Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Даудова, Фатима Хьамидан йоӀ

Даудова, Фатима Хьамидан йоӀ (оьрс. Даудова Фатима Хамидовна; 1975 шеран 16 март, Соьлжа-ГӀала) — нохчийн исбаьхьалча а, хьехархо а, Российн суртдиллархойн Союзан декъашхо, Нохчийн Республикан халкъан а, Нохчийн Республикан Сийлахь исбаьхьалча[1].

Даудова Фатима Хамидовна — дуьххьарлера нохчийн зуда йу «Нохчийн Республикан хьакъйолу исбаьхьалча», «Нохчийн Республикин халкъан исбаьхьалча» санна йолу цӀераш йелла.

Биографи

Иза йина 1975-чу шарахь Нохчийн Республикерчу Соьлже йуьртахь.

1992-чу шарахь Соьлжа-ГӀалара № 1 йолу берийн исбаьхьаллин ишкол чекхъйаьккхинчул тӀаьхьа Нохч-ГӀалгӀайн пачхьалкхан хьехархойн институте деша йоьду иза. Соьлж-ГӀалахь тӀеман операцеш дӀахьочу хенахь Ростован пачхьалкхан хьехархойн университете дехьайала дийзира цуьнан.

1998-чу шарахь дуьйна Россин Къилбаседанехь а, Йерригроссин а, дуьненайукъарчу а гайтамашкахь дакъалоцуш йу иза.

Конкурсан тоьллачу 54 суьртан могӀарехь йара Даудован «Соьлжа-ГӀалара крепость» цӀе йолу литографи, Третьяковн цӀарахчу галереяхь къоначу суртдиллархойн чаккхенан гайтамехь гайтира иза. 1998-чу шарахь дуьйна кафедрехь «Архитектура» лакхарчу хьехархочун а, доцентан а даржашкахь болх беш йу Даудова Фатима Соьлжа-ГӀаларчу пачхьалкхан мехкадаьттан институтан. Книгаш кечъйеш йу иза. Фатимас кхиамца йо книгашна иллюстрацеш, шайна йукъахь Ибрагимов Канта санна болу гӀарабевлла йаздархой а болуш.

2001-чу шарахь дуьйна Российн суртдиллархойн союзан декъашхо йу Фатима. 2004 шарахь Российн пачхьалкхан стипендин стипендиат.

2007 шарахь цо дакъалецира Италехь хиллачу Дуьненайукъара керлачу а, хӀинцалерачу а суртдиллархойн «Дозанал дехьадовла» проектан хьалхарчу совгӀатехь.

2010-чу шарахь Нохчийн Республикин Куьйгалхочун Кадыров Рамзанан указаца Фатимина йелла «Нохчийн Республикин хьакъйолу исбаьхьалча» цӀе[2]. Иза дуьххьара зуда йу и лакхара цӀе йелларг.

2011-чу шарахь Фатимас дакъалецира, къоначу культурин а, исбаьхьаллин а деятельшца цхьаьна, Россин Федерацин Президентаца Медведев Дмитрийца хиллачу цхьаьнакхетарехь[3].

2019-чу шеран августехь Нохчийчоьнан Куьйгалхочун Кадыров Рамзанан указаца Даудова Фатима йелла «Нохчийн халкъан исбаьхьалча» цӀе[1].

ДаудовгӀеран доьзалехь искусствоца цхьа а зӀе йолуш цхьаъ бен вацара церан денда Мисербиев Садо, иза вара гӀараваьллачу Лев Толстойн доттагӀ а, накъост а

2023 шарахь цо дакъалецира Москох X юбилейн доьзна хьехархойн-суртдиллархойн дуьненайукъарчу форумехь[4]. Иштта 2023 шарахь цо толам баьккхира «Къилбаседа Кавказан хӀинцалерчу художникийн произведенешкахь зудчун сурт» цӀе йолчу исбаьхьаллин конкурсехь-гайтамехь шен «Нохчийн мукъам. Хьастехь» (2009) балхаца, литографин техникехь йина[5].

Гайтамаш

Шен гайтамаш

  • 2025 Зал «Галерея» пачхьалкхан академин Капелла, Петарбух;
  • 2024, «Ларамаза дацара ас тидам бар», Нохчийн Республикин А. А. Айдамировн цӀарах йолу Къоман библиотека;
  • 2023, «ХӀора штрих безамца!», А. А. Кадыровн цӀарах йолу пачхьалкхан галерея, Соьлжа-ГӀала[6];
  • 2022, «Ас даггара а, синца а кхуллу», А. А. Кадыровн цӀарах йолу Сийлаллин мемориальни комплекс, Соьлжа-ГӀала[6];
  • 2019, Нохчийн Республикин Йаздархойн Союз, Соьлжа-ГӀала;
  • 2016 , «Йаханчу заманера трамвай», А. А. Айдамировн цӀарах йолу Нохчийн Республикин Къоман библиотека;
  • 2003 «ТӀулга тӀехь гӀала», Соьлжа-ГӀала йуккъера библиотека.

