Оьрсийн меттан версиБашха проекташ
Мотт хийца
РУВИКИ-Х ЛАЬЦНА

№ 56 йолу П. П. Балюкан цӀарах ишкол

№ 56 йолу П. П. Балюкан цӀарах ишкол (оьрс. Средняя общеобразовательная школа № 56 имени П. П. Балюка) — Соьлжа-ГӀалин муниципальни бюджетан йукъарадешаран хьукумат[1].

Истори

Дешаран заведени кхоьллина 1967 шарахь[2].

Балюк Павелан иэс дахдаран кховдамца «Халкъан фронт «Российца» цӀе йолчу Йерриг Российн йукъараллин боламан жигархошна тӀебаьхкинера ишколехь доьшуш хилла дешархой а, выпускникаш а. Инициативана гӀортор йира №56 йолчу ишколан а, Соьлжа-ГӀалин депутатийн кхеташонан а векалша. 2017-чу шарахь Йерригроссин халкъан фронтан «Турпалхочун цӀе — школе» патриотически проектан гурашкахь Россин Федерацин хьакъволу хьехархочун, Сийлахь-Боккхачу Даймехкан тӀеман декъашхочун Балюк Павелан цӀе тиллира №56 йолчу школина[3].

ТӀом болчу хенахь Балюк хӀаваан эскарехь гӀуллакх деш хилла. Кислород латточу станцин куьйгалхо хӀоттийра иза, цуьнца цхьаьна патармаш латточу декъан куьйгалхочун даржехь а болх бира. ТӀемаш бина Западни фронтехь а, Брянскан фронтехь а, 2-чу Белоруссин фронтехь а. Берлине кхаьчна иза. Цунна йелла Даймехкан тӀеман шолгӀачу даржан орден, «ТӀеман гӀуллакхна» мидал.

ТӀом чекхбаьлча Балюк чекхъйаьккхира Орджоникидзе гӀалахь (хӀинца БуритӀе) хьехархойн институт. Шен къинхьегаман некъ дӀаболийра Нохч-ГӀалгӀайн АССР-н Новогрознехь (хӀинца Ойсхара эвла) дешаран урхаллин дешаран декъан заведующи волуш.

1967-чу шарахь дуьйна 56-чу ишколин директор вара иза, 24 шарахь пенсе ваххалц цунна куьйгалла а дира. П. Балюкна йелла «Къоман дешаран отличник» цӀе а, «Россин Федерацин хьакъволу хьехархо» совгӀат а[3].

Балюкан дешархошна йукъахь вара хӀорда бухара кеманан турпалхо Юдин Вячеслав, иза веллачул тӀаьхьа ЦӀен Байракхан орден йелла, шен накъостий хи буха боьдучу К-278 «Комсомолец» олучу зарратан хӀорда бухара кеманна тӀера кӀелхьара бахарна. Йукъараллин халкъан фронт региональни декъан инициативица Соьлжа-ГӀаларчу 56-чу школехь 2015-чу шеран 7-чу апрелехь Юдинан мемориалан у хӀоттийра[3].

Ишкол лерина йу 868 меттигна. ХӀора шарахь ишколехь доьшуш ву 1700 сов дешархо. Занятеш 2 сменехь дӀахьо[3].

Кхоьллинарг йу Соьлжа-ГӀалин мэрин дешаран департамент[1].

Дешар

ДӀаэцар

Дешаран хьукумато шарахь 1700 сов дешархо Ӏамаво[4].

Йуьхьанцара йукъара дешар хьалхарчу классан дешархошна дӀадолало 6 шо 6 бутт кхаьчча, могашаллин бахьанашца дуьхьал гайтамаш ца хилча, амма 8 шарел тӀаьхьа ца хилча.

Ишколе дӀайеллачу территори тӀехь бехачу хинболчу хьалхарчу классан дешархойн дай-нанойн заявкаш схьаэцар дӀадолало 1-чу апрелехь, чекхдолу 30-чу июнехь. ТӀедиллинчу территори тӀехь дехаш доцчу берашна хьалхарчу классе деша заявкаш схьаоьцу карарчу шеран 6-чу июлехь дуьйна, йерриге а меттигаш дӀайуьзна дӀаяллалц, амма карарчу шеран 5-чу сентябрехь тӀаьхьа ца дуьтуш. Российн низамашца нийса а догӀуш, рогӀера арахьа а, хьалха дӀаэцаран а бакъо кхочушйо цхьацца льготан категорешкахь болчу бахархойн берашна[5].

Дешаран кепаш а, программаш а .

Ишколан дешархошна дешаран коьрта кепаш, «Российн Федерацехь дешаран хьокъехь» № 273 йолчу Федеральни законан гурашкахь. Дешаран кеп: очни. Хьехаран мотт: оьрсийн мотт.

