Исраилов, Хож-Бауддин

Исраилов Хож-Баудди вина 1953-чу шеран бекарг беттан 21-чу дийнахь Чалдовар эвлахь Панфиловн кӀоштахь ССР-н ГӀиргӀазойчу махках баьхначу доьзалехь.

Ша винчу Гелдаган йуьрта йуха а вирзина, йуьхьанцарчу классашкахь, цул тӀаьхьа Шелан № 1 йолчу йуккъерчу ишколехь дешна цо.

Нохч-ГӀалгӀайн оьздангаллин-серладаккхаран училище чекх а йаьккхина. 1971-чу шарахь иза эскаре кхайкхича, цуьнан дешар йукъахделира. ГӀуллакх дина Нижний Тагилехь а, Новочебоксарскехь а (Чувашин АССР-хь). Полкан штабан начальника Исраиловн исбаьхьаллин похӀма тидаме а эцна, иза полкан художник хӀоттийра. Цуьнан карикатураш зорбане йаха йуьйлаелира меттигерчу «Капкан» юморан журналехь^[2].

1978 шарахь цо дешар чекхдаьккхира ЛГИТМИК-ехь (мастерской Василий Меркурьеван а, Ирина Мейерхольдан(оьр.)нохч. ). Цуьнан хьехархой бара ССРС-н халкъан артисташ Товстоногов Георгий а, Райкин Аркадий а, Лавров Кирилл а, Хил Эдуарад, кхин а билгалбевлла нах. Студентан шерашкахь зорбане йаьхна цо шен карикатураш «Вечерний Ленинград» газетехь а, Ленинградски тӀеман округан «На страже Родины» (Даймехкан гӀаролехь) газетехь а, кхечу изданешкахь а.

Институт чекхъйаьккхинчул тӀаьхьа Соьлжа-ГӀала йуха а веана, Х. Нурадиловн цӀарах йолу Нохч-ГӀалгӀайн пачхьалкхан драматически театр. Масех кинош чохь гайтина иза.

Къаьсттина иза гӀаравелира 1990-гӀа шераш дуьйлалуш меттигера телевизионан комеди-сатиран шоу «Хапар-Чупар» йолаеллачул тӀаьхьа, цу чохь иза вара коьртачу шина ловзархочух цхьаъ. Цуьнан накъост вара актёр Исламов Султан.

Исраиловн лакхара мехаллинаш дира Нохчийн Республикин куьйгалхочо Кадыров Ахьмад-Хьаьжа, цунна машен а, цӀера а йелла

Иштта карикатурист ву Исраилов Хож-Бауддин. 2017-чу шарахь А. А. Кадыровн цӀарахчу пачхьалкхан галереяхь дӀайаьхьира цуьнан «Смех без границ» цӀе йолу персональни гайтам, 50 сов произведени гойтуш^[2].

Иза кхелхина 2025-чу шеран кхолламан беттан 11-чу дийнахь^[3], йеххачу хенахь цомгуш хиллачул тӀаьхьа, шен 72 шо долуш^[4].

• Хьапар Чупар — «Харц а ЗӀок» йа «ЦӀуцӀи МуцӀи»;
• Хаджа — «Совдат и Дауд»;
• Дурда — «Когда рушится мир»;
• Петро — «Звезды памяти»;
• Пассажир — «Мы, нижеподписавшиеся» (Александр Гельман);
• Кинорежиссёр — «Бунт невесток» (Саид Ахмадов);
• Казах — «Один лишь Бог…»;
• Авхад — «Бож-Али» Абдул-Хамид Хамидов;
• Труффальдино — «Король-олень» (Карло Гоцци);
• Анучкин — «Женитьба» (Николай Гоголь);
• Максим Максимыч — «Рыцари Кавказа»;
• «Земля отцов» (Сайд-Хамзат Нунуев);
• «И дольше века длится день» (Чингиз Айтматов)^[5].

• Фильм «Виктор» (2014 шо). Коьрта роль ловзош вара Жерар Депардье^[6].

• Нохчийн Республикин сийлахь артист (2001)^[7];
• Нохчийн Республикин халкъан артист (2007);
• Нохчийн Республикин Парламентера Баркаллин кехат^[8].

Да шекаран заводехь болх беш вара. Кхо ваша а, йиша а.