№ 1 йолу ишкол (Девкар-Эвла)
№ 1 йолу йуккъера йукъарадешаран ишкол Девкар-Эвлара (оьрс. Средняя общеобразовательная школа № 1 с. Толстой-Юрт) — Соьлжа-ГӀалин кӀоштан муниципальни бюджетан йукъарадешаран хьукумат[1].
Иза 30-гӀа меттигехь йу 2023 шарахь Нохчийн Республикехь йукъарадешаран организацеша йукъара дикалла ларъйарехь динчу дакъанан рейтингехь[2].
Истори
Йукъарадешаран хьукумат кхоьллина 2009-чу шарахь[3].
Ишколан гӀишло кхо тӀам долуш йу: йуккъера тӀам кхо гӀат долуш йу а, аьтту тӀам ши гӀат долуш а, аьрру тӀам столови а, спортан зал а, ткъа актови зал йу столови лакхахь. 624 дешархочунна чутарвала йиш йу цу гӀишлонна. Ишколан майданаш аьчкан къепеца дӀакъевлина йу. Спортан а, баскетболан а, футболан а майданаш йу цигахь[4]. Дерриге а дешархой беха ишколан уллехь.
Кхоьллинарг: Нохчийн Республикан Соьлжа-ГӀалин муниципальни кӀоштан дешаран урхалла[1].
2023-чу шарахь ишколан кертахь мемориалан пилта хӀоттийра, леррина тӀеман операцехь шен декхарш кхочушдеш кхелхина волу выпускник Дудуркаев Ӏиса Вахитан во дагалоцуш[5].
Дешар
ДӀаэцар
ХӀора шарахь 1100 сов дешархо воьду цу ишколе. Хьалхарчу классе дӀаоьцу 6 шо а, 6 бутт тӀера 8 шаре кхаччалц долу бераш.
ТӀеэцар шина муьрехь ду:
1) Оханан беттан 1-чу дийнахь асаран баттахь 30-чу дийнахь кхаччалц ишколашкахь хьалхара, хьалхара, йа льгота йолчу берашна, иштта ишкол шен дозанехь йолчу билгалъйаьккхинчу меттигехь дехачу берашна;
2) Мангалан баттахь 6-чу дийнахь дуьйна йерриге а меттигаш йуьззина йаллалц, амма билгалъйаьккхинчу меттигехь дехаш доцчу берашна товбецан беттан 5-чу дийнахь тӀаьхьа ца хилча.
Дешаран кепаш а, программаш а
Ишколан дешархойн дешаран йуьхьанцара кепаш билгалйоху № 273 «Россин Федерацехь дешаран хьокъехь» федеральни законо а, ишколан уставо а, кхиоран программо а, кхин а меттигерчу низамо а. Хьехаран кеп: очно. Хьехаран мотт: оьрсийн мотт.
Дешар дӀахьо йуьхьанцарчу йукъарадешаран (1-4 классашкахь 4 шо) а, коьрта йукъарадешаран (5-9 классашкахь 5 шо) а, йуккъера йукъара дешаран (10-11 классашкахь 2 шо) программашца. Ишколехь кхочушъйеш йу дешархошна адаптированни йуьхьанцарчу а, йуьхьанцара а йукъара дешаран программаш, ткъа иштта кхин а йукъара кхиаран программаш. 2023 шарахь ишколехь дерриг а 1186 дешархо ву, царех 20 леррина дешаран хьашташ а, заьӀапалла а йолуш ву.
ТӀетоьхна дешаран программаш дӀахьо хӀокху декъехь: Ӏаламан Ӏилманаш а, технологи а, искусство а, физкультура а, спорт а, туризм а, меттигера истори а:
- Математикийн кружок «Къона математик»;
- Хими кружок «Къона химик»;
- Социалан кружок «Сан дуьне»;
- Географин кружок «Дуьненан гонах»;
- Духовни гӀиллакх-оьздангаллин а кхетош-кхиоран кружок «ГӀиллакх-оьздангаллин урокаш»;
- «Соьлжа-ГӀалин муниципальни кӀоштан берийн исбаьхьаллин центран» «Говза куьйгаш»;
- Кегийрхойн спортан ишколехь латар;
- Кегийрхойн спортан ишкол мини-футбол.
