Юшаев, Замир ТӀахӀиран воӀ

Юшаев Замир вина Хаси-Эвлехь, сурташ дилла марзвелларг волчу сахьт тадеш волчу боккхачу доьзалехь. 1984-чу шарахь ХӀинж-ГӀала исбаьхьаллин училищехь чекхъйаьккхира цо. 1984-1986 шерашкахь эскарехь гӀуллакх дина цо. 1987-1992 шерашкахь шен воккхахволчу вешица Султанца цхьаьна (иштта а гӀараваьлла исбаьхьалча, хӀинца Бельгехь вехаш ву) цо дешна Петарбухехь Репинан цӀарахчу институтехь. 1997-чу шарахь цо чекхъйаьккхира Лейпцигера исбаьхьаллин институт.

Карарчу хенахь Германехь вехаш а, болх беш а ву. 1999 шарахь дуьйна цуьнан шен студи-галерея йу Лейпцигехь^[2]. Оццу хенахь иза хилира Германин суртдиллархойн союзан декъашхо^[3].

Сюрреализман жанрехь болх беш ву. Юшаевн суьрташ шен а, пачхьалкхан а коллекцешкахь ду Австрехь а, Бразилехь а, Германехь а, Данихь а, Францехь а, Японехь а, Норвегехь а, Испанехь а, Швецехь а, Туркойчохь а, Чехехь а, США-хь а, кхин а пачхьалкхашкахь^[1].

Цуьнан портреташ даьржина ду. Цуьнан заказчикаш бу иллиалархо Монсеррат Кабалье а, актриса Джоли Анджелина а, Российн политикаш а, бизнесхой а.

Цо ша нохчийн халкъан векал санна дӀахӀоттаво шен балхаца а, даима а чоа лелорца а. Юшаевн массо а бохург санна произведенешкахь йу нохчийн билгалонаш^[4].

Карарчу хенахь шена керлачу жанрехь болх беш ву — перформанс-арт.

Карате ловзарехь Ӏаьржа доьхка а долуш, дуккха а малхбалехьара вовшахлатарин исбаьхьаллин къовсамашкахь толам баьккхина цо^[4].

• Нохчийн Республикин культуран министерствон «Лаккхара кхиамаш бахарна» мидал (2012)^[5].