Абдулаев, Мовлади Абуязидан воӀ

Вина 1961 шеран 7 январехь Шуьйтахь. Йеза атлетика лелон волавелира 1974 шарахь, 1979 шарахь ССРС спортан говзанча стандарте кхаьчна. 1977—1978 шерашкахь ССРС кегийрхойн чемпионатехь йуьртан лаамехь спортан йукъараллашна йукъахь толамхо а, шолгӀа меттиг а йаьккхина. 1982—1983 шерашкахь иза хилира РСФСР студентийн чемпион. 1984 шарахь Йерригсоюзан Универсиадехь 5-гӀа меттиг йаьккхира цо.

1985 шарахь Москохан йуьртабахаман К. А. Тимирязевн цӀарах академи(оьр.)нохч. чекхйаьккхина цӀа вирзина, болх бира ораматаш ларйаран кӀоштан станцийн хьаькам болх бира, Шуьйтан агропромышленни цхьанакхетаран декъан хьаькам а. Оцу хеннахь болх бира Шуьйтан берийн-жимахойн спортан ишколан тренер. Цуьнан кхиорхой кхиамаш бахара ССРС чемпионаташкахь а, жимахошна йукъахь Россехь а.

1993-чу шарахь иза Москох дӀавахара. Цо болх бира гимнастикин клубан куьйгалхочун даржехь, Шатойра штангистийн дакъалацар вовшахтоьхна Францехь а, Германехь а, Испанехь а дуьненаюкъарчу турнирашкахь. 1995 шарахь дуьненайукъара арбитр хилира, йерриг Европехь дуьненайукъара турнирашкахь арбитр вара.

1997—2002 шерашкахь вара Москохара фирмийн тайп-тайпанчу спортан кхолламийн йохк-эцаран векал.

Веха Францехь, болх беш ву спортан бизнесан кхоченехь, д\ахьуш йу йеза атлетикин тренеран карьера.

2001 шарахь цо кхоьллира нохчийн спортах лаьцна дуьххьарлера сайт, "Wsport-Shatoy — Нохчийн спортан энциклопеди ". 2014-чу шарахь сайтана Гран-при йелира, «Тоьлла социалан мехала йолу интернет-проект» категорехь толам баьккхина. Иштта 2001 шарахь цо кхоьллина Оьрсийчохь дуьххьарлера цхьаъ йолу атлетикина лерина сайташ, «Wsport-Shatoy — Weightlifting», иза шуьйра йевзаш йу дуьненайукъарчу йезв атлетикин йукъараллехь.

2002 шарахь тренер болх бира Испанехь. Цуьнан кхиорхой Мелоди Санчес, Таня Морийас, Антонио Тарифа, Исаак Морийас хилира Испанин гулйина командин декъахой, дакъалаьцна дуьненан а, Европин чемпионатахь.

2003-чу шарахь дуьйна Францехь вехаш ву иза, 2009-чу шарахь Францин пачхьалкхан диплом делира цунна, атлетикин а, физоьздангаллин а тренеран. Францин Ниццехь йолчу «Чемпион» дзюдо клубан директорийн кхеташонан декъашхо ву иза. Иза ву дӀайаханчу заманахь гӀарабевллачу вайнехан дзюдоисташна лерина йолу клубан Чемпионийн Кедан турнир вовшахтохархо.

• Российн Серлонан министраллин «Халкъа серлонан тӀехдика белхало» сийлахь седа.

• М.А.Абдулаев. Как построить тренировочный цикл штангиста.  (оьрс.) WSPORT-SHATOY - Тяжёлая атлетика (1990г.).
• М.А.Абдулаев. Программа тренировок для квалифицированных (от 1-го разряда) атлетов на основе БОССТ  (оьрс.). WSPORT-SHATOY - Тяжёлая атлетика (2005г.).
• М.А.Абдулаев. Двухмесячная программа для 3-х разовых тренировок в неделю  (оьрс.). WSPORT-SHATOY - Тяжёлая атлетика (2008г.).

• Назаев, Муслим Мусан воӀ — йеза атлетикехь Бельгин чемпион.
• Антонио Тарифа — 2007 шеран дуьненан чемпионатан декъахо.
• Исаак Мориллас — 2006, 2007, 2009 шерашкара дуьненан чемпионатийн декъахо.
• Таня Мориллас — 2006 шеран дуьненан чемпионатан декъахо.