№ 14 йолу ишкол (Соьлжа-ГӀала)
Соьлж-ГӀалин № 14 йолу йуккъера йукъарадешаран ишкол (оьрс. Средняя общеобразовательная школа № 14 г. Грозного) — Соьлжа-ГӀалин муниципалан бюджетан йукъарадешаран хьукумат[1].
Нохчийн Республикин йукъардешаран кхолламаша йукъардешаран дикалла лакхайаккхаран рейтингехь 2022-чу шарахь иза 25-чу меттехь йу[2].
Дешар
ДӀаэцар
ХӀора шарахь 1200 сов стаг доьшу цу ишколехь. Ишколо хьалхарчу классе бераш тӀеоьцу 6,6 шарера дуьйна 8 шарал тӀаьхьа ца долуш. Хьалхарчу классе бераш тӀеэцар шина муьрехь дӀахьо:
1) Бекарг беттан 1-чу дийнахь дуьйна асаран беттан 30-чу дийне кхаччалц рогӀера арахьа, хьалхара йа льготан бакъо йолчу берашна, иштта ишкол лаьттачу дозанехь долу латта тӀехь дехачу берашна;
2) Мангалан беттан 6-чу дийнахь дуьйна йерриге а йисина меттигаш йуьзина йаллалц, амма товбецан меттан 5-чу дийнахь тӀаьхьа ца луш, билгалйаьккхинчу латта тӀехь дехаш доцчу берашна. И бохург ду, муьлххачу а кӀоштан ишколе дӀайазвала йиш йу.
Дешаран кепаш а, программаш а
«Российн Федерацехь дешаран хьокъехь» № 273 йолчу Федералан законан гуранашкахь ишколан дешархошна дешаран коьрта кепаш. Дешаран кеп: дуьхьала волуш. Хьехаран мотт: оьрсийн мотт.
Дешар дӀахьо йуьхьанцарчу йукъара дешаран (1-4 классашкахь 4 шо), коьрта йукъара дешаран (5-9 классашкахь 5 шо), йуккъера йукъара дешаран (10-11 классашкахь 2 шо) программашца. Ишколехь кхочушйеш йу кхин а йукъара кхиаран программаш кхаа декъехь:
- физкультуран а, спорт а («Шахматаш»);
- мохкбовзар («Сан схьадовлар»);
- техникан («3-D моделировани»).
Ишколехь кхочушйо адаптаци йина коьрта йукъара дешаран программаш: йуьхьанцарчу йукъара дешар кӀезиг синкхетамехь тӀаьхьабисина (хьекъалан заьӀапалла) болчу а, Даунан синдром йолчу а, атипични аутизм йолчу а, кхиаран тӀаьхьало йолчу а, симптомийн эпилепси йолчу а дешархошна.
Ишколехь кхоьллина хӀара предметни методикин цхьаьнакхетараллаш (МЦ):
- Оьрсийн меттан а, литературин а МЦ — куьйгалхо Закараева П. С-Э.;
- нохчийн меттан а, литературин а МЦ — куьйгалхо Закараева П. С-Э.;
- Кхечу къаьмнийн меттанийн МЦ — куьйгалхо Гайсултанова М. Х.;
- Математикин а, информатикин а МЦ — куьйгалхо Гайрбекова М. Р.;
- Ӏалам довзар МЦ;
- Йукъараллин Ӏилманийн МЦ;
- Исбаьхьаллин а, музыкин а, технологин а, дахаран кхерамзаллин а, физкультуран МЦ — куьйгалхо Исраилова П. Л.;
- Йуьхьанцарчу классийн МЦ — куьйгалхо Шагиева З. Х.;
- Классан хьехархойн МЦ.
Режим
- Доьшу: 1-чу декъехь — 8:00 сахьт даьлча дуьйна а, 2-чу декъехь — 13:30 а;
- Ишколехь хьехар дӀахьо 1-11 классашкахь 6 дийнан дешаран кӀиранах;
- Урокаш 40 минотехь лаьтта; 1-ра класс йоцург (хьалхарчу эхашарахь — 35 минот);
- ХӀора доьшийла чекхйаьлча дешархошна 5 минотехь садаӀа хан ло, 3-гӀа доьшийла чекхйаьлча — 10 минот;
- Дешаран шо дӀадолало 1 сентябрехь;
- Ишкол 2 декехь болх беш йу;
- Йуьхьанцарчу йуккъера йукъарадешаран тӀегӀанехь дешархойн дешаран шеран хан лаххара а 34 кӀира йу, 9-чу а, 11-чу а классашкахь пачхьалкхан чаккхенан аттестаци ца лерича, 1-чу классашкахь 33 кӀира ду[4].
