Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Исаев, Харон Сайд-Хьасанан воӀ

РУВИКИ чохь изза фамили йолчу кхечу адамех лаьцна йаззамаш бу Исаев.

Харон Сайд-Хьасанан воӀ Исаев (оьрс. Исаев, Харон Сайд-Хасанович; 1951 шеран 1 апрель, Талды-Курганан область) — советан а, россин а исбаьхьалча а, Нохчийн Республикан сийлахь суртдиллархо а, Нохчийн Республикин халкъан исбаьхьалча (2008) а, Российн исбаьхьалчийн бертан декъашхо (2001) а.

Биографи

Вина 1951 шеран оханан беттан 1-чу дийнахь Талды-Кургански областехь[1].

Нохчий махкахбохучу хенахь Талды-Кургански областехь вина. 1957-чу шарахь, Нохч-ГӀалгӀайн Автономин Советски Социалистически Республика меттахӀоттийначул тӀаьхьа, цуьнан доьзал шайн даймахка, Хьалха-МартантӀехь йуьрта йухабирзира. 1970-чу шарахь цо чекхйаьккхира Серноводскера йуртабахаман училище[2].

1970-чу шарера 1972-чу шаре кхаччалц эскарехь гӀуллакх дина цо.

1973 шарахь Ленинградера суртдиллархойн а, скульптуран а, архитектуран а институте деша вахара, амма доьзалан хьелаш бахьана долуш дешар йукъахдаккха дезна. 1975-чу шарахь цо чекхйаьккхира РСФСР-н Оьздангаллин Халкъан исбаьхьаллин университетан исбаьхьаллин факультетан мольберт-живописан а, графикин а отделени[3].

1972—1975 шерашкахь Хьалха-МартантӀехь № 1 йолчу йуккъерчу ишколехь, цул тӀаьхьа, 1993 шо кхаччалц, Хьалха-МартантӀерчу къинхьегаман кегийрхойн ишколехь.

1985—1993 шерашкахь суртдиллархоца Ясаев Ӏисица цхьаьна цо кечйира Нохчийчохь дуккха а музейш. 1993—1998 шерашкахь Хьалха-МартантӀера берийн музыкальни ишколехь хьехархо вара. 1998—2001 шерашкахь иза вара Соьлжа-ГӀалин исбаьхьаллин ишколан директор. 2001 шарахь Российн суртдиллархойн Союзан декъашхо хилира.

2001—2011 шерашкахь Нохчийчоьнан Къоман музейн исбаьхьаллин а, дизайнан а декъан куьйгалхо вара иза[1].

Кхоларалла

Исаев Харонан суьрташ гойтуш ду Россехь а, иштта Шемахь а, Урдунехь а, Туркойчохь а 1987-чу шарахь дуьйна, цуьнан белхаш латтош бу ГӀезалойчоьнан(оьр.)нохч. а, Нохчийн а къоман музейшкахь а, Эйзенхауэр музейхь а (АЦШ), Урдунан паччахьан музейхь а[4]. Даьттанаш дина ца Ӏаш, цо болх бо акварелца а, пастельца а, къоламца а[5]. Цо кхоьллина 1200 сов сурт. Цуьнан цхьайолу произведенеш хӀаллакьхилла хьалхара нохчийн тӀом боьдуш[6].

СовгӀаташ

  • Нохчийн Республикан Сийлахь артист (2005);
  • Нохчийн Республикан халкъан артист (2008)[7];
  • «Нохчийн Республикина хьалха дина гӀуллакхашна» мидал (2009)[6];
  • Мидал «Академик Захаров Пётр» (2018).

Доьзал

Зуда йалийна ву. Кхоъ йоӀ а, цхьа кӀант а ву цуьнан[6].

Билгалдахарш

  1. ↑ 1 2 Творчество художника Харона Исаева. Национальный музей Чеченской Республики (2016 шеран 20 декабрь). ТӀекхочу дата: 2026 шеран 26 июнь.
  2. ↑ В Национальном музее Чечни открылась выставка «Художник и время». Грозный-информ (2011 шеран 18 май). ТӀекхочу дата: 2026 шеран 26 июнь.
  3. ↑ Харон Исаев. Имена Кавказа (2017 шеран 9 август). ТӀекхочу дата: 2026 шеран 26 июнь.
  4. ↑ «Планета искусства» Харона Исаева. Грозный-информ (2012 шеран 22 июнь). ТӀекхочу дата: 2026 шеран 26 июнь.
  5. ↑ Бойцова, 2018, с. 244.
  6. ↑ 1 2 3 Творчество художника Харона Исаева. Национальный музей Чеченской Республики (2016 шеран 20 декабрь). ТӀекхочу дата: 2026 шеран 26 июнь.
  7. ↑ Указ от 18.02.2008 г № 39. Официальный сайт Главы Чеченской Республики. ТӀекхочу дата: 2026 шеран 26 июнь.

Литература

  • Бойцова Т. И. Изобразительное искусство Чеченской Республики / Хабарова М. В.. — Гр.: АО Издательско-полиграфический комплекс «Грозненский рабочий», 2018. — С. 244. — 256 с. — 500 экз. — ISBN 978-5-4314-0326-2.

Кхин дӀа темана тӀехь

Категореш