Ишкол 2019-чу шарахь дуьйна «Точка роста» центрех цхьаъ йу, техникан агӀонаш кхочушъйеш йу.
Ишколехь 28 дешаран кабинеташ йу, царех 21 кхузаманан мультимедиан технологица кечйина йу, шайна йукъахь: физикин лаборатори а, химин лаборатори а, биологин лаборатори а, компьютеран чоь а, пхьарийн мастерской а, мехкаршна лерина технологийн чоь а, кӀенташна лерина технологийн чоь а, дахаран кхерамзаллин баххаш Ӏамош йолу чоь («Точка Роста» тренажерашца кечйина).
М. Д. Миллионщиковн цӀарахчу Соьлжа-ГӀалин пачхьалкхан мехкадаьттан технологийн университетан говзанчаша олимпиадаш дӀахьо 1-чу йуккъерчу ишколехь[6].
Цхьаьнатоьхна пачхьалкхан экзамен
Цхьаьнатоьхна пачхьалкхан экзаменан жамӀаш 2023-чу шарахь
| Предмет | Йуккъера балл |
|---|---|
| Оьрсийн мотт | 85,15 |
| Математика | 86 |
| Истори | 75 |
| Биологи | 80,5 |
| Хими | 80 |
| Информатика а, ИКТ а | 70 |
| Обществознани | 64 |
Режим
Классан режиман коьрта элементаш:
- Занятеш шина сменехь дӀахьо;
- Дешаран кӀира пхеа дийнахь лаьтта (доьалгӀа де лаьтта классал арахьарчу гӀуллакхех а, факультативех а, университете кечамбаран курсех а, клубан гӀуллакхех а, спортан а, фитнес-гӀуллакхех а);
- Хьалхарчу сменехь Ӏуьйранна 8 сахьт даьлча, шолгӀачу сменехь сарахь 13 сахьт 30 минот йаьлча дӀайолало урокаш;
- Урокашна йукъахь садоӀу хан: хьалхарчу сменехь 5 минот, кхоалгӀа урок чекхъйаьллачул тӀаьхьа 10 минот, шолгӀачу сменехь 5 минот, кхоалгӀа урок чекхъйаьллачул тӀаьхьа 10 минот;
- Дешаран шо дӀадолало товбецан беттан 1-чу дийнахь;
- Дешаран шо лаххара а 34 кӀиранах лаьтта, пачхьалкхан чаккхенан мах хадор ца лерича; 33 кӀира хьалхарчу классехь;
- Урокан хан 40 минот йу, хьалхарчу классехь хьалхарчу семестрехь 35 минот йу[7].
Хьехархойн коллектив
2023-чу шарахь йерриг а хьехархойн коллективан терахь ду 86, царех: 51 — лакхара хьехархойн дешар долуш а, 13 — лакхара квалификацин категори йолуш а, 4 — хьалхара категори йолуш. 20 шарахь сов хьехархочун болх биначу хьехархойн терахь ду — 33.
- «Нохчийн Республикин хьакъйолу хьехархо» цӀе йелла — З. М. Даутхаджиевана а, Л. А. Дзиаудинована а;
- «Россин Федерацин йукъарадешаран сийлахь белхахо» цӀе йолу сийлахь цӀе йелла Хасуева Т. М.
Соьлжа-ГӀалин кӀоштан администрацин а, Соьлжа-ГӀалин кӀоштан дешаран урхаллин а, кхечеран а сийлаллин грамоташ йелира хьехархошна.
Ишколан директор: Луиза Янарсаева Мамедан йоӀ.
