А. С. Алаудиновн цӀарах йолу ГӀой-Чура ишкол
Алаудинов Арона цӀе йолу ГӀой-Чунская йуккъера йукъарадешаран ишкол (оьрс. Гой-Чунская школа им. А. С. Алаудинова) — Хьалха-Мартанан кӀоштан ГӀой-Чу йуьртан муниципальни бюджетан дешаран хьукумат йу[1].
Нохчийн Республикин йукъардешаран организацеша 2023-чу шарахь йукъардешаран дикалла лакхайаккхарехь динчу дакъанан рейтингехь иза 37-чу меттехь йуе[2].
Истори
Дешар
ТӀеэцар
ХӀора шарахь 500 сов дешархо дӀаоьцу дешаран хьукумате[3].
Йуьхьанцара йукъарадешар хьалхарчу классан дешархошна дӀадолало 6 шо 6 бутт кхаьчча, нагахь санна могашаллина дуьхьал гайтамаш бацахь, амма 8 шарел тӀаьхьа ца хилча.
Ишколана тӀедиллинчу меттигехь бехачу хинболчу хьалхарчу классан дешархойн дай-нанойн заявкаш схьаэцар дӀадолало оханан беттан 1-чу дийнахь, чекхдолу асаран беттан 30-чу дийнахь. ТӀедиллинчу территори тӀехь дехаш доцчу берашна хьалхарчу классе деша заявкаш схьаэцар дӀадолало карарчу шеран мангалан беттан 6-чу дийнахь дуьйна, мукъа меттигаш дӀаяллалц, амма карарчу шеран товбецан беттан 5-чу дийнахь тӀаьхьа ца дуьтуш. Россин низамашца нийса а догӀуш, рогӀера арахьа а, хьалха дӀаэцаран а бакъо кхочушйо цхьацца льготан категорешкахь болчу бахархойн берашна.
Дешаран кепаш а, программаш а
Ишколан дешархошна дешаран коьрта кепаш, № 273 «Россин Федерацехь дешарх лаьцна» федеральни законо билгалъйаьхна ма-хиллара. Дешаран кеп: очно. Хьехаран мотт: оьрсийн мотт.
Дешар хӀокху программашца дӀахьо: йуьхьанцара юкъара дешар (1-4 классашкахь 4 шо) а, йуьхьанцара йукъара дешар (5-9 классашкахь 5 шо) а, йуккъера йукъарадешар (10-11 классашкахь 2 шо) а.
Ишколехь кхоьллина методически цхьаьнакхетараллаш (МЦ):
- Йуьхьанцарчу классийн ишкол МЦ;
- Классан куьйгалхой МЦ;
- Оьрсийн меттан а, литературин а хьехархойн отделени МЦ;
- Нохчийн меттан а, литературин а хьехархойн МЦ;
- Математика а, информацин а, коммуникацин а, МЦ;
- Йукъаралла Ӏаморан хьехархойн кафедра МЦ;
- Ӏаламдовзаран информацин МЦ.
Ишколехь тӀетоьхна дешар дӀахьо хӀокху декъехь:
- спортае а, могашаллан а;
- йукъара хьекъалан;
- исбаьхьаллин;
- техникан;
- йукъараллин.
ХӀара кружокаш а, секцеш а лелайо (2023 шарахь дуьйна): «Самукъадаккхаран математика» а, «Оьрсийн меттан къайленаш» а, «Домисолька» а, «Волейбол» а, «Баскетбол» а, «Мини-футбол» а, «Бозбуунчаллин къолам» а, «Къона информатик» а, «Практикан обществознани» а, «Робототехника» а, «Географин учебникан агӀонашна тӀехула» а[3].
2019 шарахь дуьйна ишколехь болх беш йу Ӏаламан Ӏилманан а, технологин а дешаран центр, «Кхиаран точка».
ТӀаьхьарчу кхаа шарахь дешархоша предметийн олимпиадашкахь дакъалацарх лаьцна хаамаш:
| Олимпиадан тӀегӀа | 2020 — 2021 дешаран шо | 2021 — 2022 дешаран шо | 2022 — 2023 дешаран шо |
|---|---|---|---|
| муниципальни | математикехь 1-ра меттиг
географехь 1-ра меттиг |
матиматикехь 1-ра меттиг | математикехь 1-ра меттиг
географехь 1-ра меттиг ингалсан меттахь 1-ра меттиг |
| региональни | - | математикехь 2-гӀа меттиг | ингалсан меттахь 3-гӀа меттиг |
| федеральни | - | - | - |
Ишколехь 24 дешаран кабинеташ йу (нохчийн мотт а, литература а, оьрсийн мотт а, литература а, ингалсан мотт а, математика а, физика а, химин а, биологин а, географин а, историн а, информатикан а, ткъа иштта «Точка роста» центрехь урокаш дӀайахьа 2 кабинетчохь), 32 компьютераш а, проекторца 19 интерактивни у ду. Иштта болх беш йу спортан зал а, буфет а, библиотека а (9608 киншка гулйина).
