№ 26 йолу ишкол (Соьлжа-ГӀала)

Дешаран учреждени кхоьллина 1956-чу шарахь. Ишкол йу Соьлжа-ГӀалахь, Алиева Вахин ураме, 290, корпус 1^[3].

2021-чу шарахь официалехь схьайелла 1224 дешархочунна лерина йолу кхаа гӀат долу керла школан гӀишло. Школехь йу 65 класс а, стоматологин кабинет йолу медицинан блок а, шиъ бассейн а, шиъ спортзал а, 360 меттигна лерина кхачанан блок а, столови а, актови зал а^[1].

Кхоьллинарг йу «Соьлжа-ГӀалин мэрин дешаран департамент» муниципалан учреждени^[4].

Ишколехь дешаран гӀуллакхаш вовшахтоьхна ду 29.12.2012 шеран № 273 федеральни законца «Российн Федерацехь дешарх лаьцна», Федеральни пачхьалкхан дешаран стандартца дошкольни (1 шарера 7 шаре кхаччалц), йуьхьанцарчу йукъарчу классийн (1-5 классашкахь 4 шо), йукъарчу классийн (1—5-чу классашкахь 4 шо) нийса а догӀуш дешар (2 шо 10-11 классашкахь) дешаран программаш, меттигерчу ишколин низамца болх бар. Дешаран кеп: очно. Хьехаран мотт: оьрсийн^[3].

ТӀетоьхна дешаран дешаран программаш кхочушъйеш йу, ткъа иштта йуьхьанцарчу йукъара дешаран адаптированни йукъара дешаран программа синкхетамехь тӀаьхьайисинчу дешархошна а, аутизман спектран сингаттам болчунна а, гӀорторан а, леламе а, сингаттам болчу, бӀаьрса галдаьллачарна^[3].

Школехь дӀахьо кружокаш тӀетоьхначу дешаран декъехь:

• «Интернетан технологеш»;
• «Шахматаш»;
• «Къинхьегаман мастерской»;
• «Къуръан дешар»;
• «Театран овацияш»^[3].

Ишколехь кхоьллина йу хӀара предметни методически цхьаьнакхетараллаш (МЦ):

• йуьхьанцарчу классийн хьехархойн МЦ;
• оьрсийн меттан а, литературин а хьехархойн МЦ;
• нохчийн меттан а, литературин а хьехархойн МЦ;
• ингалсан меттан хьехархойн МЦ;
• математикийн а, физикин а, информатикийн хьехархойн МЦ;
• историн а, йукъараллин а Ӏилманийн хьехархойн МЦ;
• биологин, химин, географин хьехархойн МЦ;
• технологин а, физкультуран а, дахаран кхерамзаллин бух Ӏамош болчу хьехархойн МЦ:
• классан хьехархойн МЦ^[3].

Хьалха дӀадаханчу кхаа шарахь дешархоша предметийн олимпиадашкахь дакъалацарх лаьцна хаамаш:

Школехь 65 кабинет йу, шайна йукъахь: 20 — йуьхьанцарчу классийн кабинеташ а, 6 — математикийн кабинеташ а, 1 — физикин кабинет лабораторица а, химин кабинет лабораторица а, биологин/дахаран кхерамазаллин бух лабораторица а, географин кабинет, 4 — историн а, йукъараллин Ӏилманийн а кабинет, 2 — информатикан кабинеташ а, 4 — кхечу мехкийн меттан и литературин классаш а, 2 — сервисни белхан чоь а, технически белхан чоь (мастерскойш) а, иштта 2 спортзал а, актови зал а, «Музыкальни студи» чоь а, библиотека йешаран чоь йолуш. Лабораторин белхашна физикин а, химин а, биологин а, кабинеташ кечйина йу дешаран гӀирсашца, химин реагенташца, дешаран микропрепараташца, кхин дӀа а^[3].

