Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Хасаев, Чингисхан Висихин воӀ

Чингисхан Висихан воӀ Хасаев (оьрс. Хасаев Чингисхан Висихаевич; 1972 шеран 24 август, Садовое, Ставрополан мехкайист — 2024 шеран 1 май)— россин исбаьхьалча, Российн суртдиллархойн союзан декъашхо, Нохчийн Республикан Сийлахь исбаьхьалча[1][2], Нью-Йоркерчу реализман исбаьхьаллин суртдиллархойн союзан декъашхо вара[3].

Биографи

Винера Хасаев Чингисхан 1972 шеран хьаьттан беттан 24-чу дийнахь Ставрополан мехкан Садовое йуьртахь. Цо чекхъйаьккхира Садовая йуккъера ишкол. 1987 шарахь дуьйна — Соьлжа-ГӀаларчу № 9 йолчу корматаллин-техническин училищехь дешнера «Декоратор- кечдархо» говзалла карайерзош. 1990-чу шарахь иза деша вахнера Л. Н. Толстойн цӀарахчу Нохч-ГӀалгӀайн пачхьалкхан университете, историн факультете. 1990-чу шарера 1992-чу шаре кхаччалц Советан эскарехь гӀуллакх динера цо. 1996-чу шарахь демобилизаци йинчул тӀаьхьа, университетехь дешар чекх а даьккхира, Садовое йуьрта йухавирзира иза. 2007-чу шарахь дуьйна Соьлжа-ГӀалахь вехаш а, къахьоьгуш а вара иза, исбаьхьаллин гайтамашкахь дакъалоцуш.

2014 шарахь дуьйна Российн суртдиллархойн союзан декъашхо вара.

Хасаев Чингисхан иттанаш суьрташ йукъадаьхнера тайп-тайпанчу исбаьхьаллин изданешна, шайна йукъахь Москварчу хӀинцалерчу исбаьхьаллин йукъараллин фондан каталог а йолуш – «Ламасташ, а заманца а».

Хасаев Чингисханан произведенеш дахарх философски кхетам хиларан а, авторан кӀади тӀехь гӀулч-гӀулч йоккхуш ларамаза болх баран а жамӀ ду — Ӏаламат деталин техника. Чингисханан суьртийн массо а бохург санна сюжеташ фантастикан йу, церан бух тӀехь йу бакъдолчу дахаран а, гӀенийн а синхаамийн цхьаьнакхетар. Авторан фантази гойту гӀалин а, лаьмнин а пейзажашкахь, дукхахьолахь стаффажийн суьрташца, цунах тера чолхе архитектуран структураш а, Ӏаламан пейзажаш а хила тарлучу параллельни бакъдолчунна тӀе хьажар схьадоьллуш санна» — «ЖЗЛ. Хасаев Чингисхан». [4]

Гайтамаш

Шен гайтамаш

  • Нохчийн Республикан кегийрхойн гӀуллакхашкахула йолчу комитетан гайтаман зал, Соьлжа-гӀала, 2009[5];
  • А. А. Кадыровн цӀарах йолу Сийлаллин мемориалан комплекс, Соьлжа-гӀала, 2010 шо[6];
  • «Сан хир йолу гӀала», СКДН-н гайтаман зал, Ставрополь, 2011 шо;
  • «Лабиринт», А. А. Кадыровн цӀарах йолу Сийлаллин мемориальни комплекс, 2013 шо[7];
  • «Контржур», Вай заманан исбаьхьаллин центр, Соьлжа-гӀала, 2016 шо;
  • «Бакъдерг а, фантазеш а», Ставрополан кӀоштан исбаьхьаллин музей, Ставрополь, 2017 шо[8].

