Пролетарски йуьртара ишкол
Йуккъера йукъарадешаран Пролетарски йуьртара ишкол (оьрс. Средняя общеобразовательная школа села Пролетарское) — Соьлжа-ГӀалин кӀоштан муниципальни бюджетан йукъарадешаран хьукумат йу[1].
«Дешар» къоман проектан гурашкахь 2006-чу шарахь 1 млн сом барамехь президентан грант эцаран ишколан конкурсан толамхо.
Истори
Ишкол кхоьллина 1967-чу шеран бекарг беттан 27-чу дийнахь. Иза цхьа шина гӀат долу гӀишло йара, хьалха белхалойн общежити йара цигахь. 1999 шо кхаччалц ишкол йуьззина йоцу йуккъера ишкол йара. 2007-чу шарахь ши гӀат долу гӀишло йира, 160 меттигна лерина. Ишкол шина сменехь болх беш йера[2].
2023-чу шарахь схьайиллина 360 меттиг йолу керла ишкол. Дешаран хьукумат къоман «Дешар» проект бахьанехь йина[3].
Кхоьллинарг — Нохчийн Республикин Соьлжа-ГӀалин муниципальни кӀоштан дешаран урхалла[1].
Дешар
ТӀеэцар
ХӀора шарахь 250 сов стаг доьшу школехь. Ишколо хьалхарчу классе бераш тӀеоьцу 6,6 шарера дуьйна 8 шарал тӀаьхьа ца долуш. Хьалхарчу классе бераш тӀеэцар шина муьрехь дӀахьо:
1) Оханан беттан 1-чу дийнахь дуьйна асаран беттан 30-чу дийне кхаччалц рогӀера арахьа, хьалхара йа льготан бакъо йолчу берашна, иштта ишкол лаьттачу дозанехь дӀаеллачу территори тӀехь дехачу берашна;
2) мангалан беттан 6-чу дийнахь дуьйна мукъа меттигаш дӀайуьзна дӀайаллалц, амма тӀедиллинчу меттигехь дехаш доцчу берашна товбецан беттан 5-чу дийнахь тӀаьхьа ца дуьтуш. Аьлча а, муьлххачу а кӀоштан ишколе дӀайазвала йиш йу.
Дешаран кепаш а, программаш а
«Россин Федерацехь дешаран хьокъехь» № 273 йолчу федеральни законан гурашкахь ишколан дешархошна дешаран коьрта кепаш. Дешаран кеп очни йу. Занятеш оьрсийн маттахь дӀахьо.
Дешар дӀахьо йуьхьанцарчу йукъара дешаран (1-4 классашкахь 4 шо) а, коьрта йукъара дешаран (5-9 классашкахь 5 шо) а, йуккъера йукъара дешаран (10-11 классашкахь 2 шо) программашца. Иштта кхочушйо кхин а дешаран программаш.
ТӀетоьхна дешар хӀокху программашца дӀахьо:
- Ӏаламдовзаран Ӏилма;
- исбаьхьаллин;
- физкультура а, спорт а.
2000 шарахь дуьйна ишколехь араваьлла 16 мидалхо: 7 дешархочо дашо мидалш йелира, ткъа 9 дешархочо детин мидалш йелира.
Верриг а дешаран организацин 2023 шарахь дешна 274 дешархо, 11 класс чекхъйаьккхинчу 11 выпускниках 4 лакхарчу дешаран заведенешка деша вахара.
Кхузаманан мультимедиан технологица кечйина 17 дешаран кабинеташ йу ишколехь. Цигахь йу столови а, спортзал а, актови зал а, Ӏаморан мастерскойш а, библиотека (библиотекин коллекцехь 12 200 книга йу) йешаран чоь а йолуш.
Ӏаламдовзаран а, технологийн а дешаран «Точка роста» центр кхоьллина ишколехь 2022 шеран хьаьттан беттан «Дешар» къоман проектан «Керла школа» федеральни проектан гурашкахь Ӏаламдовзаран а, технологийн а коьрта а, тӀетоьхна а йукъара дешаран программаш кхочушъйархьама[4].
