Заураев, Вахьид Вахин воӀ
Заура́ев Ва́хьид Ва́хин воӀ (оьрс. Заураев, Вахит Вахаевич; 1952 шеран 7 май, Кхазакхийн Советийн Социалистийн Республика) — советан а, российн а исбаьхьалча, болх бо масех агӀонехь: сюрреализм а, постимпрессионизм а, экспрессионизм а. Нохчий Республикан халкъан исбаьхьалча а, Нохчийн Республикин сийлахь исбаьхьалча а[1], ССРС а, Нохчийн Республикин а исбаьхалчийн бертан декъахо а, Дуьненайукъара сурдилларан говзаллин ассоциацин АИАП ЮНЕСКО декъашхо а.
Биографи
Заураев Вахьид вина депортацехь 1952 шеран хӀутоссург беттан 7-гӀа дийнахь Кхазакхстанехь. Сурт дилла волавелла иза шен 6 шо долуш. Дикачу баллашца чекхйаьккхина классикин суртдиллархойн дакъа БуритӀера исбаьхьаллин училище. Цул тӀаьхьа 2 шарахь Москох гӀаларчу Строгановн исбаьхьаллин училищехь дешна. Исбаьхьаллин гайтамашкахь дакъалоцуш ву 1976 шарахь дуьйна. 1982 шарахь Заураев Вахьид тӀеийцира ССРС исбаьхьалчийн барт. 1992 шарахь шина шарна дӀавоьду Германе.
Нохчийчоьнан махкахь тӀеман гӀуллакхаш дуьйладеллачу дийнахь Вахьид Заураев цӀавоьрзу даймахка. 1994 шеран лахьанан баттахь, тӀеман хиламаш болабала масех де хьалха, Нохчийчоьнан исбаьхьалчийн бертан гайтаман залехь гайтира Заураевн шен гайтам. ТӀом болчу хенахь художникан дукхахйолу белхаш баьгна.
2006 шеран хӀутоссург беттахь баттахь Соьлжа-ГӀалин Йуккъера гӀалин библиотекехь дӀайаьхьира Заураев Вахьидан шен гайтам, цигахь цуо бовзийтира цуьнан керла белхаш.
2016-чу шарахь Нохчийн Республикин Къоман музейхь хилира шен гайтам, «Исбаьхьалчин мукӀарло»[2].
2019-чу шарахь Фондан Ахьмат-Хьаьжин Кадыровн цӀарах фондас керла цӀенош а, исбаьхьаллин мастерской а йира[3].
СовгӀаташ
- Нохчийн Республикин сийлахь исбаьхьалча (2002)[1];
- Российн Федерацин оьздангаллин министерстван стипендиат (2002);
- Дашо мидал Российн исбаьхалчийн бертан номинацехь «Духовность» (2011);
- Нохчий Республикан халкъан исбаьхьалча (2012)[4].
Билгалдахарш
- ↑ 1 2 Указ Главы Администрации Чеченской Республики от 07.02.2002 № 6. ТӀекхочу дата: 2022 шеран 11 август. Архивйина 2022 шеран 11 августехь
- ↑ Персональная выставка Вахита Заураева открылась в Национальном музее ЧР. Грозный-информ (2016 шеран 19 май). ТӀекхочу дата: 2026 шеран 16 апрель.
- ↑ Заслуженному художнику России Вахиту Заураеву построили новый дом с творческой мастерской. www.grozny-inform.ru (2019 шеран 20 февраль). ТӀекхочу дата: 2026 шеран 13 август.
- ↑ Вахит Заураев — синтез чеченского духа и модернистской эстетики. Чечня сегодня (2024 шеран 30 сентябрь). ТӀекхочу дата: 2026 шеран 16 апрель.
Литература
- Бойцова Т. И. Изобразительное искусство Чеченской Республики / Хабарова М. В.. — Гр.: АО Издательско-полиграфический комплекс «Грозненский рабочий», 2018. — С. 122—123. — 256 с. — 500 экз. — ISBN 978-5-4314-0326-2.
Хьажоргаш
- В Грозном открылась выставка Вахита Заураева. www.chechnyatoday.com. ТӀекхочу дата: 2026 шеран 16 апрель.
