Соьлжа-ГIалин № 25 йолу йуккъера йукъарадешаран ишкол
Соьлжа-ГIалин № 25 йолу йуккъера йукъарадешаран ишкол (дацдина МБЙХь «ЙЙШ №25») — БойсгӀаран кӀоштан муниципалан бюджетан йукъарадешаран хьукмат[1].
Истори
Кхо гӀат йолу ишколан гӀишло йина 2009-чу шеран декабрь беттан 26-чу дийнахь, хӀора сменехь 400 дешархочунна лерина йу иза. Лаьттан майда йу 9629,0 м², ишколан гӀишлонан майда йу 1729,8 м². ГӀишло меттахӀоттийна ООО «МегаСтрой-Инвест» компанино[2]. 13
Доладеш йолу хьукмат - Соьлжа-ГIалин мэрин дешаран департамент[1].
Дешар
ТӀеэцар ХӀора шарахь 950 сов стаг доьшу ишколехь. Ишколо хьалхарчу классе бераш тӀеоьцу 6,6 шо кхаьчча дуьйна, 8 шарал тӀаьхьа а доцуш. Хьалхарчу классе бераш тӀеэцар шина муьрехь дӀахьо:
1) Апрель беттан 1-чу дийнахь дуьйна июнь беттан 30-чу дийне кхаччалц рогӀера арахьа, хьалхара йа льготан бакъо йолчу берашна, иштта ишкол лаьттачу дозанан латта тӀехь дехачу берашна;
2) июль беттан 6-чу дийнахь дуьйна мукъа меттигаш йуьзна дӀайаллалц, амма 5-чу сентябрехь тӀаьхьа ца луш, билгалбаьккхинчу махкахь дехаш доцчу берашна. Аьлча а, муьлххачу а кӀоштан ишколе дӀайазвала йиш йу.
Дешаран кепаш а, программаш а .
Ишколан дешархошна дешаран коьрта кепаш, «Россин Федерацехь дешаран хьокъехь» № 273-ФЗ йолчу Федералан законан гурашкахь. Дешаран кеп: очни. Хьехаран мотт: оьрсийн мотт.
Дешар дӀахьо йуьхьанцарчу йукъара дешаран (1-4 классашкахь 4 шо), йуьхьанцара йукъара дешаран (5-9 классашкахь 5 шо), йуккъера йукъарадешаран (10-11 классашкахь 2 шо) программашца. Иштта тӀетоьхна дешаран программа, йуьхьанцара а, йуьхьанцарчу а йукъарадешаран адаптированни программа.
Раж
- Ӏаморан кепан коьрта элементаш:
- Дешар шина сменехь дӀахьо;
- Дешаран шо долало 1 сентябрехь;
- Массо а классашна пхеа дийнахь дешаран кӀира хӀоттийна;
- Доьшийла дӀадолало: 1-ра смена - 08:00, 2-гӀа смена - 13:10;
- Доьшийлин хан - 40 минот, 1-чу классашна хьалхарчу эхашарахь - 35 минот. СадаӀар 5 минотехь хуьлу, 3-гӀа урок чекхйаьлча - 10 минотехь;
- Йуьхьанцарчу, йуккъера йукъарадешаран тӀегӀанашкахь дешархошна дешаран шеран хан лаххара а 34 кӀира ду 9-чу а, 11-чу а классашкахь пачхьалкхан чаккхенан аттестаци ца лерича, 1-чу классехь - 33 кӀира ду[3].
Хьехархойн коллектив
Хьехархойн коллективан терахь ду 41, царех: 35 лакхара хьехархойн дешар долуш, 11-30 шарахь сов хьехархочун болх беш бу, 5 лакхарчу квалификацин категори йолуш, 2 хьалхара категори йолуш, 2 «Россин Федерацин хьакъволу хьехархо» цӀе йолуш, 3 «Российн Федерацин сийлахь хьехархо» цӀе йолуш ву, 4 къинхьегаман ветеран ву, ткъа 1 Нохчийчоьнан куьйгалхочун сийлаллин грамота йолуш ву.
Ишколан директор: Закриева Зина Асламбекан йоI йу.
Билгалдахарш
- ↑ 1 2 Подведомственные организации. МБОУ «СОШ № 25» г. Грозного © (2024). ТӀекхочу дата: 2024 шеран 17 июль.
- ↑ Официальные данные. МБОУ «СОШ № 25» г. Грозного © (2024). ТӀекхочу дата: 2025 шеран 31 июль.
- ↑ Положение о режиме занятий обучающихся. МБОУ «СОШ № 25» г. Грозного © (2023 шеран 30 август). ТӀекхочу дата: 2025 шеран 31 июль.
