Ахьмад (футболан клуб)

• 1946—1948 — «Динамо»
• 1948—1958 — «Нефтяник»
• 1958—2017 — «Терк»
  • 1992—2005 — Республикин футболан клуб «Терк»
  • 2005—2006 — Автономин коммерцин боцу кхоллам «Футболан клуб „Терк — Соьлжа-ГӀала“»
  • 2006—2009 — Автономин коммерцин боцу кхоллам «Республикин футболан клуб „Терк“ Кадыров Ахьмад Ӏабдулхьамидан воӀан цӀарах»
  • 2009—2017 — Автономин коммерцин боцу кхоллам «Республикин футболан клуб „Терк“ (Соьлжа-ГӀала) Кадыров Ахьмад Ӏабдулхьамидан воӀан цӀарах»
• 2017 шарахь дуьйна — «Ахьмад» (Автономин коммерцин боцу кхоллам «Республикин футболан клуб „Ахьмад“»)

Командин истори йолало 1946-чу шарахь дуьйна, цу хенахь цуьнан цӀе йара «Динамо». 1948 шарахь дуьйна тобанан цӀе йара «Нефтяник», ткъа 1958 шарахь цуьнан цӀе хийцира «Терк» аьлла. 2006-чу шарахь Кадыров Ахьмад-Хьаьжин цӀе тиллира тобанна. 2017-чу шеран июнь баттахь клубана керла цӀе тиллира — «Ахьмад».

46 шарахь, 1946 шарера 1991 шаре кхаччалц, командано дакъалецира 36 шарахь (1946, 1957—1991 шерашкахь) тайп-тайпанчу тӀегӀан говзанчийн тобанийн йерригсоюзан футболан къовсамашкахь (чемпионаташкахь), Лакхара лигин тӀегӀанера турнираш йоцург. Соьлжа-ГӀалахоша дакъалецира 19 ССРС Кедехь. Терк Союзан чемпионатан шолгӀачу лигехь лидерех цхьаъ вара. Соьлжа-ГӀалин тобано иштта кхиамца дакъалоцура Йерригроссин къовсамашкахь — Терк 1974 шарахь РСФСР чемпион йу.

1978 шарахь тобано лакхара 5-гӀа меттиг дӀалаьцна Союзан чемпионатан хьалхарчу лигехь. 1980 — 1991 шерашкахь «Терек» ловзуш йара Союзан чемпионатан шолгӀачу лигехь. 1992-чу а, 1993-чу а шерашкахь Соьлжа-ГӀалахой дакъалоцуш бара Хьалхарчу Российн Лигин (Малхбузен) къийсадаларшкахь, ткъа 1994-чу шарахь — ШолгӀачу Лигин.

1994-гӀа шо йуккъе даьлча Нохчийчура командаш, шайна йукъахь «Терк» а йолуш, дӀайехира Российн футболан къийсадаларшкара - иза доьзна дара республикехь чолхечу йукъараллин-политикин хьал хиларца. 1999 шо кхаччалц команда левзира Нохчийн Республика Ичкерин чемпионатан лакхарчу лигехь^[2]. Иштта, 1997 шарахь «Терк» толамхо хилира Нохчийчоьнан къоман чемпионатехь^[3][4]. 1999 шо хилира командин кӀезга аьтту болуш: республикин чемпионатан хьалхара гуо дӀабаьлча, «Терко» йаьккхира пхоьалгӀа меттиг 14 команд-декъахошна йукъахь^[5].

2000 шеран 15 августехь футболан клубан регистраци йина федералан тӀегӀанехь.^[6] ХӀетахь дуьйна дӀадоладелла йерриг Российн тӀегӀанехь команда денйар. 2001 шарахь футболан клубо шен база ийцира Кисловодскехь (Ставрополан мохк). 2001 шарахь «Терко» Къилба зонехь шолгӀачу лигехь 5-гӀа меттиг дӀалаьцна, шолгӀачу шарахь зонин турнирехь толам баьккхира. 2003 шарахь «Терк» хьалхарчу дивизионехь шен дебютан сезонехь Премьер-лиге кхача герга хилира. ТӀаьххьарчу раундехь Краснодарехь Кубаньца нисйеллачу тобано «Терк» шолгӀачу меттигера 4-чу метте охьайаьккхира. Амма шолгӀачу шарахь Соьлжа-ГӀалин тобано хьалхара меттиг яьккхира хенал хьалха, сезон чекхйалале ворхӀ раунд йисча, премьер-лиге кхача билет а делира. Оццу хенахь «Терк» тобано цхьа могӀа рекордаш хӀиттийра Российн футболан исторехь. Эшам боцу ловзаран рогӀалла 21 ловзарехь йара. Ткъа «Теркан» форвардо Федьков Андрейс хьалхарчу дивизионехь гол тохаран рекорд хӀоттийра, цхьана сезонехь 38 гол а тоьхна.