Рейтингаш а, толамаш а, совгӀаташ а
- Нохчийн Республикехь йукъардешаран организацеша йукъардешаран дикалла лакхайаккхарехь динчу дакъанан 2023-чу шеран рейтингехь 30-гӀа меттигехь;
- 2023-чу шарахь ингалсан меттан олимпиадан кӀоштан муьрехь хьалхара меттиг — 10-чу классан дешархочунна Дикеев Сайд-Магомедна;
- «Тоьлла ишколан столови — 2022» Йерригроссин конкурсан федеральни этапехь «Тоьлла ишколан повар — 2022» категорехь 2-гӀа меттиг — лакхара шеф-повар Уматгириева Тамара[8];
- «Нохчийн маттахь тоьлла сочинени» муниципальни этапехь 1-ра меттиг — 9-чу классан дешархо Темуркаева Хадижат (2018 шо);
- Ишколашна йукъарчу кӀоштан волейболан къийсадаларшкахь 1-ра меттиг;
- Соьлжа-ГӀалин муниципальни кӀоштан йукъардешаран хьукуматийн дешархойн тобанашна йукъахь къоман цхьааллин денна лерина дӀайаьхьначу муниципальни баскетболан къийсадаларшкахь 2-гӀа меттиг;
- Соьлжа-ГӀалин денна лерина дӀайаьхьначу ишколашна йукъарчу атлетикан къийсадаларшкахь 1-ра меттиг;
- «Тоьлла нохчийн меттан кабинет» конкурсан муниципальни этапехь 1-ра меттиг (2018 шо).
Билгалдахарш
- ↑ 1 2 Подведомственные организации. Официальный сайт МУ «Отдела образования Грозненского муниципального района» (2024). ТӀекхочу дата: 2025 шеран 21 сентябрь.
- ↑ О результатах рейтинга вклада образовательных организаций Чеченской Республики в качество общего образования. Министерство образования и науки Чеченской Республики (2023 шеран 29 декабрь). ТӀекхочу дата: 2025 шеран 21 сентябрь.
- ↑ Основные сведения. МБОУ «Толстой-Юртовская СОШ № 1» (2024). ТӀекхочу дата: 2025 шеран 21 сентябрь.
- ↑ Общая информация. МБОУ «Толстой-Юртовская СОШ № 1» (2024). ТӀекхочу дата: 2025 шеран 21 сентябрь.
- ↑ В Толстой-юртовской школе №1 открыли памятную плиту. Вести Чеченской Республики (2023 шеран 30 март). ТӀекхочу дата: 2025 шеран 21 сентябрь.
- ↑ Специалисты ГГНТУ провели олимпиады для выпускников школ республики. «Грозный-информ» (2017 шеран 22 декабрь). ТӀекхочу дата: 2025 шеран 21 сентябрь.
- ↑ https://tolstoy-sosh1.educhr.ru/index.php?component=download&file=17894e3cda70dcbc42faea2c281989db16469f2b8f53a570e0f45ea24f2030fb&view=1. МБОУ «Толстой-Юртовская СОШ № 1» (2022). ТӀекхочу дата: 2025 шеран 21 сентябрь.
- ↑ Повар из Чеченской Республики стала лучшим школьным поваром России. «Чеченская Республика Сегодня» (23 ноября 2022). ТӀекхочу дата: 2025 шеран 21 сентябрь.
Хьажоргаш
- На базе школы № 1 с. Толстой-Юрт успешно реализуется мероприятия в рамках нацпроекта «Образование». vesti095.ru. ТӀекхочу дата: 2025 шеран 21 сентябрь.
- Б. Хазбулатов наградил учащихся СОШ № 1 с. Толстой-Юрт. chechnyatoday.com. ТӀекхочу дата: 2025 шеран 21 сентябрь.
- На классном часе в СОШ № 1 с. Толстой-Юрт рассказали о создании и принятии конституции Чеченской Республики. vestnikchr.ru. ТӀекхочу дата: 2025 шеран 21 сентябрь.
- На базе СОШ № 1 с. Толстой-Юрт проходят занятия в секции по волейболу. grozduc.dod95.ru. ТӀекхочу дата: 2025 шеран 21 сентябрь.