Тобанийн гайтамаш

  • «Нохчийчоьра суртдиллархой Исбаьхьаллин Академехь» гайтам. — Москох, 2002 шо;
  • Российн Къилбаседан регионан гайтам «Маршо Кавказна». — Краснодар, 2003 шо;
  • 10-гӀа Йерригроссин исбаьхьаллин гайтам, художникийн йуккъера цӀа. — Москох, 2004 шо;
  • 1941-1945 шерашкахь хиллачу Сийлахь-боккхачу Даймехкан тӀамехь толам баьккхина 60 шо кхачарна лерина дуьненайукъара исбаьхьаллин гайтам, Суртдиллархойн йуккъера цӀа. — Москох, 2005 шо;
  • П. М. Третьяковн цӀарахчу къоначу суртдиллархойн 2-чу Йерригроссин конкурсан гайтам, Пачхьалкхан Третьяковн галерейн Инженерни гӀишло. — Москох, 2005 шо;
  • «Кавказна машар» цӀе йолу исбаьхьаллин говзанчийн фестиваль. «ТӀом. Толам. Дагалецамаш». — Краснодар, 2005 шо;
  • Йерригроссин исбаьхьаллин гайтам «Россия X», Суртдиллархойн йуккъера цӀа. — Москох, 2006 шо;
  • Йерригроссин исбаьхьаллин гайтам «Российн къона суртдиллархой», Российн исбаьхьаллин академин 250 шо кхачарна лерина, Суртдиллархойн йуккъера цӀа. — Москох, 2007 шо;
  • Екатеринбургехь нохчийн суртдиллархойн гайтам, 2007 шо;
  • X Исбаьхьаллин говзанчийн «Кавказан сийлахьалла» фестивална лерина йолу «Кавказан машар» гайтам. — Соьлжа-ГӀала, 2007 шо;
  • Россин Федерацин Пачхьалкхан Думехь Нохчийн Республикин деношна лерина йолу нохчийн суртдиллархойн гайтам Россин Федерацин Пачхьалкхан Думехь . — Москох, 2009 шо;
  • Малхбален исбаьхьаллин музей схьайелларна лерина гайтам. — Майкоп, 2010 шо;
  • Йерригроссин «Кавказна машар» гайтам. — Москох, 2010 шо;
  • Российн шеран гурашкахь нохчийн суртдиллархойн гайтам Францехь, Гран-Пари. — Франци, 2010 шо;
  • Дуьненайукъара станкови графикан триеннале. — Уфа, 2010 шо;
  • Йерригроссин исбаьхьаллин гайтам «Российн къона суртдиллархой», Суртдиллархойн йуккъера цӀа. — Москох, 2011 шо;
  • «Къилбаседа Кавказан хӀинцалера исбаьхьаллин биеннале» — 2011 шо. — Каспийск, 2011 шо;
  • Дуьненайукъара исбаьхьаллин гайтам «Маршалла ду, Кавказ!», Гуьржийчоьнан къоман музей. — Тбилиси, 2011 шо;
  • Зонан гайтам. — Дон-тӀера-Ростов, 2012 шо;
  • Йерригроссин исбаьхьаллин гайтам «Росси — Сан Даймохк». — Саранск, 2012 шо;
  • Йерригроссин исбаьхьаллин гайтам «Цхьаалла». — Нижни Новгород, 2012 шо;
  • Россин Федерацин Федеральни Гуламан Пачхьалкхан Думехь «Оьрсийн галерея - XXI бӀешо» къоман совгӀатан лауреатийн гайтам. — Москох, 2012 шо;
  • XI Регионашна йукъара исбаьхьаллин гайтам «Российн Къилба». — Соьлжа-ГӀала, 2013 шо;
  • Йерригроссин исбаьхьаллин гайтам «Россия XII», Суртдиллахойн йуккъера цӀа. — Москох, 2014 шо;
  • Исбаьхьаллин проект «ДоӀа. Дефрагментаци», ХӀинцалера исбаьхьаллин центр. — Соьлжа-ГӀала, 2014 шо;
  • Нохчийн Республикин суртдиллархойн гайтам, Ненан денна лерина. — Соьлжа-ГӀала, 2014 шо;
  • Дуьненайукъара хӀинцалера исбаьхьаллин гайтам. — Казань, 2015 шо;
  • Йерриг Российн кегийрхойн мобилан исбаьхьаллин гайтам «Лайнер», Керчан хидоькъенна дехьа дӀасалелачу кира-пассажирски бурам тӀехь, лерина ГӀирма а, Севастополь гӀала а Россица цхьаьнатохарна, Россица. — ГӀирма, 2016 шо;
  • Поволжски исбаьхьаллин кӀира. Дуьненайукъара хӀинцалерчу исбаьхьаллин гайтам. — Чебоксари, 2016 шо;
  • «Бенойн бӀаьсте —2016», гайтам. — 2016 шо;
  • Нохчийн пачхьалкхан хьехархойн университетан исбаьхьаллин факультетан хьехархойн гайтам А. Х. Кадыровн цӀарах йолу пачхьалкхан галерея. — Соьлжа-ГӀала, 2017 шо;
  • Дуьненайукъара гайтам «New York Realizm Fine Art». — Нью-Йорк, 2017 шо;
  • Дуьненайукъара кхоллараллин белхийн гайтам. — Македони, 2017 шо;
  • Къоначу дизайнерийн дуьненайукъара гайтам «Минги-Тау». — Черкесск, 2017 шо;
  • Владимиран исбаьхьаллин кӀира. — Владимир, 2017 шо;
  • Дуьненайукъара кхоллараллин белхийн гайтам «Дуьне. Дахар. Исбаьхьалла». — Македони, 2018 шо;
  • Дуьненайукъара кхоллараллин белхийн гайтам «Дуьне. Дахар. Исбаьхьалла». — Эрмалойчоь, 2018 шо;
  • Дуьненайукъара кхоллараллин белхийн гайтам «Дуьне. Дахар. Исбаьхьалла». — Греци, 2018 шо;
  • «Ваха лууш йолу гӀала» гайтам. — Соьлжа-ГӀала, 2018 шо;
  • «Синан бӀаьстенан палитра» цӀе йолу гайтам. — Соьлжа-ГӀала, 2019 шо;
  • Шен гайтам «Йухатохар», Нохчийн Республикин Къоман библиотека. — Соьлжа-ГӀала, 2017 шо;
  • Кхоллараллин белхийн дуьненайукъара гайтам, «Дуьне. Дахар. Исбаьхьалла» лингвистически форумна лерина. — Мексика, 2019 шо;
  • Дуьненайукъарчу зударийн денна лерина «Синан бӀаьстенан палитра» нохчийн суртдиллархойн гайтам 8-чу мартехь, А. А. Кадыровн цӀарахчу Сийлаллин мемориалан комплексехь. — Соьлжа-ГӀала, 2020 шо.