Оцу хенахь «Терко» баьккхина Российн кад, цуо эшийра финалехь «Крылья Советов» чот 1:0 йолуш. Цхьаъ бен йоцу гол чутоьхна Федьковс^[7].

Цул тӀаьхьа шо даьлча «Терк» ловзуш йара Премьер-лигехь, амма сезон чекхйаьлча, соьлжа-гӀалахойн тоба охьайелира Российн футболан элитера. ДӀасакъастар доца хилира, 2007-гӀа шо кхиаме хилира Теркна. Талгаев коьртехь волчу хьалхарчу дивизионехь шолгӀа меттиг а йаьккхина, премьер-лиге йухаеара соьлжа-гӀалин тоба.

2004 шарера 2011 шеран ноябрь кхаччалц «Теркан» президент вара Нохчийчоьнан куьйгалхо Кадыров Рамзан, цул тӀаьхь «Теркан» сийлаллин президент. 2011 шарахь 28 ноябрера 2024 шо кхаччалц «Теркан» президент — Даудов Мохьмад^[8]. 2024 шарахь дуьйна Кадыров Ахьмад Рамзанан воӀ.

2008 шерахь командин коьрта тренер хийцира Грозный Вячеслав. Оцу шарахь «Терк» шен уггаре лакхара меттиг дӀалаьцна — лигин таблицехь 10-гӀа меттиг. Командо чекхдохура тӀаьхьадогӀу шераш масех меттиг лахара хан-зама йаларца. «Терк» коьртехь бара тайп-тайпана тренераш — Байдачный Анатолий, Диниев Шахин, Байтиев Ӏиса, Гуллит Рууд.

2011 шеран гурахь «Теркан» коьрта тренер хилира гӀараваьлла говзанча а, Российн гулйина тобанан кевнахо хилла а - Черчесов Станислав. 2011 шо кхаччалц Соьлжа-ГӀалин команда ловзуш йара меттахӀоттийначу стадионехь Султан Билимхановн цӀарах стадион. УЕФА стандарташ лелош йолу «Ахьмад Арена» стадион дӀайиллира 2011 шеран 11 майхь.

8-гӀа турехь 2012/2013 чемпионатан «Терк» массо цецбохуш коьрте хӀоьттира турниран таблицехь, 14 сентябрехь хьошалгӀахь «Зенит» эшийра чот 2:0 йолуш^[9]. Амма 20-гӀа турехь «Терко» 8-гӀа меттигехь йара^[10], оцу меттигехь чекхйаьккхира чемпионат.

2013 шеран 31 майхь контракт йаздира тренерца Красножан Юрийца. Цуо хийцира шен даржехь Черчесов Станислав^[11].

2013/2014 шеран чемпионатан 14-гӀа турехь «Терк» 14-гӀа меттигехь йара, цуьнан 9 очко бен йацара. 2013 шеран 28 октябрехь клубан куьйгалло мукъаваьккхира Красножан.^[12] Керла коьрта тренер хӀоттийра Рахимов Рашид. «Терко» чемпионат чекхйаьккхира 12-гӀа меттехь, иштта йисира премьер-лигехь^[13].

Футболех ловзаран Российн чемпионат 2014/2015 командо йолийра чӀогӀа аьтту болуш, йалх тур дӀайаьлча 4-гӀа меттехь, лидерал 5 очко тӀехьайиснера.^[14] Амма шо чекхдолуш 9-гӀа меттигехь йара 37 очкоца.

