Гуьмсан муниципальни кӀоштан къоначу техникийн цӀа

Берашна лерина тӀетоьхна дешаран хьукумат «Къоначу техникийн цӀа» кхоьллина 2000-чу шарахь. Иза лаьтта Гуьмсехь Кировн урамехь, 171-чу цӀа чохь. 1996 шо кхаччалц оцу адресца йара «Къона техникан станци», шуьйра аьттонаш а болуш, гӀалиндешархошна йукъахь гӀарайалар а долуш йара^[1].

2000 шеран сентябрехь хьукумат меттахӀоттийра Гуьмсан кӀоштан «Берийн техникан кхоллараллин цӀа» аьлла. 2009 шеран товбецан баттахь 1-чу динйахь хьукуматийн цӀе хийцира Гуьмсен кӀоштан «Къоначу техникийн цӀа» тӀетоьхна дешаран пачхьалкхан дешаран хьукумат аьлла. Масех шарахь масех цӀе хийцира цу хьукуматийн, 2015 шеран мангалан беттан 2-чу дийнахь дуьйна иза йевзаш йу Гуьмсан муниципальни кӀоштан «Къоначу техникийн цӀа» тӀетоьхна дешаран муниципалан бюджетан хьукумат аьлла^[1].

Къоначу техникийн цӀийно дешаран гӀуллакхаш дӀахьо Гуьмсен муниципальни кӀоштан тӀетохаран дешаран муниципальни бюджетан хьукумат «Къоначу техникийн цӀа» база тӀехь, иштта йукъара дешаран хьукуматашкахь а: муниципальни бюджетан йукъарадешаран хьукумат «№ 3 йолу Жалкхера йуккъера йукъарадешаран ишкол», муниципальни бюджетан йукъарадешаран хьукумат «А. А. Кадыровн цӀарах Керла Бенара йуккъера йукъарадешаран ишкол» а, муниципальни бюджетан йукъарадешаран хьукумат «№ 2 йолу Гезлой-Эвлара йуккъера ишкол» а, муниципальни бюджетан йукъарадешаран хьукумат «М. Х. Тимиралиевн цӀарах № 1 йолу Гуьмсан йуккъера йукъарадешаран ишкол», муниципальни бюджетан йукъарадешаран хьукумат «№ 2 йолу Энгал-Йуртан йукъера йукъарадешаран».

Гуьмсен муниципалан кӀоштан тӀетохаран дешаран муниципальни бюджетан хьукумат «Къоначу техникийн цӀа» кхоьллинарг(оьр.)нохч. йу «Гуьмсан муниципальни кӀоштан дешаран урхалл» муниципальни хьукумат.

ТӀетохаран дешаран муниципальни бюджетан хьукумат «Соьлжа-ГӀалин муниципальни кӀоштан кегийрхойн кхоллараллин центр» урхалла деш йу «Россин Федерацехь дешаран хьокъехь» федеральни законца а, хьукуматийн уставца а нийса а догӀуш. Хьехаран меттанаш оьрсийн меттанаш ду.

Кегийрхойн кхоллараллин центр болх бийр бу 2023-чу шарахь дешаран программин йиъ декъехь:

• Исбаьхьаллин;
• Технически;
• Физкультура а, спорт а;
• Социальни а, гуманитарни а.

Программин хан, дукхахьолахь, цхьа шо йу, амма цхьацца меттигаш йу. Исбаьхьаллин хьажаме гурашкахь кегийрхойн кхоллараллин центран хьехархоша болх бо хӀокху тобанашца (54 тоба):

• «Дизайна а, кхолларан а бух»;
• «Кхоллараллин мастерской»;
• «Компьютеран дизайн»;
• «Кехатандекор»;
• «IT-технологеш» (программин хан: кхо шо).

Технически декъехь (34 кхолларалаш):

• 3D — анимаци;
• 3D — моделировани;
• Робототехника (программин хан: 3 шо).

Социальни а, гуманитарни а программаш (16 тоба):

• «Самукъане ингалсан мотт»;
• «Самукъане оьрсийн мотт».

Физкультуран а, спортан а программаш (16 тоба):

• "Шахматашм (программин хан: 4 шо);
• «Спортланди».

ХӀора шарахь 2600 сов бер доьшу цу хьукуматашкахь^[1].

• Дешаран шо дӀадолало товбецан беттан 15-чу дийнахь тӀаьхьа ца долуш, чекхдолу асаран беттан 1-чу дийнахь тӀаьхьа ца долуш;
• Хьукуматашкахь берийн урокаш дӀахьо оршотан дуьйна шоьтан дийне кхаччалц;
• Клубан болх Ӏуьйранна 8:00 сахьт даьлча дуьйна сарахь 6:00 сахьт даллалц бу;
• Дешаран шо 33-36 кӀиранах лаьтта;
• Ишколе кхачале долчу берийн урокаш 30 минотехь лаьтта, ткъа массо а кхечу берашна 40-45 минотехь (5-10 минотехь садаӀарца).

Хьехархойн коллектив 2023 шарахь — 34 стаг ву, царех 18 — лакхара дешар долу хьехархо ву а, 3 — лакхара квалификацин категори йолуш а, 6 — хьалхара категори йолуш а, 12 — 30 шарахь сов болх бина а.

Гуьмсан муниципальни кӀоштан «Кегийрхойн кхоллараллин центр» тӀетоьхна дешаран муниципальни бюджетни хьукуматийн директор: Хизриев Альберт Лоьман воӀ.

• 1-ра меттиг 2015 шарахь Республикан робототехникан лагерь «Роболето-2» къовсамехь дешархошна йукъахь «Сумо» категорехь^[2];
• 2017-чу шарахь Нохчийчоьнан дешаран куьйгалхочун совгӀат делира И. С. Салманиев тӀетохаран дешаран тоьлла хьехархо санна^[3];
• 2018-чу шарахь дешаран декъехь Нохчийчоьнан куьйгалхочун совгӀат делира Хь. Л.-А. Мунаев тӀетоьхначу дешаран тоьлла хьехархо санна;
• Хьехархошна йукъахь «Ас сайн дог берашна дӀало» республикин конкурсан лауреат 2022 шарахь — А. А. Нухаджиев^[4];
• 2020-чу шарахь Нохчийн Республикан куьйгалхочун совгӀат дешаран декъехь делира Л. А. Хизриевана тӀетоьхна дешаран тоьлла хьехархой санна^[5];
• 2022-чу шарахь дешаран декъехь Нохчийчоьнан куьйгалхочун совгӀат делира тӀетохаран дешаран тоьлла хьехархой санна — З. Эдильгериева а, А. А. Нухаджиев а;
• ТӀетоьхна дешаран декъехь белхалойн корматаллин говзаллин Йерригроссин конкурсан «Ас сайн дог берашна дӀало» региональни этапан «Исбаьхьаллин агӀор тӀетоьхна дешаран хьехархо» номинацехь толам баьккхинарг: Эдильгериева Ж. З^[6];