Гайтаман каталогашкахь зорбане йаьхна

  • Исбаьхьаллин академехь Нохчийчоьнан суртдиллархой. Москох, 2002 шо;
  • «Россия Х» Йерригроссин исбаьхьаллин гайтам. Москох, 2004 шо;
  • 1941-1945 шерашкахь хиллачу Сийлахь-Боккхачу Даймехкан тӀамехь толам баьккхина 60 шо кхачарна лерина «Толам» Дуьненайукъара исбаьхьаллин гайтам. Москох, 2005 шо;
  • П. М. Третьяковн цӀарах реалистически исбаьхьаллин тоьллачу произведенина къоначу суртдиллархойн Йерригроссин 2-гӀа конкурс. Москох, 2005 шо.

Хаьржина библиографи

Билгалдахарш

  1. ↑ 1 2 Даудова Фатима Хамидовна. Имена Кавказа. ТӀекхочу дата: 2024 шеран 22 март.
  2. ↑ Персональная выставка картин Фатимы Даудовой открылась в Мемориальном комплексе Славы имени А.А.Кадырова, www.gstou.ru. Дата обращения: 21 апрелехь 2026.
  3. ↑ Чеченская художница на встрече с Президентом России. www.grozny-inform.ru (2011 шеран 31 март). ТӀекхочу дата: 2026 шеран 21 апрель.
  4. ↑ Фатима Даудова представила Чеченскую Республику на X юбилейный Международном Форуме педагогов-художников. Грозненский государственный нефтяной технический университет (28 Марта 2023). ТӀекхочу дата: 2024 шеран 22 март.
  5. ↑ Итоги художественного конкурса РАХ «образ женщины в творчестве современных художников северного Кавказа» в Нальчике. Российская академия художеств. ТӀекхочу дата: 2024 шеран 22 март.
  6. ↑ 1 2 Представители ЧРО СЖР приняли участие в открытии выставки Фатимы Даудовой. Союз женщин России (20 декабря 2022). ТӀекхочу дата: 2024 шеран 22 март.

Кхин дӀа темана тӀехь

Категореш