦ.
Ишколехь 2023-чу шарахь тӀетоьхна дешаран гурашкахь кружокаш йу:
- «Йешаран дуьне»;
- «Къона инспекторш»;
- «Къона филолог»;
- «Исламан культурин бух».
ТӀаьхьарчу пхеа шарахь «Дешарехь леррина кхиамаш бахарна» мидалш йаьхначу нехан терахь: 2019 — 2 а, 2021 — 3 а, 2022 — 2 а.
Ишколехь кабинеташ йу: информатика а, цӀийнан экономика а, физика а, химин а, биологин а, йуьхьанцарчу классийн 2 кабинет йу, ингалсан меттан а, дахаран кхерамзалла бухан а, химин лаборатори а, физика а, спортан залан а. Ишколехь 45 меттигна лерина буфет йу. Довха кхача латтош бу. Ишколан къепе латточу территори тӀехь йолчу спортан майданахь йу буц йолу тӀегӀан, турникан асанаш а, параллельни асанаш а, генна кхиссаваларан ор а, ведда лела меттигаш а, волейболан майда а, баскетболан майда а, мини-футболан майда, спортан гӀирс.
2023-чу шеран товбецан 1-чу дийнахь дуьйна, «Дешар» къоман проектан «Кхузаманан ишкол» федеральни проектан гурашкахь, ишколехь болх бан йолайелла Ӏаламан Ӏилманийн а, технологийн а дешаран «Точка роста» центр[3].
Цхьаьнатоьхна пачхьалкхан экзамен
Цхьаьнатоьхначу пачхьалкхан экзаменан жамӀаш 2018-чу шарца дустаран анализ qfр
| №
п/п |
Предметаш | 2021 шо
Ишколан йуккъера барам |
2022 шо
Ишколан йуккъера барам |
2023 шо
Ишколан йуккъера барам |
|---|---|---|---|---|
| 1. | Оьрсийн мотт | 66 | 53 | 53 |
| 2. | Математика | 31 | - | 29 |
| 3. | Географи | 46 | - | - |
| 4. | Истори | 67 | 31 | 24 |
| 5. | Ингалсан мотт | - | - | 39 |
| 6. | Литература | 58 | - | - |
| 7. | Физика | 45 | - | 31 |
| 8. | Хими | 49 | 53 | 42 |
| 9. | Биологи | 41 | 53 | 41 |
| 10. | Информатика и ИКТ | - | - | 20 |
| 11. | Обществознани | 50 | 44 | 23 |
Режим
- Дешаран шо дӀадолало товбецан беттан 1-чу дийнахь, чекхдолу хӀутоссург беттан 25-чу дийнахь;
- Дешаран шеран хан: 1-чу классашна — 33 кӀира а, 2-8-чу классашна — 34 кӀира а, 9-чу а, 11-чу а классашна — пачхьалкхан чаккхенан аттестаци чекхъйаьллачул тӀаьхьа;
- 2-11-чу классашкахь урокан хан 40 минот йу;
- Ишколехь дешаран гӀуллакхаш дӀахьо 1-4-чу классашна пхеа дийнахь а, ткъа 5—11-чу классашна 6 дийнахь а;
- Урокашна йуккъехь садоӀа хан 5 минот йу, кхоалгӀа урок чекхъйаьлча — 10 минот;
- 1-чу классехь урокан хан йу: товбецан бутт — гӀуран бутт 35 минот;
- 40 минот кхолламан бутт — хӀутоссург бутт;
- Занятеш 2 сменехь дӀахьо;
- Ишколехь урокаш дӀайолало Ӏуьйранна 8 сахьт даьлча — 1-ра смена; 13:00 сахьт даьлча — 2-гӀа смена.
Хьехархойн коллектив
2023-чу шарна хьехархойн коллективан йерриге а терахь ду — 54 а, царех 35 — лакхара педагогически дешар долуш а, 20 — лаккхара квалификацин категори йолуш а, 12 — хьалхарчу категори йолуш.
Ишколан директор: Джамурзаев Джамалай Джалил кӀант.