Статистика
2023-чу шарахь дӀайаьхьначу олимпиадан ишколан этапехь дакъалецира 198 дешархочо, царех 81 дешархо толамхо хилла, 60 дешархо совгӀатхо хилла. 42 дешархочо дакъалецира муниципалан этапехь. Дакъалацаран жамӀашна тӀе а тевжаш, математикехь 1 совгӀатан меттиг дӀалаьцна цара.
Цхьаьнатоьхна пачхьалкхан экзамен
2023-чу шарахь 11-чу классехь цхьаьнатоьхна пачхьалкхан экзамен дӀайаларан жамӀаш
| Предмет | Йуккъера балл |
|---|---|
| Оьрсийн мотт | 61,6 |
| Математика (профильни) | 31,2 |
| Математика (базови) | 10,7 |
| Обществознани | 43,6 |
| Ингалсан мотт | 41 |
| Ингалсан мотт (барта) | 45 |
| Литература | 56 |
Режим
- Занятеш дӀайолало — 8:30 сахьт даьлча;
- Занятеш чекхйовлу — 14:30 сахьт даьлча;
- Дешаран шо дӀадолало товбецан беттан 1-чу дийнахь;
- 1-чу классехь урокан хан: — 35 мин. (товбецан бутт — гӀуран бутт); — 40 мин. (кхолламан бутт — хӀутоссург бутт), 2-11 классашкахь — 40 мин.;
- Ишколехь хьехар дӀахьо: 1-11 классашкахь пхеа дийнахь дешаран кӀира.
Хьехархойн коллектив
Хьехархойн коллективан йерриге а терахь ду — 28. Царах: 22 — лакхара хьехархойн дешар долуш а, 6 — лакхарчу квалификацин категори йолуш а, 4 — 30 шарахь сов хьехархочун болх бина а.
Толамхой, инновацин технологеш йукъайаьхна тоьлла хьехархой: Курбанова Э. Б. (2008 шо) а, Конаева М. Д. (2008 шо) а, Молочиева М. М. (2009 шо) а, Хабибулина А. К. (2022 шо) а, Шамсудова Л. Ш. (2021 шо) а, — Нохчийчоьнан куьйгалхочун совгӀат.
«Шеран хьехархо» а, «Стаг кхетош-кхиор» а республикански конкурсийн лауреаташ: Эжаева М. А., Хлюпина Е. И., Молочиева М. М., Конаева М. Д., Хаджиева П. А-А., Юсупова С. Б., Махмудова Х. К.
Хьехархошна Нохчийчоьнан куьйгалхочун а, Нохчийчоьнан парламентан а, Россин Федерацин Пачхьалкхан Думан депутатан а баркаллин кехаташ а, Нохчийн Республикин дешаран а, Ӏилманан а министерствон а, Соьлжа-ГӀалин РОО-н а, Нохчийн Республикин Профсоюзийн Федерацин а сийлаллин грамоташ а делира.
Ишколан директор: Ахмедов Апти Янорсан воӀ.
