Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Ишкол (Керла-Йурт)

Керла-Йьртан йуккъера йуккъерадешаран ишкол (оьрс. Средняя общеобразовательная школа с. Керла-Юрт) — Нохчийн Республикан Соьлжа-ГӀалин кӀоштан Керла-Йуртан муниципальни бюджетан дешаран хьукумат[1].

2019 шарахь Петарбухехь Йерригроссин дешаран форумехь «Кханен ишкол» Йерригроссин дешаран форумехь «Тоьлла йуьртан ишкол» категорехь «Россин тоьлла 100 ишколаш» совгӀат кхаьчна ишколо[2].

Истори

Дешаран хьукумат кхоьллина 1966 шарахь, ишкол цхьана гӀат тӀехь, дахчанах йина гӀишло йу. Иза йу йуьртан йуккъехь, иза йу Соьлжа-ГӀалина 35 км генахь[3].

Хьалхара ишколан директор(оьр.)нохч. вара Аслаханов Лечи Алин воӀ. Хьалхарчу шарахь 1-10-чу классашкахь дешархошна гӀуллакх дира ишколо.

Ишколан директорш шерашкахь бара[4]:

1. Аслаханов Лечи Алиеван воӀ 1966 — 1975 шерашкахь
2. Толстухина Алла Максимовна 1975 — 1977 шерашкахь
3. Суздальцева Людмила Александровна 1977 — 1979 шерашкахь
4. Хамидов Мовлади Абассан воӀ 1979 — 1985 шерашкахь
5. Шикитов Султан Идрисан воӀ 1985 — 1986 шерашкахь
6. Манзаева Малика Мовладан йоӀ 1986 — 1992 шерашкахь
7. Вараева Сацита Эдилан йоӀ 1992 — 1994 шерашкахь
8. Дадуева Софья Аматан йоӀ 1994 — 1998 шерашкахь
9. Манкиева Хазман Нурдын йоӀ 1998 — 2015 шерашкахь
10. Цомакаева Марет Хасмахмедан йоӀ 2016 шарахь

1971-чу шарахь ишколехь туристийн тоба кхоьллира. БӀаьстенан садаӀарехь туристийн новкъа бахара уьш Москох а, Петарбухе а. Дешархоша гайтира шайн навигацин говзалла а, рюкзак дӀайуьзна хилар а, пайде ораматаш йовзар а, кхача кечбар а. Йукъарадешаран хьукуматехь кхоьллира географин йукъаралла, цуьнан мисси йукъайогӀура йерриге а республикехула лелар. Оцу хиламаша берийн Ӏаламца лераме дог-ойла а, керланиг довза лаам а кхиийра. Оцу муьран уггар йаккхийчу экскурсешна куьйгалла деш вара физкультуран хьехархо Дениев Висит Алиеван воӀ[4].

Йукъарадешаран хьукуматин бухбиллархо йу «Нохчийн Республикин Соьлжа-ГӀалин муниципальни кӀоштан дешаран урхалла» муниципальни хьукумат[1].

Дешар

ХӀора шарахь 300 сов дешархо дӀаоьцу дешаран хьукумате.

Йуьхьанцара йукъара дешар хьалхарчу классан дешархошна дӀадолало 6 шо 6 бутт кхаьчча, нагахь санна могашаллина дуьхьал гайтамаш бацахь, амма 8 шарел тӀаьхьа ца хилча.

Ишколана билгалъйаьккхинчу меттигехь бехачу хинболчу хьалхарчу классан дешархойн дай-наношна заявлениш чу дала дӀадолало оханан беттан 1-чу дийнахь, чекхдолу асаран беттан 30-чу дийнахь. Билгалъйаьккхинчу меттигехь дехаш доцчу берашна хьалхарчу классе деша дӀайазвала долало карарчу шеран мангалан баттахь 6-чу дийнахь дуьйна, массо а меттигаш дӀайуьзна дӀайаллалц, амма карарчу шеран товбецан беттан 5-чу дийнахь тӀаьхьа ца дуьтуш. Россин низамашца нийса а догӀуш, хьалхара меттиг дӀалацаран а, рогӀера арахьа дӀаэцаран а бакъо лелайо цхьацца льготан категорешкахь болчу бахархойн берашна.

Дешаран кепаш а, программаш а

Ишколан дешархошна дешаран коьрта кепаш, № 273 «Россин Федерацехь дешарх лаьцна» федеральни законо билгалъйаьхна ма-хиллара. Дешаран кеп: очно. Хьехаран мотт: оьрсийн а, нохчийн а.

Дешар дӀахьо хӀокху программашца: йуьхьанцара йукъара дешар (1-4 классашкахь 4 шо) а, коьрта йукъара дешар (5-9 классашкахь 5 шо) а, йуккъера йукъара дешар (10-11 классашкахь 2 шо) а. Иштта ишколехь кхочушйо йукъара хьекъалан тидам тӀебохуьйтуш йолу кхин а дешаран программаш.

Иштта ишколехь кхочушйо хьекъалан заьӀапалла йолчу а, синкхетамехь тӀаьхьабевллачу а дешархошна лерина адаптированни йуьхьанцара дешаран программаш, берашна а, баккхийчарна а тӀетоьхна дешаран адаптированни программаш[5].

