Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Гайсумов, Дени Хьасанан воӀ

РУВИКИ чохь изза фамили йолчу кхечу адамех лаьцна йаззамаш бу Гайсумов.

Гайсу́мов Дени́ Хьаса́нан воӀ (азерб. Deni Həsənoviç Qaysumov; 1968 шеран 6 февраль[1], Соьлжа-ГӀала) — советийн, российн, азербайджанан, нохчийн футболан турсло, тренер.

Тренерийн лакхара ишколан арахецархо (2004).

Биографи

Соьлжа-ГӀалин «Теркан» кхиорхо.

1994 шарахь Аьрзу команда йоьхначул тӀаьхьа шен дехарца ЦСКА йукъа вахара. Мелла а хан йаьлча дӀавала вийзира клубан куьйгаллица ойла цхьаьна ца йарна.

1996 шарахь иза ловзуш вара «Сокол-ПЖД» тобанехь, цуьнца цхьаьна лакхарчу лиге кхача сатийсина. Команда цу шарахь борхалгӀа меттиг бен ца йаьккхира, ткъа Гайсумов Москохарчу «Спартаке» дӀавахара. Цунна хетарехь, коьртачу тобанехь ловза новкъарло йина Романцев Олег Ивановичас, цо иза цкъа бен тобанна йукъа ца ваьккхира – ЦСКА-ца ловза[2]. ЦӀен-кӀайчеран дублехь ах шо даьккхмн, йухавирзира ЦСКА, цуьнца шарна контракт дира.

2000 шарахь чекхйаьккхира ловзархочун карьера, амма Алханов Хьайдарца къамел динчул тӀаьхьа ловза волавелира керла кхоьллинчу «Терк» командехь[3].

2003/04 шеран Российн кедан(оьр.)нохч.толамхо.

Российхо волушшехь, 1995 шарахь тӀеийцира Азербайджанан гулйина командо кхайкхар[4].

2004 шарахь, Терк Лакхара дивизионе кхаьчначул тӀаьхьа, къоман кедан толамхо хиллачул тӀаьхьа, 2004—2005 шерашкахь УЕФА кедехь(оьр.)нохч. ловзуш хиллачул тӀаьхьа, Гайсумов Дени спортан категорехь «Нохчийчоьнан шеран стаг» аьлла цӀе тиллира, ткъа 2004 шарахь — Нохчийн сийлаллин гражданин цӀе тиллира. Цуьнан сий деш Гуьмсера ураман цӀе тиллира.

Билгалдахарш

  1. ↑ Deni Gaisumov // FBref.com(бил-боцу.)
  2. ↑ Бутнев Юрий. Дени Гайсумов: «Спартак» не дал мне ни одного шанса // Спорт-Экспресс (газета). — 29 июля 1997
  3. ↑ Гендиректор «Терека» Дени Гайсумов: Паспорт изучают только в России. ТӀекхочу дата: 2025 шеран 29 октябрь. Архивйина 2016 шеран 12 августехь
  4. ↑ Дмитрий Корсаков — «новый белорус» Архиван копи 2021 шеран 23 апрелехь дуьйна Интернетан архив#ПроекташЗаметка в газете «Спорт-Экспресс» от 19 февраля 2000 года

Хьажоргаш

Кхин дӀа темана тӀехь

Категореш