ЦӀе Кхел
ЦӀен Кхел (оьрс. Ца-Кале) — МӀайстара бӀевнийн комплекс (оьрс. Цa- Кале), уггаре къилбаседан эвла.
Сурт хӀоттор
Иза йу дуьхьалонан гӀопан кепара комплекс, дийна йисинчу цхьана тӀеман бӀевнах а, ах тӀеман шина бӀевнах а, ворхӀ Ӏер-дахаран гӀишлонах а лаьтташ. ТӀеман а, нах беха а бӀевнаш кхуллу гӀап-гӀала, цхьана хенахь тӀулган пенах го бина хилла. Петроглифаш йисина бӀевнийн пенаш тӀехь. Комплексан къилбаседа-малхбузехь лаьтта бусулба кешнаш[1].
1927-гӀа шо чекхдолуш – 1928-гӀа шо долалуш австрин этнолого Бруно Плечкес талламаш бина Итон-Кхаьллин кӀоштан. Цо теллина МӀайстахь петроглифаш йолу бӀевнаш, «беллачеран гӀала» Васар-кхелли, ЦӀе Кхелан бӀевнаш, ПуогӀа йуьртахь йолу гӀалин комплекс, тӀеман а, масех нах бехачу а бӀовнех лаьтташ йолу[2]. 1977 шарахь ЦӀе Кхел бӀевнийн комплексан талламаш бира историко, археолого В. П. Кобычевс[3].
Нохчий а, ГӀалгӀай а арабаххалц ЦӀе Кхел бахархой болуш йара. Комплекс некъана генахь йу, адамаш доцучу а, хала кхачало а Нохчийн Республикин дозанан декъехь. Генахь йоццуш шира эвла Васар-кхелли йу[1].
Билгалдахарш
- ↑ 1 2 Абдуллах Берсаев, Тимур Агиров. Башенный комплекс Ца-Кале (78 фото, 5 панорам) - Горная Чечня. Открытый Кавказ. ТӀекхочу дата: 2025 шеран 6 июль.
- ↑ Читать книгу «Кавказ и Чечня – обзор европейских ученых. Caucasus and Chechnya – a review of European scientists» онлайн— Муслим Мурдалов — Страница 1 — MyBook. MyBook — электронная библиотека. ТӀекхочу дата: 2025 шеран 6 июль.
- ↑ Кобычев В. П. Загадка Майсты в Чечне // Среднеазиатско-Кавказские чтения: Краткое содержание докладов, май 1978: Вопросы этносоциальной и культурной истории Средней Азии и Кавказа. (рус.). — Ленинград: Институт этнография им. Н. Н. Миклухо-Маклая АН, 1978. — С. 12-13.
