№ 91 йолу ишкол (Соьлжа-ГӀала)

Ишкол схьайиллина 1938 шарахь, 2009 шарахь йира керла кхаа гӀат долу ишколан гӀишло, 360 меттигна лерина^[3].

Йукъара дешаран учреждени кхоьллинарг йу Соьлжа-ГӀалин мэрин дешаран департамент^[1].

Ишколан дешархошна дешаран коьрта кепаш, «Российн Федерацехь дешаран хьокъехь» № 273 йолчу Федеральни законан гурашкахь. Дешаран кеп: очни. Хьехаран мотт: оьрсийн мотт.

Дешар дӀахьо йуьхьанцарчу йукъара дешаран (1—4 классашкахь 4 шо) а, коьрта йукъара дешаран (5-9 классашкахь 5 шо) а, йуккъера йукъара дешаран (10-11 классашкахь 2 шо) а, программашца. Ишколехь кхочушъйеш йу адаптированни коьрта дешаран программаш^[4].

Иштта кхочушъеш йу кхин а дешаран программа, адаптированни йуьхьанцара йукъара дешаран программа коьрта йукъара дешаран синкхетамехь тӀаьхьабисина а, аутизман спектран лазаршца йолчу дешархошна а, хезаш галбевллачу а, тӀаьхьа къордала долчу а дешархошна а, бӀаьрса галдаьллачу дешархошна а^[4].

Ишколехь болх беш йу 6 методически цхьаьнакхетаралла (МЦ):

• йуьхьанцарчу классийн МЦ;
• аламан Ӏилманийн а, математикийн а циклан МЦ;
• гуманитаран циклан МЦ;
• классан хьехархойн МЦ;
• оьрсийн меттан а, литературин а МЦ;
• МЦ исбаьхьаллин а, эстетически а, могашаллин циклан а^[4].

Ишколехь йукъара дешар кхиоран кхин а программаш: «Баскетболан» а, «Шахматийн клуб» а^[4].

Ишколехь йу пресс-центр, лаамехь кхоллараллин дешархойн цхьаьнакхетаралла, 5-чу классера 11-чу классе кхаччалц бераш а, кхиазхой а йукъабогӀуш.

Ишколан 15 кабинет йу, шайна йукъахь: йуьхьанцарчу классийн — 5 кабинет а, математикийн —1 кабинет а, лабораторица цхьана —1 физикан класс а, лабораторица 1 — химин а, биологин а кабинет а, 1 — географин кабинет а, 1 — историн а, обществозанин кабинет а, 1 — информатикан а, дахаран кхерамзаллин бух Ӏаморан класс (лабораторица цхьаьна) а, 1 — кхечу къаьмнийн меттанийн кабинет а, 2 — оьрсийн меттан а, литературин а кабинет, 1 — сервисни кабинет а, иштта спортзал а, актови зал а, ишколан музей, психолого-хьехархойн сервисни кабинет а, библиотека (библиотекин коллекцин барам - 8206 книга) йешаран чоь а йолуш. Лабораторин белхашна физикин а, химин а, биологин а кабинеташ кечйина йу хьехаран гӀирсашца а, химин реактивашца а, хьехаран микропрепараташца, кхин дӀа а^[4]. Иштта, ишколин майданахь футболан майда а йу.

• Дешаран шо дӀадолало 1 сентябрехь;
• Урокан хан 40 минот йу;
• 1-чу классехь режим гӀулчаш йолуш йу: 35 минот (сентябрь — декабрь); 40 минот (январь — май);
• Ишкол 2 сменехь болх беш йу;
• 1-чу сменехь урокаш йолало Ӏуьйранна 8 сахьт 30 минот йаьлча, ткъа 2-чу сменехь — сарахь 13 сахьт 30 минот йаьлча;
• Дешаран кӀиранан хан пхи де ду;
• 1-чу сменехь урокашна йукъахь садоӀу хан 5 минот йу, кхоалгӀа урок чекхъйаьллачул тӀаьхьа — 15 минот а, 2-чу сменехь — 5 минот а, 1-чу урок чекхъйаьллачул тӀаьхьа — 20 минот^[6].

2023-чу шеран хаамашца школехь хьехархойн коллективан терахь 57 ду, царех: лакхарчу квалификацин категори йолуш — 5 стаг а, хьалхарчу категори йолуш — 12 стаг а, 30 шарахь сов хьехархочун болх бина — 3 стаг а^[4].