Ишколехь кхоьллина предметни методически цхьаьнакхетараллаш (МЦ):

  • Ӏаламдовзаран а, математикийн а программашна лерина МЦ;
  • Йуьхьанцарчу классийн хьехархошна лерина МЦ.

ТӀетоьхна дешар дӀахьо хӀокху программашкахула рогӀера агӀон:

  • Искусство («Говза куьйгаш»);
  • Физкультуран а, спортан а («Шахматаш»)[6].

Ишколехь 15 дешаран кабинеташ йу, царех 15 кхузаманан мультимедиан технологешца кечйина йу, шайна йукъахь: физикин а, химин а, биологин а, лаборатореш, компьютеран лаборатори а, технологийн чоь а, а спортан зал а. Библиотекехь йерриг а 3737 дешаран книга йу. Къаьстина гӀишлонехь йу 40 меттиг йолу буфет а, кхача латто меттиг а. Спортан майданашна йукъахь йу спортан объекташ а, волейболан майда а.

Режим

  • Дешаран шо дӀадолало товбецан беттан 1-чу дийнахь;
  • Йуьхьанцарчу йукъарчу дешаран дешаран шо лаххара а 34 кӀира ду а, ткъа хьалхарчу классан 33 кӀира ду а;
  • Урокан хан 40 минот йу;
  • Хьалхарчу классехь график дӀасаqекъало: 35 минот (товбецан бутт — гӀуран бутт); 40 минот (кхолламан бутт — хӀутоссург бутт);
  • Ишкола шина сменехь болх беш йу;
  • Хьалхарчу сменехь урокаш дӀайолало Ӏуьйранна 8 сахьт 30 минот йаьлча, ткъа шолгӀачу сменехь сарахь 13 сахьт 30 минот йаьлча;
  • Ишкол иштта болх беш йу: 1-чу классашкахь 5 дийнахь дешаран кӀира; 2-11-чуй классашкахь 6 денна лерина дешаран кӀира;
  • ХӀора урок чекхъйаьлча дешархошна 5 минотехь садаӀар ло, кхоалгӀа урок чекхъйаьлча 10 минотехь садаӀар ло.

Хьехархойн коллектив

Ишколан хьехархойн коллектив, 2023 шарахь, йерриг а — 32 йу, шайна йукъахь 14 — лакхара хьехархойн дешар долу хьехархо а, 4 — лакхара квалификацин категори йолуш а, 1 — хьалхара категори йолуш а.

Ишколан куьйгалхо: Цомакаева Марет Хасмахмедан йоӀ (2024 шарахь дуьйна).

Рейтингаш а, совгӀаташ а, толамаш а

  • Инновационни технологеш кхочушъйеш йолчу ишколашна йукъахь «Дешар» приоритетни къоман проектан гурашкахь дӀайаьхьначу конкурсан толамхо;
  • Ишколан хьехархоша 2006—2007 дешаран шарахь «Дешар» цӀе йолчу приоритетни къоман проектан гурашкахь «Тоьлла хьехархо» конкурсехь толам баьккхира[4];
  • 2022-чу шарахь Нохчийн Республикехь йукъарадешаран организацеша йукъара дешаран дикалла лакхайаккхарехь динчу дакъанан рейтингехь иза 108-гӀа меттиг дӀалаьцна[7];
  • 8-11-чу классашкахь доьшучу дешархошна йукъахь тоьллачу статьяна республикин къовсамехь толам баьккхина «Сан Даймехкан истории!» 2024 шарахь, дешархо Хайдарова Макка йара[8].

Билгалдахарш

  1. ↑ 1 2 Подведомственные организации. МУ «Отдел образования Грозненского муниципального района». ТӀекхочу дата: 2025 шеран 24 сентябрь.
  2. ↑ 100 лучших школ России. Всероссийский образовательный форум «Школа будущего» (2019). ТӀекхочу дата: 2025 шеран 24 сентябрь.
  3. ↑ Главная страница. МБОУ «СОШ с. Керла-Юрт». ТӀекхочу дата: 2025 шеран 24 сентябрь.
  4. ↑ 1 2 3 Сведения об образовательной организации. МБОУ «СОШ с. Керла-Юрт». ТӀекхочу дата: 2025 шеран 24 сентябрь.
  5. ↑ Учебная деятельность. МБОУ «СОШ с. Керла-Юрт». ТӀекхочу дата: 2025 шеран 24 сентябрь.
  6. ↑ Публичный доклад (2023). ТӀекхочу дата: 2025 шеран 24 сентябрь.
  7. ↑ Рейтинг вклада общеобразовательных организаций Чеченской Республики в качество общего образования в 2022 году. Министерство образования и науки Чеченской Республики (2022). ТӀекхочу дата: 2025 шеран 24 сентябрь.
  8. ↑ Алет Нунаева. В Грозном наградили победителей конкурса «Сан Даймехкан истори!» Вести Чеченской Республики (2024 шеран 17 май). ТӀекхочу дата: 2025 шеран 24 сентябрь.

Кхин дӀа темана тӀехь

Категореш