Сочи (футболан клуб)

Клуб «Сочи» кхоьллина 2018 шеран 4 июлехь^[1]. Клуб кхолларал хьалха йукъаделира эладит «Динамо» (Петарбух) Соче кхелхаш йу аьлла^[2]. Цуьнан маьӀна дора, Сочехь шайн профессионалан клуб ца хиларца, амма ду футбол кхиаран дика хьал, кхин а хӀокху заманан стадион «Фишт» а йу мах 30 млрд сом долуш, чухоам 46 эзар стаг волуш^[3]. ЖамӀехь, 2018 шеран июнехь «Динамо» фактехь вовшехйаьккхира, ткъа цуьнан футболисташ а, тренерийш штабо а контракташ дира керла йинчу «Сочица»^[4]. Клубан долахо хилира хьуьнарча Ротенберг Борис^[5], хьалхара коьрта тренер а, капитан а хилира — Точилин Александр а, Песегов Евгений. Шен турниран некъ «Сочис» болийра Футболан къоман лигера, цуо дӀалецира вовшах йаьккхинчу «Динамон» меттиг.

Дебют хилале хьалха пхиъ доттагӀаллин матчехь левзина Российн, Белоруссин, Узбекистанан клубашца. Дуьххьарлера команда хилира узбекийн клуб «АГМК», иза иэшийра чот 1:0 йолуш^[6]. Хьалхара официалан матчаш клубо дӀайаьхьира Метревели Славин цӀарах Центран стадион тӀаьхь стадион «Фишт» кийча ца хиларна, стадионо тӀеоьцура футболех ловзаран дуьненан чемпионат 2018, кхин а баланаш бара, хьешийн командин фанаташ дӀатарбарца^[7].

2018 шеран 17 июлехь, ФКъЛ стартан матчехь «Сочи» цӀахь ийшира москохан «Спартак-2» 0:1 чоьтаца^[8]. ШолгӀачу турехь клубо толам баьккхира официалан матчехь — минимум хьалха йолуш эшийра воронежан «Факел» (2:1)^[9][10]. Хьалхара хьошалгӀара кхаа матчех лаьтта сери «Сочис» дӀайаьхьира иэшам боцуш, йаьккхира пхи очко. ЧӀогӀа аьтту болуш клуб левзира Ӏай садаьӀначул тӀехьа, ФКъЛ турниран таблицехь хьалхара меттигехь а хилира. Амма, ярославлан «Шинникца» ловзуш цхьа ца тоьллачул тӀаьхьа клуб финише йеира шолгӀачу меттигехь, цуо новкъарло ца йира клубан лакхара футболан лигехь меттиг баккха.

2019 шарахь Премьер-лигера матчаш йолайалале клубе веира исс футболист^[3] «Зенитера», церан кӀезга практика йара хьалхарчу шарахь. Лакхарчу тӀегӀанан хьалхарчу матчехь «Сочи» Москохахь ийира «Спартакал», чутохийтира тӀетоьхначу хенахь цхьаъ бен йоцу буьрка. Клубан исторехь Премьер-лигехь хьалхара голан автор хилира тӀелатархо Дмитрий Полоз, цуо буьрка туьйхира кевнаш чу «Оренбурган». «Сочин» шеран старт башха аьтту болуш а ца хилира, хӀунда аьлча хьалхара толам клубо баьккхира 8-гӀа турехь «Рубинера», казанхой хӀаллак бира 0:3 чоьтаца, хьалхара гуо чекхболуш тӀаьххьара йара турниран таблицехь. ТӀаккха Ӏаьнна садоӀучу хенахь клубо хийцира коьрта тренер, керланиг хилира Владимир Федотов^[11].

2023 шеран 30 апрелан хьолехь

№	Футболист	Мур	Матчаш
1	Никита Бурмистров	2018 —	117
2	Тимофей Маргасов	2019 —	101
3	ИбрахӀим Цаллагов	2019 —	100
4	Кристиан Нобоа	2019 —	91
5	Кирилл Заика	2018 —	88
6	Иван Миладинович	2018 —	83
7	Игорь Юрганов	2018 —	80
8	Сергей Терехов	2020 —	75
9	Артур Юсупов	2020 —	71
10	Сослан Джанаев	2019 —	66

«Сочин» уггаре дика бомбардираш

№	Футболист	Мур	Голаш
1	Кристиан Нобоа	2019 —	34
2	Максим Барсов	2018 — 2022	22
3	Артур Юсупов	2020 —	17
4—5	Антон Заболотный	2019 — 2021	14
	Матео Кассьерра	2021 — 2022	14
6—7	Никита Бурмистров	2018 —	10
	Евгений Песегов	2018 — 2019	10
8—10	Александр Кокорин	2020	7
	Георгий Мелкадзе	2022 —	7
	Жоаозиньо	2020 —	7