Толамаш а, совгӀаташ а
- Йерригроссин «Со Россин вахархо ву» акцин регионан муьрехь «Волонтёрийн практикаш кхиор» номинацехь толам баьккхина 6 «а» классан дешархо Таймсханова Ясмина (2023 шо);
- Шен культурах лаьцна оьрсийн маттахь тоьлла сочинени а, шен ненан маттахь оьрсийн культура тоьлла йийцина а Йерригроссин конкурсан региональни этапехь 3-гӀа меттиг йаьккхина дешархочо Курбанова Мархас (2023 шо);
- Ненан денна лерина республикански конкурсехь «Ткъа ас сан нене ода олу» цӀе йолчу конкурсехь 2-гӀа меттиг йаьккхина 11-чу классан дешархочо Эльнукаева Джарадата;
- 2-гӀа меттиг «Нашидш» цӀе йолчу динан эшарийн республикин къовсамехь (2023 шо);
- Соьлжа-ГӀалин муниципалан кӀоштан «Нохчийн Республикан ишколан КВН тобанийн 2-гӀа фестивалехь» КВН ловзарийн лауреат (2023 шо);
- «Стаг кхетош-кхиор» муниципалан этапехь 2-гӀа меттиг йаьккхина математикан хьехархочо Курбанова Иман Мухамедан йоӀ (2022 шо);
- Йерригроссин «Шеран хьехархо — 2022» конкурсан муниципалан муьрехь толамхо йу йуьхьанцарчу классийн хьехархо Хабибулина Алина Кямильевна (2022);
- Ненан денна леринчу кхоллараллин произведенийн республикин конкурсехь 2-гӀа меттиг, «Аймани Несиевна — Мехкан Жовхар», «Ткъа ас сан нене ода олу» номинацехь (категория 14-17 шераш) 11-чу классан дешархочо (Элнакаева Жарадат);
- 2004—2006 шерашкахь дуьненчу бевллачу кегийчу божаршна йукъахь дӀайаьхьначу йиллинчу кӀоштан мини-футболан турнирехь 1-ра меттиг, Нохчийн Республикан денна лерина (2021 шо);
- Толерантан денна лерина йолчу Соьлжа-ГӀалин кӀоштан йукъардешаран хьукуматийн тобанашна йукъахь дӀайаьхьначу шахматийн турниран муниципальни этапехь 1-ра меттиг (2019 шо);
- «Волалуш архитектор» республикин къовсамехь толам баьккхина дешархо Исаева Мубарик (2013 шо)[5];
- «Тоьлла Къуръан дешар» муниципальни конкурсехь 1-ра меттиг йаьккхира 9-чу классан дешархочо Умаров Абумуслима;
- «Сан Даймохк» цӀе йолчу муниципальни суртдиллархойн къовсамехь 1-ра меттиг — 9-чу классан дешархочунна Мамаева Энисатна;
- Оьрсийн маттахь шен культурех лаьцна тоьлла сочинени йазъйарна а, шен ненан маттахь оьрсийн культура тоьлла йийцаре йарна а Йерригроссин конкурсан региональни этапехь 3-гӀа меттиг.
ГӀарабевлла выпускникаш
- Вараев Ӏадлан — СССР, маьрша латаран Европан а, дуьненан а чемпион, СССР Сийлахь спортан мастер, 1988 шеран Олимпан ловзарийн детин совгӀатхо, Российн Сийлахь тренер;
- Исаева Хава — А. А. Кадыровн цӀарахчу фондан вице-президент;
- Умарова Ася — нохчийн художник а, йаздархо а;
- Умаров Жаа — нохчийн паргӀат кепехь латаран тренер, Российн Сийлахь тренер;
- Умаров Рамзан — 1-ра меттиг юниорийн дуьненан чемпионатехь, Шифферштадт, Дуьненайукъара классан спортан мастер[6].
Билгалдахарш
- ↑ 1 2 Подведомственные организации. МУ «Отдел образования Грозненского муниципального района Чеченской Республики» (2024). ТӀекхочу дата: 2025 шеран 14 сентябрь.
- ↑ Аза Тутуева. Первые ступени образования! Вести Чеченской Республики (2015 шеран 30 январь). ТӀекхочу дата: 2025 шеран 14 сентябрь.
- ↑ Новая школа на 360 мест строится в селе Пролетарском. «Национальные приоритеты» (2022 шеран 10 июнь). ТӀекхочу дата: 2025 шеран 14 сентябрь.
- ↑ Общая информация о центре «Точка роста». МБОУ «СОШ с. Пролетарское» (2022). ТӀекхочу дата: 2025 шеран 14 сентябрь.
- ↑ В Грозненском муниципальном районе прошло мероприятие «День чеченского языка в рамках Весенней Недели добра-2013». Администрация Грозненского района Чеченской Республики (2013). ТӀекхочу дата: 2025 шеран 14 сентябрь.
- ↑ Рамзан Умаров. WSPORT-SHATOY. ТӀекхочу дата: 2025 шеран 14 сентябрь.
Хьажоргаш
- Пусть меня научат! vesti095.ru.