Нохчийн Республикин дешаран а, Ӏилманан а министерствон а, Соьлжа-ГӀалин мэрин дешаран департаментан а сийлаллин грамоташ а, Россин Федерацин дешаран а, Ӏилманан а министерствон баркаллин кехат а делира хьехархошна.

Оьрсийн меттан а, литературин а хьехархочо О. Ш. Магомадован, «Россин Федерацин дешаран а, кхетош-кхиоран а сийлахь белхахо» значок йелла 2021-чу шарахь.

«Россин Федерацин йукъардешаран сийлахь белхахо» цӀе йелла Магамадован М. А.

Ишколан директор: Магамадова Марият Аббазан йоӀ.

• 2017-чу шарахь Нохчийчоьнан Куьйгалхочун совгӀат дешаран декъехь делира Нохчийчоьнан йукъарадешаран организацешкахь тоьллачу хьехархочунна: оьрсийн меттан а, литературин а хьехархочунна Сангариева Л. М., историн а, йукъараллин Ӏилманийн а хьехархочунна Дудаева А. В.^[7];
• Россин Федерацин дешаран а, Ӏилманан а министерствос, Москох (2017 шо) вовшахтоьхначу «Росси, кханене хьоьжуш» цӀе йолчу Йерригроссин сочиненийн конкурсан толамхочун диплом йаьккхина студентка Хажаева М. В.;
• 2018-чу шарахь Нохчийн Республикин Куьйгалхочун совгӀат дешаран декъехь делира Нохчийчоьнан йукъардешаран организацешкахь тоьллачу хьехархочунна: оьрсийн меттан а, литературин а хьехархочунна Магомадова О. Ш., оьрсийн меттан а, литературин а хьехархочунна Джакалаева Т. З. йуьхьанцарчу классийн хьехархо Бекаева З. С.^[8];
• «Меттигера латта таллар» темина дешархойн проектийн 5-чу республикин конкурсехь 2-гӀа меттиг (2019 шо);
• Нохчийн Республикин дешаран Йерригроссин профсоюзо 2017-чу шарахь вовшахтоьхначу оьрсийн меттан а, литературин а хьехархочо Магомадова Р. Ш.;
• 2021-2022 дешаран шарна Соьлжа-ГӀалby мэрин грант схьаэцна: Ахтаевс М.А., Ибрагимовас Я. М., Оздемировас Х. М., Далаевас И. Р., Махмудовс И.;
• Дешаран декъехь Нохчийчоьнан Куьйгалхочун совгӀат делира Нохчийчоьнан дешаран организацийн тоьллачу хьехархойн коллективна 2023-чу шарахь историн а, йукъараллин Ӏилманан а хьехархочунна Дудаева А. В.;
• Россин дешаран министерствос 2022-чу шарахь хьехарехь баьхначу тоьллачу хьехархошна совгӀаташ луш дӀайаьхьначу Йерригроссин конкурсехь толам баьккхина оьрсийн меттан а, литературин а хьехархо Магомадова О. Ш.^[9];
• Дешаран декъехь Нохчийчоьнан Куьйгалхочун совгӀат делира Нохчийчоьнан дешаран организацийн тоьллачу хьехархойн коллективна 2022-чу шарахь оьрсийн меттан хьехархочунна М. М. Зекиевана;
• Нохчийн Республикин дешаран организацийн тоьллачу хьехархойн коллективна дешаран декъехь Нохчийчоьнан Куьйгалхочун совгӀат далар 2022-чу шарахь оьрсийн меттан хьехархочунна М. М. Зекиевана;
• Нохчийн Республикин дешаран организацийн тоьллачу хьехархойн коллективна 2021-чу шарахь Нохчийчоьнан куьйгалхочун дешаран декъехь долу совгӀат йуьхьанцарчу классийн хьехархочунна З. С. Бекаевна далар;
• Нохчийн Республикин йукъардешаран организацеша 2022-чу шарахь йукъардешаран дикалла лакхайаккхарехь динчу дакъа гайтаран рейтингехь 50-чу меттехь;
• Нохчийн Республикин дешаран а, Ӏилманан а министерствос вовшахтоьхначу «Сайн хьехархочунна хаам» цӀе йолчу республикин къовсамехь 1-ра меттиг йаьккхина оьрсийн меттан а, литературин а хьехархочо Викиева М. М. (2024 шо).