Футболех ловзаран Российн чемпионат 2015/2016(оьр.)нохч. Терк тешна йолайелира. Шо чекхдолуш Рахимов Рашида куьйгалла дечу тобано 7-гӀа меттиг йаьккхира. Российн футболан чемпионатехь «Терк» клубан уггар лакхара кхиам бу иза. Ӏаьнан трансферийн корехь коьрта ши ловзархо дӀавахара тобанера: Моурисио(оьр.)нохч., маьрша агент санна Петарбухан «Зенит» клубе дӀавахара, ткъа Федор Кудряшов(оьр.)нохч., эцна Ростов клубо. Шо чекхдолуш, цхьа могӀа ловзархой дӀабахара командера: тобанан лидерш а, коьрта ловзархой а Рыбус Мацей (Olympique Lyonnais) а, Исмаил Айсатти а (Аланьяспор). Марцин Коморовски (маьрша агент), бразилхойн ловзархо Кану (Бурирам Юнайтед).

Футболех ловзаран Российн чемпионат 2016/2017 Терко дӀайолийра хӀоттам хаалуш карладаьккхарца. Командехь дӀакхетта албанхойн тӀелетархо Беким Балай а, ахтурсло Одисе Роши а, Румынин къоман тобанан ахтурсло Габриэль Торже, Венесуэиан турсло Вилькер Анхель. Сезон йолайалале хьалха тобанна тӀедиллина хилла Европин Кедашна йукъайахар. Финалан 1/8 муьрехь «Терк» йукъарайаьккхира Российн футболан кедера, эшна Уфал (1:1; 3:5 пенальтишца). Хьалхарчу туран жамӀашца 4-гӀа меттиг дӀалоцуш йу команда. Ӏаьнан садаӀарехь Соьлжа-ГӀалин клуб чӀагӀйира Анжин а, Косово футболан къоман тобанан а ахтурслочо Бернард Беришас. Чемпионатан шолгӀа дакъа ФК Терко хьалхарчул мелла а гӀийла дара. «Зенит» тӀехь толам баьккхинчул тӀаьхьа соьлжа-гӀалин тобано москохан «Спартакан» чемпионан титул йеира, ткъа ша «Терк» тобанан, чемпионат чекхйала 3 тур йисча, дика шансаш йара Европин Кедашка кхача, амма 0:3 гайтамца «Спартак» тобанна эшначул тӀаьхьа, Теркан шансаш дӀайевлира Европин Лиге кхача. ТӀаьххьарчу раундехь тобано Крылья Советов эшийра, шен исторехь уггаре лакхара 5-гӀа меттиг дӀалаьцна сезон чекхйолуш. И матч чекхйаьлча, командин коьрта тренеро Рахимов Рашида дарж дитира, цуьнан метта хӀоттийра белорусин говзанча Кононов Олег.

2017/2018 шо долалуш клубан цӀе хийцира, «Ахьмад» хилира.

2020 шеран декабрехь клуб АЦШ санкцешна йукъайахна^[15].

2024 шеран 23 майхь Даудов Мохьмада клубан президентан дарж охьадиллира. Оцу даржехь иза хийцира Кадыров Рамзанан кӀанта Кадыров Ахьмада^[16].

• 1948—2000 — Соьлжа-ГӀала, Серго Орджоникидзен цӀарах стадион (1993 шарахь дуьйна — Ахтаев Увайсан цӀарах стадион)
• 2001—2002 — Черкесск, стадион «Нарт»
• 2002—2003 — Лермонтов, «Бештау» стадион
• 2004—2007 — Пятигорск, Центральни стадион
• 2007—2008 — Лермонтов, «Бештау» стадион
• 2008—2011 — Соьлжа-ГӀала, Билимханов Султанан цӀарах стадион
• 2011 дуьйна — Соьлжа-ГӀала, «Ахьмад Арена» стадион