«Кванториум» берийн технопарк схьайиллина Соьлжа-ГӀаларчу «26-гӀа йуккъера ишколас» муниципалан бюджетан дешаран учрежденин бух тӀехь 2024-чу шеран сентябрехь, «Дешар» къоман проектан «Кхузаманан ишкол» федеральни проектан гурашкахь. Цу гӀуллакхан коьрта Ӏалашо йу йукъара дешаран дикалла лакхайаккхаран хьелаш тодар, дешархойн дешаран предметаш карайерзоран аьттонаш шорбар, Ӏаламан Ӏилманийн а, техникан а декъехь тӀетоьхна дешаран программаш кхочушъйар^[6].

• Дешаран шо дӀадолало 1 сентябрехь;

• Йукъарадешаран хьалхарчу а, шолгӀачу а, кхоалгӀачу а, тӀегӀанехь дешаран шеран хан лаххара а 34 кӀира ду, чаккхенан пачхьалкхан аттестаци ца лерича, хьалхарчу классехь — 33 кӀира;
• Школа 2 сменехь болх беш йу;
• Урокаш дӀайолало 1-чу сменехь Ӏуьйранна 8 сахьт 30 минот йаьлча, сарахь 13 сахьт 30 минот йаьлча 2-чу сменехь;
• Дешаран кӀиранан хан 5 де ду (1—4 классаш), 6 де ду (5—11 классаш);
• Цхьана урокан хан 40 минот йу, 1-чу классехь 35 минот (хьалхара ах шеран);
• Урокашна йукъахь садаӀар 5 минот ду, 3-гӀа урок чекхъйаьлча еха садаӀар 10 минот дун^[7].

2023-чу шеран хаамашца школехь хьехархойн коллективан терахь 60 ду, царех: лакхара дешар долу 49 стаг, лакхарчу квалификацин категори йолу — 16 хьехархо а, хьалхарчу категори йолу — 9 хьехархо а, 30 шарахь сов хьехархочун болх бина — 9 хьехархо^[3].

Ишколан директор: Элита Руслановна Султанова.

• «Нохчийн Республикин тоьлла ишкол» республикин конкурсехь 2016-чу шарахь 3-гӀа меттиг;
• Нохчийн Республикин Куьйгалхочо дешаран декъехь 2017-чу шарахь совгӀат дина, йукъардешаран учрежденийн тоьлла хьехархой Астамирова З. К., Хамзатханова М. Х.;

• Соьлжа-ГӀалин мэрин «ПохӀма долу бераш» грант, Идрисов Д. М., «Хьекъалан а, Ӏилманан-талламан а гӀуллакхехь кхиамаш бахарна» номинацехь толамхо, 2020 шо;
• Соьлжа-ГӀалин мэрин «ПохӀма долу бераш» грант, толамхой «Спортехь кхиамаш бахарна» номинацехь, 2020 шо — Горсиев А. С.-М., Джабраилов Р. И.^[8].
• Соьлжа-ГӀалин мэрин «ПохӀма долу бераш» грант, толамхой «Хьекъалан а, Ӏилманан а талламийн гӀуллакхехь баьхна кхиамаш бахарна» номинацехь, 2022 шо — Зумаев Э. Д., Юсупов М. М.;
• 2022-чу шарахь Нохчийн Республикин Куьйгалхочун дешаран декъехь совгӀат делира йукъардешаран учрежденийн тоьлла хьехархо Хасанова С. С., Мунаева М. Р.;
• Соьлжа-ГӀалин мэрин «ПохӀма долу бераш» грант, Гезиханова С. Х., толамхо «Хьекъалан а, Ӏилманан а талламийн гӀуллакхдарехь кхиамаш бахарна» номинацехь, 2023 шо;
• Соьлжа-ГӀалин мэрин грант хьехархойн коллективна — Ешуркаев И. М., физикан хьехархо, 2020 шо, Хасанова С. С., ингалсан меттан хьехархо, 2022 шо;
• 2023-чу шарахь Нохчийн Республикин Куьйгалхочун совгӀат дешаран декъехь делира З. В. Мусаевана йукъардешаран учрежденийн тоьлла хьехархо санна;
• «Къона хьехархой» номинацехь лауреат, Мелхазни Абдуллаевна Дукуева, Йерригроссин «Хьехархойн дебют — 2023» конкурсан^[9].