Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Мамакхин-КIотаран йуккъера йукъарадешаран ишкол

Мамакхин-КӀотаран йуккъера йукъарадешаран ишкол (оьрс. Первомайская средняя общеобразовательная школа) — Нохчийн Республикан Соьлжа-ГӀалин кӀоштан Мамакхин-КӀотар станицан муниципальни бюджетан йукъарадешаран хьукумат[1].

Истори

Ишкол кхоьллина 1983-чу шарахь. Мамакхин-КӀотар йуьртан йуккъехь шина гӀат тӀехь йолчу гӀишлон чохь йара ишкол. Эвла йу Соьлжа-ГӀалина 18 километр генахь. ГӀишло йина 1983 шарахь[2].

Йукъара дешаран заведени 624 меттигна лерина йолчу хенахь 1300 сов дешархо вара ишколехь. Цундела кхаа сменехь дӀахьора урокаш[3].

2023 шарахь кхаа сменехь дешар дӀадаккхаран декъехь, «Дешар» къоман проект(оьр.)нохч. кхочушъйарехь 720 дешархочунна лерина керла ишкол йира[4].

Кхоьллинарг йу — «Нохчийн Республикин Соьлжа-ГӀалин муниципальни кӀоштан дешаран урхалла» муниципальни хьукумат[1].

Дешар

ТӀеэцар

Дешаран хьукумато хӀора шарахь 700 тӀера 1300 кхаччалц дешархой кечбо.

Йуьхьанцара йукъара дешар хьалхарчу классан дешархошна дӀадолало 6 шо 6 бутт кхаьчча, могашаллин бахьанашца дуьхьал гайтамаш ца хилча, амма 8 шарел тӀаьхьа ца хилча.

Ишколана тӀедиллинчу меттигехь бехачу хинболчу хьалхарчу классан дешархойн дай-нанойн заявкаш схьаэцар дӀадолало оханан беттан 1-чу дийнахь, чекхдолу асаран беттан 30-чу дийнахь. ТӀедиллинчу территори тӀехь дехаш доцчу берашна хьалхарчу классе деша заявкаш схьаэцар дӀадолало карарчу шеран мангалан беттан 6-чу дийнахь дуьйна, мукъа меттигаш дӀайаллалц, амма карарчу шеран 5-чу товбецан беттан тӀаьхьа ца дуьтуш. Россин низамашца нийса а догӀуш, рогӀера арахьа а, хьалха дӀаэцаран а бакъо кхочушйо цхьацца льготан категорешкахь болчу бахархойн берашна.

Дешаран кепаш а, программаш а

Ишколан дешархошна дешаран коьрта кепаш, «Россин Федерацехь дешаран хьокъехь» № 273 йолчу Федеральни законан гурашкахь. Дешаран кеп: очни. Хьехаран мотт: оьрсийн мотт.

Дешар дӀахьо йуьхьанцарчу йукъара дешаран (1-4 классашкахь 4 шо) а, йуьхьанцара йукъара дешаран (5-9 классашкахь 5 шо) а, йуккъера йукъара дешаран (10-11 классашкахь 2 шо) программашца.

Ишколехь тӀетоьхна дешар ло хӀокху декъехь:

  • социалан а, гуманитаран а;
  • исбаьхьаллин а, эстетически а;
  • физкультуран а, спортан а.

2021-2022-чу дешаран шеран хаамашца, ишколехь дешаран-методически болх дӀабахьа кхоьллина пхи предметни методически цхьаьнакхетаралла (МЦ):

  • оьрсийн меттан а, литературин а хьехархойн МЦ;
  • Ӏаламан Ӏилманийн а, математикийн а циклан хьехархойн МЦ;
  • исбаьхьаллин а, прикладни а, могашалла ларъйаран циклан МЦ;
  • нохчийн меттан а, литературин а хьехархойн МЦ;
  • йуьхьанцарчу классийн хьехархойн МЦ.

Кхузаманан мультимедиан технологешца кечйина 21 класс йу ишколехь, шайна йукъахь:

  • физикин лабораторица цхьаьна;
  • химин лабораторица цхьаьна;
  • биологин лабораторица цхьаьна;
  • цхьа компьютеран чоь;
  • мехкаршна лерина технологин чоь;
  • дахаран кхерамазаллин бухан чоь (биологин чоьнца цхьаьна).

