Вайнах (футболан клуб)

Футболан клуб «Вайнах» кхоьллина 1972 шеран ноябрехь, командин спонсор йара «Аргунводпром» предприяти^[2]. Футболан команда "Вайнах" кхоьллинарг ву АКСМиС партин кхолламан секретарь, тӀаьхьа цӀе хийцира "Аргунводпром" Шемилев Султан Мовладин воӀ, Алханов Хьайдар, Лепиев Ӏалу кхиийна Шемилев Султана Мовладин воӀа. Кхолларна а, ФК "Вайнах" цӀе тиллирна а партин кхолламан секретарь ССКП Шелан РК бюрон сацамца дӀаваьккхира "Аргунводпром" предприятин партин кхолламан секретаран даржера къаьмнашна йуккъе питана туьйсу аьлла. Амма Шемилев С.М "Литературин газете" йаздира 1973 шарахь, цул тӀаьхьа НГӀАССР баьхкира "Литературин газетан" корреспонденташ, цӀе йаларан материалашка хьевсира. "Литературин газетан" корреспонденташ арахийцира йаззам бехказавоккхуш Шемилев С.М. дош Вайнах хьажийра НГӀПУ "къоман" факультете, цигах иза гочдира "Вайн нах" аьлла. Цхьацца процедураш йина Шемилев С.М. меттахӀоттийра даржехь. Шен дерриг кхетамехь волу дахар, берриг ницкъ а, ахча а, коьрта хан а Шемилев С.М. дӀайелира ФК "Вайнах". Оцу хенахь НГ/АССРн спортан министр хилла Алханов А., ФК "Вайнах" кхоьллинчу дийнахь вистхилира команда кхоьллина "Аргунводпром" секретаро Шемилев С.М., доккха дакъа а лаьцна иза когахӀоттош, оцу гӀуллакхна чӀогӀа реза бара Лепиев Ӏ. а, Дакаев Ӏ. а, ФК "Вайнах" кхин болу ветеранаш а. Коьрта тренер вара Каюшников Борис, ССРС спортан говзанча, «Терк» командин ветеран, цуо тренерболх бира тайп-тайпана шерашкахь «Динамо» (ХӀинжа-ГӀала), «Терк» (Соьлжа-ГӀала). Нохч-ГӀалгӀайн АССР чемпионатехь ловзуш, клуб хилла ворхазза республикин чемпион (1974, 1975, 1980, 1981, 1984, 1985, 1989), кхузза республикин Кад баьккхина (1982, 1984, 1987). Республикин коьрта командехь «Терк» тайп-тайпана хенахь левзина «Вайнахан» кхиорхой. Коьрта тренераш болх бина республикехь а, цунна арахьа а гӀарабевлла говзанчаш Алханов Хьайдар, Каюшников Борис. Шелахоша дакъа лецира поизводсвенни коллективийн командашна йукъара Российн Кад къовсарех^[3]. Республикин футболан федерацис кховдийна ССРС футболан федерацис 1991 шарахь «Вайнах» командин бакъо йелира дуьххьара ловза йоьалгӀа зонехь шолгӀа лигехь. 2006 шарахь дуьйна ловзуш йу Нохчийн Республикийн чемпионатехь.^[4]

2017 а, 2019 шерашкахь клубо дакъа лецира КхоалгӀа дивизионехь (МФК). 2019 шарахь иштта дакъа лецира 2019/2020 шерашкара Российн Кад къовсарехь: 20 июлехь цӀерачу матчехь финалан 1/256 ийшира бурийтӀера «Аланин» — 1:3^[5].

footballfacts.ru. хаамашца^[6]

• Каюшников, Борис Дмитриевич — 1973—1975
• Алханов, Хьайдар Минерал воӀ — 1990 март — 1991 декабрь (?)
• Каюшников, Борис Дмитриевич — 1991
• Гриднев, Сергей Николаевич — 1992
• Далиев, Муслим Мурдалан воӀ — 2009—2011
• Тазабаев, Султан Хьумидан воӀ — 2019 — июнь 2021

• Байтиев Ӏийса^[7]
• Джабраилов Тимур^[7]
• Исмаилов Адам^[8]
• Садаев Заур^[9]
• Гайсумов Дени^[10]
• Садаев Ризван^[11]