Шо	Дивизион	Меттиг	Л	Т	Ц	И	Б	О	Билгалдахарш
1992	Хьалхара лига, «Малхбузе»	5	34	18	5	11	63-43	41
1993	Хьалхара лига, «Малхбузе»	11	42	20	4	18	76-63	58	ШолгӀа лиге охьайаьлла
1994	ШолгӀа лига, «Малхбузе»	21	40	7	5	28	22-86	19	Къийсадаларкара йукъарайаьккхина
2001	ШолгӀа дивизион, «Къилбе»	5	38	22	7	9	57-29	73
2002	ШолгӀа дивизион, «Къилбе»	1	40	36	1	3	98-20	109	Хьалхара дивизионе йаьлла
2003	Хьалхара дивизион	4	42	25	10	7	56-21	85
2004	Хьалхара дивизион	1	42	32	4	6	70-22	100	Премьер-лиге йаьлла; Российн кад баьккхина
2005	Премьер-лига	16	30	5	5	20	20-50	14(−6)	Охьайаьлла хьалхара дивизионе
2006	Хьалхара дивизион	8	42	18	8	16	48-47	62
2007	Хьалхара дивизион	2	42	28	6	8	69-27	90	Премьер-лиге йаьлла
2008	Премьер-лига	10	30	9	8	13	28-42	35
2009	Премьер-лига	12	30	9	6	15	33-48	33
2010	Премьер-лига	12	30	8	9	13	28-34	33
2011/12	Премьер-лига	11	44	14	10	20	45-62	52
2012/13	Премьер-лига	8	30	14	6	10	38-40	48
2013/14	Премьер-лига	12	30	8	9	13	27-33	33
2014/15	Премьер-лига	9	30	10	7	13	30-30	37
2015/16	Премьер-лига	7	30	11	11	8	35-30	44
2016/17	Премьер-лига	5	30	14	6	10	38-35	48
2017/18	Премьер-лига	9	30	10	9	11	30-34	39
2018/19	Премьер-лига	8	30	11	9	10	28-30	42
2019/20	Премьер-лига	13	30	7	10	13	27-46	31
2020/21	Премьер-лига	11	30	11	7	12	36-38	40
2021/22	Премьер-лига	7	30	13	3	14	36-38	42
2022/23	Премьер-лига	5	30	15	5	10	51-39	50
2023/24	Премьер-лига	10	30	10	5	15	33-45	35
2024/25	Премьер-лига	14	30	4	13	13	27-48	25

2013—2016 шерашкахь ПФЛ хьалхейаккхарехь левзира клубан шолгӀа команда — «Терк-2».

• Алханов Хьайдар (1992—1994)
• Диниев Шахин (2001)
• Дзайтиев Рамзан (2001, д. кх.)
• Куриев Тимур (2002, январь—февраль)
• Платонов Лев (2002, май)
• Корешков Александр (2002)
• Талгаев Вахьид (2003—2005, 2006—2007)
• Тарханов Александр (2005—2006, май)
• Шевченко Виталий (2006)
• Назаренко Леонид (2008, май)
• Грозный Вячеслав (2008—2009)
• Шахин Диниев (2009, д. кх.)
• Байдачный Анатолий (2010)
• Рууд Гуллит (2011, июнь)
• Байтиев Ӏийса (2011, июнь, д. кх.)
• Черчесов Станислав (2011 шеран 27 сентябрь — 2013 шеран 26 май)
• Красножан Юрий (2013 шеран 27 май — 2013 шеран 27 октябрь)
• / Рахимов Рашид (2013 шеран 7 ноябрь — 2017 шеран 31 май)
• / Кононов Олег (2017 шеран 1 июнь — 30 октябрь)
• Галактионов Михаил (2017 шеран 31 октябрь — 2018 шеран 7 апрель, д. кх.)
• Ледяхов Игорь (2018 шеран 7 апрель — 2018 шеран 2 сентябрь)
• Идигов Руслан (2018 шеран 2 сентябрь — 5 сентябрь, д. кх.)
• / Рахимов Рашид (2018 шеран 5 сентябрь — 2019 шеран 30 сентябрь)
• Шалимов Игорь (2019 шеран 1 октябрь — 2020 шеран 26 июль)
• Талалаев Андрей (2020 шеран 26 июль — 2022 шеран 11 сентябрь)
• / Нагайцев Юрий (2022 шеран 11 сентябрь — 2022 шеран 22 сентябрь, д. кх.)
• Ташуев Сергей (2022 шеран 22 сентябрь — 2023 шеран август)^[20]
• Ромащенко Мирослав (2023 шеран август^[21] — 4 апреля 2024)^[22]
• Адиев Мохьмад (2024 шеран 5 апрель — 1 сентябрь)^[23]
• Ташуев Сергей (2024 шеран 3 сентябрь — 2025 шеран 28 май)
• Щербаченко Фёдор (2025 шеран 28 май — 31 май, д. кх.)
• Сторожук Александр (2025 шеран 16 июнь — хӀ. а.)

• Кадыров Ахьмад (2001—2004)
• Кадыров Рамзан (2004—2011)
• Даудов Мохьмад (2011—2024)
• Кадыров Ахьмад Рамзанан воӀ (2024—хӀ. а.)