Тобанийн гайтамаш

  • Нохчийн Республикан къоман музейн гӀишло схьайелларна лерина республикански гайтам, Нохчийн Республикан къоман музей, Соьлжа-гӀала, 2007 шо;
  • Нохчийн исбаьхьалчашийн лелачу гайтам, М. Ю. Лермонтовн цӀарах йолу музей-заповедник, Пятигорск, 2007 шо;
  • III Москох Дуьненайукъара исбаьхьаллин фестиваль «Ламасташ а, заманца а», Центран гайтаман зал «Манеж», Москох, 2009 шо;
  • IV Москох Дуьненайукъара исбаьхьаллин фестиваль «Ламасташ а, заманца а», Центран гайтаман зал «Манеж», Москох, 2010 шо;
  • Малхбален исбаьхьаллин пачхьалкхан музейн Къилбаседа Кавказан филиал схьйаелларна лерина исбаьхьаллин гайтам, Майкоп, 2010 шо;
  • Дуьненайукъара гайтам «Глобалан тулгӀе», Манхэттенан Малл, Нью-Йорк, 2011 шо;
  • СКДН гайтаман зал, Ставрополь, 2011 шо;
  • Къилбаседа Кавказан федеральни гонан къаьмнийн исбаьхьаллин фестиваль, Пачхьалкхан Кремлан цӀа, Москох, 2012 шо;
  • Регионашна йукъара исбаьхьаллин гайтам «Российн Къилбе-XI», Соьлжа-гӀала, 2013 шо;
  • Республикански гайтам «Йаха а, хьалдолуш йехийла, сан Республика», Республика меттахӀотторан денна лерина, Мемориальни комплексан Аллея Славы, Соьлжа-гӀала, 2014 шо;
  • Россин исбаьхьалчашийн Союзан «Российн Къилбе зональни гайтам, Сийлаллин мемориалан комплексан аллея, Соьлжа-гӀала, 2014 шо;
  • Дуьненайукъарчу зударийн денна лерина «БӀаьстенан зезагаш» регионашна йукъара гайтам, Мемориалан комплексан Аллея Славы, Соьлжа-гӀала, 2015 шо;
  • X Москох Дуьненайукъара исбаьхьаллин фестиваль «Ламасташ а, заманца а», Центран гайтаман зал «Манеж», Москох, 2015 шо;
  • Республикански гайтам «Нохчийн Республикан исбаьхьалчаш» (юбилейни гайтам Нохчийн Республикан исбаьхьалчашийн союз), Мемориалан комплекс Аллея Славы, Соьлжа-гӀала, 2016 шо;
  • Республикан гайтам «Соьлжа-гӀала. Сан урамалгаш иэсий охьа», Соьлжа-гӀала денна, Нохчийн Республикан къоман музей, 2016 шо.

СовгӀаташ

  • 2010 шарахь V Москохан дуьненайукъара исбаьхьаллин фестивалан исбаьхьаллин декъехь «Тешар» совгӀатан лауреат;
  • 2011-чу шарахь Нью-Йоркехь хиллачу дуьненайукъарчу «Глобал тайд» цӀе йолчу гайтаман толамхо;
  • 2012-чу шарахь цунна йелира Нохчийн Республикин сийлахь исбаьхьалча цӀе;
  • 2016-чу шарахь Нохчийчоьнан Оьздангаллин министерствон «Культура кхиоран» мидал йелира цунна;
  • Россин суртдиллархойн союзан дато мидал йелира цунна.

Билгалдахарш

  1. ↑ Ольга Калантарова. Грозный прошлый, будущий и настоящий. ТАСС. Федеральное государственное унитарное предприятие «Информационное телеграфное агентство России (ИТАР-ТАСС)» (2018 шеран 11 апрель). ТӀекхочу дата: 2024 шеран 27 март.
  2. ↑ Скончался чеченский художник Чингисхан Хасаев. © www.chechnyatoday.com (2024 шеран 1 май). ТӀекхочу дата: 2025 шеран 13 июнь.
  3. ↑ Лили Магомаева. Художник грозненских улиц. «Это Кавказ» — информационно-познавательный мультимедийный портал агентства ТАСС о российском Кавказе.. ТАСС (2021 шеран 3 декабрь). ТӀекхочу дата: 2024 шеран 27 март.
  4. ↑ ГБУК «Государственная галерея им. А.А. Кадырова». «ЖЗЛ. Чингисхан Хасаев»(бил-боцу.). культура.рф. «Культура.РФ» — гуманитарный просветительский проект, посвященный культуре России. Мы рассказываем об интересных и значимых событиях и людях в истории литературы, архитектуры, музыки, кино, театра, а также о народных традициях и памятниках нашей природы в формате просветительских статей, заметок, интервью, тестов, новостей и в любых современных интернет-форматах..
  5. ↑ Чингисхан Хасаев. ARTEFACT. ARTEFACT. ТӀекхочу дата: 2024 шеран 27 март.
  6. ↑ В Грозном открылась выставка Заслуженного художника Чечни Чингисхана Хасаева (2017 шеран 4 октябрь). ТӀекхочу дата: 2024 шеран 27 март.
  7. ↑ Сегодня состоялась презентация выставки художника Чингисхана Хасаева (2013 шеран 17 апрель). ТӀекхочу дата: 2024 шеран 27 март.
  8. ↑ В Ставрополе открылась персональная выставка чеченского художника Чингисхана Хасаева. grozny.tv (2017 шеран 4 апрель). ТӀекхочу дата: 2024 шеран 27 март.

Литература

  • Бойцова Т. И. Изобразительное искусство Чеченской Республики / Хабарова М. В.. — Гр.: АО Издательско-полиграфический комплекс «Грозненский рабочий», 2018. — С. 206—207. — 256 с. — 500 экз. — ISBN 978-5-4314-0326-2.

Кхин дӀа темана тӀехь

Категореш