Дешар дӀахьо йуьхьанцарчу йукъара дешаран (1–4 классашкахь 4 шо), коьрта йукъара дешаран (5–9 классашкахь 5 шо), йуккъера йукъара дешаран (10–11 классашкахь 2 шо) программашца. Ишколехь кхочушйо берашна а, баккхийчарна а тӀетоьхна дешаран дешаран.

Иштта кхочушъйеш йу синкхетамехь тӀаьхьайисинчу хьекъалан заьӀапаллаш йолчу а, синкхетамехь тӀаьхьайисинчу а, гӀорторан а, леламе а, галморзахаллаш йолчу а, къамелан луьра галморзахаллаш йолчу а, дешархошна лерина адаптированни йуьхьанцарчу йукъардешаран программа а, синкхетамехь тӀаьхьайисинчу дешархошна лерина йукъара дешаран йуьхьанцара программа а хьекъалан заьӀапаллаш а, хьекъалан тӀаьхьадисина а, кхиар тӀаьхьадисина а, къамелан чӀогӀа галморзахаллаш йолуш а, бӀаьрса галдаьллачу дешархошна а.

Ишколехь кхоьллина йу хӀара предметни методически цхьаьнакхетараллаш:

  • Нохчийн мотт а, литература а;
  • Ингалсан мотт;
  • Йукъараллин Ӏилманаш;
  • Ӏаламан Ӏилманан цикл;
  • Классан куьйгалхоша;
  • Йуьхьанцарчу классашна;
  • Физика а, математикан цикл а, информатика а;
  • Оьрсийн мотт а, литература а;
  • «Искусство а, физкультура а»[4].

Ишколехь дӀахьо кружокаш тӀетоьхначу дешаран декъехь:

  • «Къона шахматхо»;
  • «Самукъане ингалсан мотт»;
  • «Мини-футбол»[4].

Иштта ишколехь болх беш йу ишколан правительство а, «Къона Кадыровцаш» цӀе йолу берийн организаци а[2].

Йукъарчу дешаран коьртачу дешаран программийн гурашкахь ишколехь хьехар дӀахьо: ингалсан мотт — 2-чу классера 11-чу классе кхаччалц[2]. 2023-чу шарахь 37 выпускниках 17 стаг лакхарчу дешаран заведенешка деша вахара[4].

Ишколан 40 класс йу, шайна йукъахь: 15 — йуьхьанцарчу классийн класс а, 1 — математикийн класс а, 1 — физикан класс лабораторица цхьаьна а, 1 — химин класс лабораторица цхьаьна а, 1 — биологин/дахаран кхерамзаллин класс лабораторица цхьаьна а, 1 — географи а, 1 — истори а, 1 — обществознани а, 1 — информатика лабораторица цхьаьна а, 1 — кхечу къаьмнийн меттанийн а, 1 — оьрсийн мотт а, литература а, 1 — сервисни кабинет, 1 — техникан болх а, иштта 2 — спортзал а, актови зал а, ишколан музей а, психолого-хьехархойн сервисан кабинет а, библиотека (библиотекин запас 29 905 книга йу) йешаран чоь йолуш. Цигахь 180 меттигна лерина столови йу. Лабораторин белхашна физикин а, химин а, биологин кабинеташкахь кечйина йу дешаран гӀирсаш, химин, дешаран микропрепараташ, кхин дӀа а[4].

Режим

  • Дешаран шо дӀадолало 1 сентябрехь;
  • Йуьхьанцарчу йукъардешаран дешаран шеран хан лаххара а 34 кӀира ду, 1-чу классехь — 33 кӀира;
  • Цхьана урокан хан 40 минот йу;
  • 1-чу классехь режим гӀулч-гӀулч йолуш ю: 35 минот (сентябрь — декабрь); 40 минот (январь — май);
  • Ишкола 2 сменехь болх беш йу;
  • Хьалхара смена дӀайолало Ӏуьйранна 8 сахьт даьлча, шолгӀа смена 13 сахьт 30 минот йаьлча;
  • Дешаран кӀира 5 дийнахь лаьтта;
  • ХӀора урок чекхъйаьлча дешархошна 5 минотехь садаӀар ло, кхоалгӀа урок чекхъйаьлча — 10 минотехь[6].

Хьехархойн коллектив

Ишколехь хьехархойн коллективан терахь 2023-чу шеран хаамашца — 71 стаг ву, царех: лакхара дешар долу хьехархой — 63 стаг а, лакхара квалификацин категори йолуш — 5 хьехархо а, хьалхарчу категори йолуш — 14 хьехархо а, 30 шарахь сов хьехархочун болх бина — 4 хьехархо а[4].

Къинхьегаман ветеран — Абуева Т. И., Алсабеков Б. А. Дешаран декъехь сийлахь белхахо — Алсабеков Б. А[7].