2021-чу шарахь кхаа дешархочунна «Дешарехь къаьсттина кхиамаш бахарна» дашо мидалш йелира.

Режим

  • Дешаран шо дӀадолало товбецан беттан 1-чу дийнахь;
  • Дешаран шеран хан: 1-чу классашна — 33 кӀира а, 2-8-чу классашна — 34 кӀира а, 9-чу а, 11-чу а классашна — пачхьалкхан чаккхенан аттестаци чекхъйаьллачул тӀаьхьа;
  • 2-11-чу классашкахь урокан хан 40 минот йу;
  • Дешаран кӀира 6 дийнахь лаьтта;
  • Урокашна йукъара садоӀу хан хӀоранна а 5 минот йу, 3 еха садаӀар: 2-гӀа урок чекхъйаьллачул тӀаьхьа — 10 минот а, 3-гӀа урок чекхъйаьллачул тӀаьхьа — 20 минот а, 4-гӀа урок чекхъйаьллачул тӀаьхьа — 10 минот а;
  • 1-чу классехь урокан хан йу: товбецан баттахь — гӀуран баттахь 35 минот; 40 минот кхолламан баттахь — хӀутоссург баттахь;
  • Занятеш 2 сменехь дӀахьо;
  • Ишколан урокаш дӀайолало Ӏуьйранна 8 сахьт 30 минот йаьлча — 1 смена; 13:00 сахьт даьлча — 2 сменехь.

Хьехархойн коллектив

2023-чу шарахь йукъардешаран хьукумате болх беш ву 53 хьехархойн коллектив, царех 47 — лакхара хьехархойн дешар долуш, 6 — лакхара квалификацин категори йолуш а, 1 — хьалхара категори йолуш а, 25 — 30 шарахь сов хьехархочун болх бина а.

Россин Федерацин дешаран декъехь сийлахь белхало — Ахматханова Н. А., «Сийлахь къинхьегамна» сийлаллин значок — Ахметханова М. Б[5].

Ишколан директор: Бурсагова Деши Бурсин йоӀ.

Рейтингаш, толамаш а, совгӀаташ а

  • «Знаменски — 2014» интеллектуальни фестивалехь 1-ра меттиг — 10-чу классан дешархо Исаева Шовда билгалъйаьккхира тоьлла командин капитан;
  • «Бакъо харжаран» цӀе йолчу кӀоштан къовсамехь 1-ра меттиг;
  • «Сан аз» номинацехь кӀоштан литературни конкурсехь 1-ра меттиг йаьккхина 8 «В» классан дешархо Лорсанова Хава;
  • КӀоштан литературни къовсамехь поэзин декъехь 3-гӀа меттиг — 1-чу «Б» классан дешархо, Имаев Артур;
  • «Эскаран экспресс» кӀоштан конкурсехь 3-гӀа меттиг (2015 шо);
  • «Виъ говзанча» кӀоштан конкурсехь 2-гӀа меттиг (2015 шо);
  • «Харжаран бакъо» республикин къовсамехь 3-гӀа меттиг (2015 шо);

«Созвезди — 2015» кӀоштан берийн исбаьхьаллин фестиваль:

  • «Исбаьхьаллин дешнаш» номинацехь 2-гӀа меттиг — Эльсанова Линда;
  • 2-гӀа меттиг «Вокал» номинацехь — Хажмурадова Радима;
  • «Вокал» номинацехь 2-гӀа меттиг — мехкарийн тоба;
  • «Хореографи» категорехь 1-ра меттиг — 1-чу классан дешархошна;
  • «Сценически искусство» номинацехь 1-ра меттиг — 11 классан дешархой;
  • «Хоран исполнени» номинацехь 1-ра меттиг;
  • «Хаарийн бӀов» телеловзарехь 1-ра меттиг (2015 шо);
  • Берийн хорийн кӀоштан фестивалехь 1-ра меттиг.

«Созвезди — 2016» кӀоштан берийн исбаьхьаллин фестиваль:

  • «Вокал» номинацехь 1-ра меттиг;
  • «Хелхар» номинацехь 1-ра меттиг;
  • «Кхочушдаран искусство» номинацехь 3-гӀа меттиг.