Рейтингаш, толамаш а, совгӀаташ а
- Ишколан дешархошна йукъахь 10 шо кхачарца йоьзна футболан турнирехь 3-гӀа меттиг, «Дадаевн А. Х. Кубок» (2014 шо);
- Ишколан команда ишколера дешархошна йукъахь дӀайаьхьначу футболан турнирехь 1-ра меттиг а йаьккхина, «Дадаевн А. Х. Кубок» йелира (2015 шо);
- «Нохчийн меттан хьехархо — 2020» республикин конкурсан жамӀашца «Синан орамаш» номинацехь толам баьккхинарг — Махаев М. У.[4];
- 2023-чу шарахь дӀайаьхьначу Йерригроссин ишколийн олимпиадийн муниципалан муьран жамӀашца уьш нохчийн литературехь совгӀатхой хилира (Матагова Х. М-Б. а, Илхаева Х. В. а), физкультурехь (Арсамикова М. А., Токалова Д., Харачоев И. Р.), дахаран кхерамзаллин бухехь (Тайсумов А. С-М.);
- Ставрополан махкахь экономикан а, предпринимательствон а дешархойн Йерригроссин кейс-чемпионатан региональни этапехь дакъалацаран жамӀашна тӀе а тевжаш, совгӀатхой: Гайрабеков А. М. а, Турлуева А. А. а, Шабазова Я. Р. а, Кагаев С-М. М. а:
- «Къона хьехархо — 2021» муниципальни конкурсан толамхо — оьрсийн меттан а, литературин а хьехархо, Бектаева П. С.;
- Йерригроссин «Стаг кхетош-кхиор — 2022» конкурсан толамхо, «Орцан кхетош-кхиоран» номинацехь — классан куьйгалхочо Мерзуева М. А.;
- Наурски кӀоштан спортшколийн волейболан спортан тобанашна йукъахь дакъалоцучарна йукъахь йиллинчу волейболан турнирехь 2-гӀа меттиг (2023 шо)[5];
- 1-ра меттиг «Литературни бой» цӀе йолчу районан барамехь, цигахь дешархоша Илхаева Хадижас а, Гайрабекова Хавас а (2023 шо) дакъалецира «Экстрим» тобанехь;
- Дуьненайукъара конкурс «Эрудитийн лига — 2» математикехула а, оьрсийн маттахь а: 1-ра меттиг — Даудова Х. А. а, 2-гӀа меттиг — Эгиева А. С. а, 3-гӀа меттиг — Телхигова П. Х. а;
- «Открытия 2030» къоначу Ӏаламан талламхойн Йерригроссин конкурсан регионан муьрехь 1-ра меттиг — Куркаева Д. Х. (2024 шо);
- Надтеречни муниципальни кӀоштан Даймехкан лардархочун денна лерина йолчу «Самукъане старташ» кӀоштан къовсамехь 1-ра меттиг (2024 шо).
ГӀарабевлла выпускникаш
- Гехаев Алихан Умаран воӀ — № 3 йолчу хирургин отделенин куьйгалхо (Онкологин центр «Направленный»), хирург-онколог а, медицинан Ӏилманийн кандидат а. Нохчийн пачхьалкхан университетехь хьехархо ву[6].
Билгалдахарш
- ↑ 1 2 Подведомственные организации. Муниципальное учреждение «Отдел образования администрации Надтеречного муниципального района» (2024). ТӀекхочу дата: 2025 шеран 16 август.
- ↑ Рейтинг вклада общеобразовательных организаций Чеченской Республики в качество общего образования в 2022 году. Министерство образования и науки Чеченской Республик (2022). ТӀекхочу дата: 2025 шеран 16 август.
- ↑ Общая информация о центре «Точка роста». МБОУ «СОШ № 1 с. п. Верхний-Наур». ТӀекхочу дата: 2025 шеран 16 август.
- ↑ Амир Дабуев. Итоги республиканского конкурса «Учитель чеченского языка - 2020». Вести Чеченской Республики (2020 шеран 30 октябрь). ТӀекхочу дата: 2025 шеран 16 август.
- ↑ ГБУ ДО «Наурская СШ» был проведен открытый турнир по волейболу в спортзале «Наурская СОШ №1». Республиканская детско-юношеская газета «Наша школа» (2023 шеран 14 сентябрь). ТӀекхочу дата: 2025 шеран 16 август.
- ↑ Хазыр Жапаров. Врач Алихан Гехаев: я работаю ради людей, буду делать все для их здоровья и благополучия. Вести Чеченской Республики (2025 шеран 16 август). ТӀекхочу дата: 2024 шеран 29 июль.
Хьажоргаш
- В МБОУ «СОШ № 1 с. п. Верхний-Наур» прошла викторина «Умный пешеход». www.vesti095.ru. ТӀекхочу дата: 2025 шеран 16 август.
- В МБОУ «СОШ № 1 с. Верхний-Наур» Надтеречного муниципального района состоялись открытые уроки «В дружбе народов-единство России». www.zori-islama.com. ТӀекхочу дата: 2025 шеран 16 август.
- В МБОУ «СОШ № 1 с. п. Верхний-Наур» состоялась акция «Берегите природу». www.vesti095.ru. ТӀекхочу дата: 2025 шеран 16 август.
- В МБОУ «СОШ № 1 с. п. Верхний-Наур» состоялась акция «Письмо солдату». www.vesti095.ru. ТӀекхочу дата: 2025 шеран 16 август.
