Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Рудаков, Максим Алексеевич

РУВИКЕХЬ иштта фамили йолуш нахах лаьцна йаззамаш бу, хьж. Рудаков.

Рудаков Максим Алексеевич (1996 шеран 22 январь, Петарбух) — российн футболист, «Сочин» кевнахо. Российн спортан говзанча.

Биографи

Клубехь

Петарбухан футболан кхиорхо. ДЮСШ «Кировец» волавелла ловза тӀелатархочун позицехь, цул тӀаьхьа кевнашка хӀоьттина[1]. Кхин «Локомотиван» а, «Сменин» а кхиорхо[2]. 2012/13 шо долалуш заявкин чу йазвира «Зенитан» лоьмар 51 йолуш. Дебют хилира кегийрхойн хьалхейаккхарехь 2012 шеран 28 сентябрехь цӀера матчехь «Локомотиван» дуьхьала (2:3). Йерриг 2012/13 — 2017/18 шерашкахь хьалхейахаршкахь левзина 68 матчехь, чутохийтина 77 буьрка. УЕФА жимахойн лигехь 2013/14 — 2015/16 шерашкахь левзина 10 матчехь, чутохийтина 20 буьрка.

2016/17 шо долалуш аренде велира ПФЛ клубе «Зенит» Пензе. Исс матчехь чутоьхна 20 буьрка; шозза къовсамхоша цуьнан кевнаш чу пенальти ца тоьхна чу, шоззе а штангех кхетта. Ӏай садоӀучу хенахь йухавирзина Петарбухе, ФКъЛ Кедехь кхаа ловзарехь «Зенит-2» йукъахь кхо гол чутохийтина. Мартехь — апрелехь ФКъЛ левзина кхо матч, цигахь чуйахийтина 11 буьрка. ТӀедогӀучу шарахь левзина «Зенит-2» йукъахь цхьа матч — хьалхарчу турехь хьошалгӀахь «Шинникна» духьала (1:2).

2017 шеран аьхка ваха везаш вара финнийн ХИК клубан шолгӀа команде, амма дӀавахавелира гурахь — хьалхара команде. 2018 шеран январехь дуьйна — ХИКехь шеранна арендехь ву[3]. Дебют хилира 26 январехь Финляндин Кедан матчехь «Гнистанан»[en] дуьхьала (8:0). Чемпионатехь дебют хилира 21 апрелехь КуПСца (1:2). Финнийн командин йукъахь мехкан чемпион хилла[4].

2020 шеран 12 февралехь контракт йаздина «Ростовца». Дона клубехь дебют хилла 2021 шеран 16 майхь «къилба дербехь» «Краснодаран» дуьхьала, чутоьхна 3 буьрка. 2021/22 шо долалуш дехьаваьлла «Роторе» аренде, амма, цхьа а матч ца ловзуш, 2021 шеран 10 августехь «Ростов» йухавеина.

2022—2023 шерашкахь левзина арендехь финнийн «Хонкехь», цигахь вара коьрта кевнахо, клубаца баьккхира финнийн лигин Кад а, чемпионатан борза а. 2023 шерал тӀаьхьа клуб банкрот хилира[5], тӀаккха Рудаков цӀа веира «Ростов».

Гулйинчу командехь

2012—2015 шерашкахь — жимахойн гулйина командин ловзархо куьйгаллица Хомуха Дмитрийн. Гранаткинаа мемориалан 2014 финалхо, турниран уггаре дика кевнахо[6]. Футболех ловзаран Европин чемпионат 2015 (19 шо кхачаза жимахой) финалхо: Митрюшкин Антона дублёр, ловза ара ца ваьлла.

Шен дахар

2017 шеран февралехь доьшуш вара Лесгафта цӀарах университетан 4 курсехь [2][7] (говзалла — тренер)[8].

Кхиамаш

«Зенит»
ХИК
«Хонка»
  • Финляндин лигин Кедан толамхо: 2022
  • Финляндин чемпионатан борзанан совгӀатхо: 2022

Билгалдахарш

  1. ↑ Максим Рудаков: От «Зенита» до «Зенита». ТӀекхочу дата: 2018 шеран 4 май. Архивйина 2018 шеран 29 ноябрехь
  2. ↑ 1 2 Вратарь «Зенита-2» Максим Рудаков: Пример Бабурина доказывает — нет ничего невозможного. ТӀекхочу дата: 2018 шеран 4 май. Архивйина 2018 шеран 13 январехь
  3. ↑ Максим Рудаков продолжит карьеру в Финляндии. ТӀекхочу дата: 2018 шеран 4 май. Архивйина 2017 шеран 24 декабрехь
  4. ↑ Российский голкипер Рудаков стал чемпионом Финляндии в составе ХИК. ТӀекхочу дата: 2018 шеран 5 октябрь. Архивйина 2018 шеран 5 октябрехь
  5. ↑ «Нам сказали: клуб — банкрот». У вратаря из России возникли неожиданные проблемы в Европе.
  6. ↑ Рудаков признан лучшим голкипером Мемориала Гранаткина. ТӀекхочу дата: 2018 шеран 4 май. Архивйина 2018 шеран 5 майхь
  7. ↑ Зал славы. ТӀекхочу дата: 2018 шеран 4 май. Архивйина 2018 шеран 19 майхь
  8. ↑ Футболисту, как никому другому, нужно хорошее образование игроки Зенита-м рассказали о своих вузах. ТӀекхочу дата: 2018 шеран 4 май. Архивйина 2019 шеран 9 февралехь

Кхин дӀа темана тӀехь

Категореш