ХӀимойн историн-архитектурин комплекс

Комплексан(оьр.)нохч. объекташ йина XIV—XIX бӀешерашкахь. Комплекс лаьтта Шаро-Аргун чудогӀучу жимачу хин ирчачу берда тӀехь тӀулган бух тӀехь, коьртачу декъана лаьтта нах бехачу бӀовнех. БӀовнийн пенаш тӀе хьаькхна дуккха а петроглифаш. Цу комплексан йукъадогӀуш ду XVIII бӀешарахь дина маьждиг. ГӀишлошйаран тӀулгаш поппаран растворца чӀагӀдина ду^[1].

Аренан материалашца, юьртан йистехь лаьтташ хилла маьлхан сахьт — даккхийчу тӀулгех бина го, цунна юккъехь лаьтташ хилла тӀулган бӀогӀам^[1].

Комплексана уллохь лела Шарой-Грозный некъ^[2]. Комплекс Аргунан музей-заповедникан дакъа ду, цуьнан территори тӀехь 700 гергга историн а, культурин а, археологин а, архитектуран а, Ӏаламан а хӀоллам бу. Комплексан периметр ю 309,56 м, майда ю 0,572 га^[2]. 2013 шарахь комплекс къобалйира регионан маьӀна долу культурин тӀаьхьенан меттиг санна^[3].