ГӀишло а, гӀирсаш а
Ишкол цхьана кхаа гӀетан гӀишлонах лаьтташ йу. Дешаран учрежденехь 29 кабинет йу, царех исс йуьхьанцарчу классашна лерина йу, ши кабинет математикин а, историн а, обществознанин а, кхечу къаьмнийн меттан а, оьрсийн мотт а, литература а Ӏамош йу. Иштта цхьа класс физикин а, химин (лабораторица цхьаьна) а, биологи/дахаран кхерамзалла (лабораторица цхьаьна) а, информатика а, географи а, Ӏалашдаран белхаш а, техникан белхаш а (пхьолгӀаш).
Иштта цигахь йу спортзал а, актови зал а, музыкин чоь а, ишколан музей а, психологин-хьехархойн сервисийн чоь а, йешаран чоь йолу библиотека (библиотекин запасан ницкъ бу 13 355 стаг). Лабораторин белхашна физикин а, химин а, биологин а кабинеташ кечйина йу дешаран гӀирсашца а, химин реактивашца а, дешаран микропрепараташца а.
Корматаллаш дӀало классал арахьара дешаран декъехь «Коьршаллин хьокъехь къамелаш» — 1-11-чуй классашкахь. 2-4-чу классашкахь — «Говзалийн дуьненахь» а, «Говзалле некъ» а, «Тамашийна ингалсан мотт» а, «Спортан калейдоскоп» а, ОРКСЭ тӀетоьхна курс а, «Дизайн а, моделировани а» а, «Оьрсийчоьнан аьрзунаш» а. 5-9 классашкахь — «Вайна гонаха йолу говзаллаш» а, «Функциональни йоза-дешар» а, «Музыкийн дуьненахь» а, «Технологи проекташкахь» а, «Ингалсан мотт буьйцу кружок» а, «Математикин йоза-дешар» а, «Технологи проекташкахь» а, «Проектийн гӀуллакхаш» а. Нохчийн Республикин йуккъерчу говзаллин кхолламашкахь хилар а, йиллина денош а, профориентацин ярмаркаш а.
Хьехархойн коллектив
2023-чу шарахь хьехархойн коллективан йерриге барам бу — 58. Царах: лакхара хьехархойн дешар долуш — 29 ву а, лакхарчу квалификацин категори йолуш — 13 а, хьалхарчу категорица — 7 а. 30 шарахь сов хьехархочун болх бина — 10. ЦӀераш а, совгӀаташ а ду: «Российн йукъардешаран хьакъволу белхахо» — Бейбулатова Т. Х., 2008 шо. «Российн Федерацин дешаран а, серлонан а хьакъйолу белхахо» — М. Р. Гайрбекова.
Соьлжа-гӀалин мэран баркаллин кехаташ делира хьехархойн коллективна.
Ишколан директорна: Саралиева Таисия Роман йоӀ — Нохчийчоьнан куьйгалхочо сийлаллин грамота йелла.
Олимпиадашкахь дакъалацар
2020—2023 шерашкахь дешархоша предметийн олимпиадашкахь дакъалацарх лаьцна хаамаш:
| Олимпиадаш | 2020—2021 дешаран шо | 2021—2022 дешаран шо | 2022—2023 дешаран шо |
|---|---|---|---|
| Муниципалан |
|
|
|
| Регионан | - | - | - |
| Федерацин | - | - | - |
Билгалдахарш
- ↑ 1 2 Подведомственные организации. © Официальный сайт департамент образования мэрии города Грозного (2024). ТӀекхочу дата: 2024 шеран 17 июль.
- ↑ Рейтинг вклада общеобразовательных организаций Чеченской Республики в качество общего образования в 2022 году. Министерство образования и науки Чеченской Республики © (2022). ТӀекхочу дата: 2025 шеран 17 июль.
- ↑ Обращение директора. МБОУ «СОШ № 14» © (2024). ТӀекхочу дата: 2025 шеран 17 июль.
- ↑ Правила внутреннего распорядка обучающихся в МБОУ СОШ № 14 г. Грозного. МБОУ «СОШ №14» г. Грозного © (Январь, 2021). ТӀекхочу дата: 2025 шеран 17 июль.