Режим
- Дешаран шо дӀадолало товбецан баттахь 1-чу дийнахь;
- Урокаш 40 минотехь хуьлу, ткъа хьалхарчу классехь (хьалхарчу семестрехь) 35 минотехь;
- 1-11 классашкахь урокашна йукъахь садаӀар 5 минотехь лаьтта, ткъа кхоалгӀа урок чекхъйаьлча 10 минотехь хуьлу;
- Йукъарчу дешаран хьукуматийн белхан сахьташ иштта ду: 1-4 классаш болх беш йу пхеа дийнахь кӀиранах; 5-11 классаш 6 дийнахь кӀиранах болх беш йу;
- Занятеш шина сменехь дӀахьо;
- Хьалхарчу сменехь урокаш дӀайолало Ӏуьйранна 8 сахьт 30 минот йаьлча, сарахь 13 сахьт даьлча чекхйовлу;
- ШолгӀачу сменехь урокаш дӀайолало 13 сахьт 30 минот йаьлча ткъа чекхйолу 6:00 сахьт даьлча[5].
Хьехархойн коллектив
2023 шарахь ишколехь йерриг а 58 хьехархойн коллектив йара, шайна йукъахь 25 хьехархо — вара 20 шарахь сов хьехархочун болх бина а, 2 — лакхара квалификацин категори йолуш а, 1 — хьалхара категори йолуш а[6].
Нохчийн меттан а, литературин а хьехархочунна Тутаева Сацита Лечан йо «Нохчийн халкъан хьехархо» цӀе а йелла, республикин «Нохчийн тоьлла хьехархой» конкурсан толамхо хилла дӀахӀоьттина.
Батукаева Зинаида Магомедан йоӀ (муниципальни бюджетан дешаран хьукумат «А. Алаудиновн цӀарахчу ГӀой-Чура йуккъерачу ишколан» директор хилла) «РСФСР-н халкъан дешаран отличник» цӀе йелла, Нохчийн Республикан хьакъволу хьехархо а, «Дешарна гӀуллакхдарна» а, Россин Федерацин Ӏилма а[7].
Ишколан директор (декъан декхарш кхочушдеш): Бацилова Малика Мамидан йоӀ.
Рейтинг а, толамаш а, совгӀаташ а
- Математика хьехархочо П. Ш. Азимовас 2-гӀа меттиг йаьккхира къоман «Къона хьехархо» къовсаман муниципалан этапехь;
- Оьрсийн меттан а, литературин а хьехархочо З. С.-А. Къоман «Шеран хьехархо» конкурсан муниципальни этапехь 2-гӀа меттиг йаьккхина Итаевас З. C-А.;
- Хьехархошна лерина йолчу муниципальни «Хакатон» къовсамехь толамхо;
- Республикин «Некъан бакъонийн говзанчаш» конкурсехь «Социальни реклама» категорехь 1-ра меттиг (2020 шо)[8];
- Россин денна лерина дешархошна йукъахь робототехникан а, интеллектуальни системийн а Йерригроссин олимпиадан регионан муьрехь 2-гӀа меттиг «Промышленни робототехника» категорехь (2022 шо);
- Регионан ингалсан меттан «Квест RD» квестийн конкурсан толамхо (2023 шо);
- 37-гӀа меттиг 2023-чу шеран рейтингехь Нохчийн Республикин йукъардешаран организацеша йукъардешаран дикалла лакхайаккхарехь динчу дакъа.
Самукъане бакъдерш
2023-чу шеран гуран беттан 9-чу дийнахь ГӀой-Чу йуьртара схьаваьллачу Алаудинов Апти Аронан воӀ сий деш, ишколехь схьайиллина «Турпалхочун парта». Оьрсийн тӀеман куьйгалхо а, инарла-майор а, «Ахмат» олучу спецназийн декъан командир а, Россин Федерацин Турпалхо а вара иза.
Билгалдахарш
- ↑ 1 2 Подведомственные организации. МУ «Отдел образования Урус-Мартановского муниципального района» (2024). ТӀекхочу дата: 2025 шеран 19 сентябрь.
- ↑ О результатах рейтинга вклада образовательных организаций Чеченской Республики в качество общего образования. mon95.ru (2023 шеран 29 декабрь). ТӀекхочу дата: 2025 шеран 19 сентябрь.
- ↑ 1 2 3 Публичный доклад за 2022-2023 учебный год. МБОУ «Гой-Чунская СОШ им.А.С.Алаудинова» (2023). ТӀекхочу дата: 2025 шеран 19 сентябрь.
- ↑ На территории МБОУ «Гой-Чунская СОШ им. А.С. Алаудинова» состоялось открытие новой школьной столовой и спортивной площадки. Министерство образования и науки Чеченской Республики (13 декабря, 2023). ТӀекхочу дата: 2025 шеран 19 сентябрь.
- ↑ Режим дня. МБОУ «Гой-Чунская СОШ им. А. С. Алаудинова» (2024). ТӀекхочу дата: 2025 шеран 19 сентябрь.
- ↑ Отчет о результатах самообследования. МБОУ «Гой-Чунская СОШ им. А. С. Алаудинова» (2023). ТӀекхочу дата: 2025 шеран 19 сентябрь.
- ↑ Школа МБОУ «Гой-чунская СОШ им. А.С. Алаудинова». Сетевое издание «Навигатор образования». ТӀекхочу дата: 2025 шеран 19 сентябрь.
- ↑ В Чеченской Республике прошел конкурс «Знатоки ПДД». Официальный сайт vинистерства внутренних дел Российской Федерации (2020 шеран 24 сентябрь). ТӀекхочу дата: 2025 шеран 19 сентябрь.