«ТӀадамийн бӀаьсте — 2016» берийн кхоллараллин районан конкурс-обзор:

  • «Театр» номинацехь 1-ра меттиг;
  • «Вокал» номинацехь 1-ра меттиг;
  • «Исбаьхьаллин дош» номинацехь 2-гӀа меттиг — Имаев Артур;
  • 3-гӀа меттиг «Хелхар» номинацехь.

«Гуьйренан тӀадам — ​​2017» кӀоштан къовсам: «Драмин театр» номинацих 1-ра меттиг а, «Хорех иллиалар» номинацих 1-ра меттиг а.

  • Дешархойн кхоллараллин а, проектни а, талламан а белхийн «#Светлее вместе» цӀе йолчу кӀоштан конкурс 3-гӀа меттиг йаьккхина 8 «Г» класс дешархочо Макажаева Мадинас[6].

«БӀаьстенан тӀадам — ​​2018» кӀоштан къовсам:

  • «Драмин театр» номинацехь 1-ра меттиг;
  • «Хорехь иллиалар» номинацехь 2-гӀа меттиг;
  • «Драмин театр» номинацехь 1-ра меттиг;
  • 2-гӀа меттиг «Хорехь иллиалар» номинацехь;
  • Йукъарадешаран хьукуматийн лакхарчу классийн дешархошна йукъахь харжамийн планан республикански олимпиадехь 1-ра меттиг — «Либерал» тоба (2021 шо);
  • «Вайн заманан турпалхо» номинацехь «Ахьмад-Хьаьжин доккха тӀаьхьало» республикин кхоллараллин произведенийн къовсамехь 1-ра меттиг — дешархо Берснукаев Хьасан (2021 шо);
  • 14-15 шераш долчу кегийчу божаршна йукъахь ир-кара хӀиттийначу латаран исбаьхьаллин Нохчийн Республикан чемпионатехь 1-ра меттиг — 7 «б» классан дешархо Анзуров Ахьмад (2022 шо);
  • Йерригроссийн къоначу йешархойн «Дийна классика» конкурсан регионан муьран толамхо — дешархо Озниева Амина (2023 шо)[7];
  • 2024-чу шарахь Йерригроссин «Россин шеран хьехархо» конкурсан регионан этапан лауреат — Аздиева Линда Султанан йо Ӏ, йукъараллин Ӏилманан хьехархо[8].

Билгалдахарш

  1. ↑ 1 2 Подведомственные организации. МУ «Отдел образования Грозненского муниципального района» (2024). ТӀекхочу дата: 2025 шеран 16 сентябрь.
  2. ↑ МБОУ «Первомайская СОШ». МБОУ «Первомайская СОШ». ТӀекхочу дата: 2025 шеран 16 сентябрь.
  3. ↑ В рамках ликвидации трехсменного обучения в Грозненском районе строятся новые школы. Вести Чеченской Республики (2022 шеран 26 сентябрь). ТӀекхочу дата: 2025 шеран 16 сентябрь.
  4. ↑ В ст. Первомайской Грозненского района открыли новую школу на 720 мест. «Грозный-информ» (2023 шеран 1 сентябрь). ТӀекхочу дата: 2025 шеран 16 сентябрь.
  5. ↑ Педагогический состав. МБОУ «Первомайская СОШ» (2024). ТӀекхочу дата: 2025 шеран 16 сентябрь.
  6. ↑ Наши достижения. МБОУ «Первомайская СОШ». ТӀекхочу дата: 2025 шеран 16 сентябрь.
  7. ↑ На базе Гимназии № 5 г. Грозного выбрали лучших чтецов Чеченской Республики. Министерство образования и науки Чеченской Республики (5 апреля, 2023). ТӀекхочу дата: 2025 шеран 16 сентябрь.
  8. ↑ Стали известны имена шести призеров регионального этапа Всероссийского конкурса «Учитель года России» в 2024 году. Министерство образования и науки Чеченской Республики (2024 шеран 3 май). ТӀекхочу дата: 2025 шеран 16 сентябрь.

Хьажоргаш

Кхин дӀа темана тӀехь

Категореш