Ишколан директор: Зубайраева Земфира Романовна.

Рейтингаш, совгӀаташ а, толамаш а

  • Соьлж-ГӀалин мэран грант — Алиев Р. А., Багиев Н.—М. И.;
  • Йерригроссин «Шеран хьехархо — 2015» конкурсан гӀалин этапан лауреат — Бахаева Аминат Хажиевна, ингалсан меттан хьехархо;
  • ГӀалин «Нохчийн меттан тоьлла хьехархо — 2015» конкурсан толамхо — Абуева Товман Илмадиевна, нохчийн меттан а, литературин а хьехархо;
  • 2017-чу а, 2023-чу а шерашкахь Нохчийн Республикин Куьйгалхочо дешаран декъехь Нохчийн Республикин йукъарадешаран организацийн тоьлла хьехархо санна совгӀат дина: Абуева Т. И., нохчийн меттан а, литературин а хьехархо[8];
  • «Нохчийн Республикин физкультуран тоьлла хьехархо — 2023» республикин конкурсан толамхо — физкультуран хьехархо Джабраилов Б. А.[9];
  • 2024-чу шарахь дӀайаьхьначу «Нохчийн меттан говзанча» республикин къовсамехь толамхо йу 10-чу классан дешархо, Татарханова Х. Р.[10];
  • 2024-чу шарахь махкахь тоьллачу хьехархошна 200 эзар сом барамехь хӀора шарахь луш долу совгӀат кхаьчнарг йу нохчийн меттан а, литературин а хьехархо Абуева Товман Ильмадиевна[11].

Билгалдахарш

  1. ↑ 1 2 Подведомственные организации(бил-боцу.). © Департамент образования мэрии города Грозного. ТӀекхочу дата: 2024 шеран 16 сентябрь.
  2. ↑ 1 2 3 Публичный доклад МБОУ «СОШ № 56 им. П.П. Балюка» г. Грозного за 2023/2024 учебный год. © МБОУ «СОШ № 56 им. П. П. Балюка» г. Грозного (2024). ТӀекхочу дата: 2024 шеран 16 сентябрь.
  3. ↑ 1 2 3 4 Школе №56 г. Грозного присвоено имя заслуженного учителя России, участника ВОВ Павла Балюка(бил-боцу.). Информационное агентство «Грозный-Информ» (2017 шеран 4 декабрь). ТӀекхочу дата: 2024 шеран 16 сентябрь.
  4. ↑ 1 2 3 4 5 6 Отчет о результатах самообследования Муниципального бюджетного общеобразовательного учреждения «Средняя общеобразовательная школа № 56 им. П. П. Балюка » г. Грозного. © МБОУ «СОШ № 56 им. П. П. Балюка» г. Грозного (2024 шеран 3 апрель). ТӀекхочу дата: 2024 шеран 16 сентябрь.
  5. ↑ Правила приема на обучение в МБОУ «СОШ №56 им. П.П. Балюка» г. Грозного. МБОУ «СОШ №56 им. П.П. Балюка» г. Грозного © (2024 шеран 5 июнь). ТӀекхочу дата: 2024 шеран 16 сентябрь.
  6. ↑ Положение о режиме занятий обучающихся (в том числе детей с ОВЗ и /или инвалидностью) МБОУ «СОШ №56 им. П.П. Балюка» г. Грозного. © МБОУ «СОШ № 56 им. П. П. Балюка» г. Грозного (2023 шеран 31 август). ТӀекхочу дата: 2024 шеран 16 сентябрь.
  7. ↑ Педагогический коллектив. © МБОУ «СОШ № 56 им. П. П. Балюка» г. Грозного. ТӀекхочу дата: 2024 шеран 16 сентябрь.
  8. ↑ О присуждении в 2017 году премии uлавы Чеченской Республики в области образования. © Глава и правительство Чеченской Республики (2017 шеран 28 декабрь). ТӀекхочу дата: 2024 шеран 7 август.
  9. ↑ Победитель республиканского конкурса «Лучший учитель физической культуры Чеченской Республики - 2023»(бил-боцу.). © Департамент образования Мэрии города Грозного (2024 шеран 4 июль). ТӀекхочу дата: 2024 шеран 16 сентябрь.
  10. ↑ Ученица столичной школы № 54 стала победительницей республиканского конкурса «Знаток чеченского языка». © Мэрия города Грозный (2024). ТӀекхочу дата: 2024 шеран 16 сентябрь.
  11. ↑ 16 учителей из Грозного стали победителями конкурса на присуждение премий за достижения в педагогической деятельности в 2024 году(бил-боцу.). © Департамент образования Мэрии города Грозного (2024). ТӀекхочу дата: 2024 шеран 16 сентябрь.

Хьажоргаш

Кхин дӀа темана тӀехь

Категореш