Ибишев, Турпал-Ӏела Сайд-Эмин воӀ
Ибишев Турпал-Ӏела Сайд-Эминан воӀ (оьрс. Ибишев, Турпал-Али Сайд-Эминович; 2002 шеран 18 февраль, Iашхой-Марта, Тӏаьхьа-Марта, Нохчийн Республика) — россин футболист, «Ахьмад» клубан а, Российн гулйина командин а турсло[1].
Биографи
Ибишев Турпал-Ӏели вина 2002 шеран чиллин беттан 18-чу дийнахь ТӀехьа-МартантӀехь.
Клубан карьера
Соьлжа-ГӀаларчу Рамзанан цӀарах футболан академи чекхйаьккхинарг. 2020/21 шерахь дуьйна иза ловзуш ву Ахьмадан кегийрхойн тобанехь. 2021-чу шеран асаран беттан 2-чу дийнахь «Локомотив-М» тобанца ловзуш суьдхочунна вас йарна а, дов даларехь дакъалацарна а шина ловзарна дисквалификаци йира цунна[2].
2021 шеран товбецан беттан 22-чу дийнахь цо шен дебют йира Ахьмадан агӀор Российн Кедехь Москохан Кайратца матчехь, 77-гӀа минотехь йукъавелира хийца. Диъ де даьлча, чемпионатехь шен дуьххьарлера матч ловзийра цо, 88-чу минотехь Ростовца дӀайаьхьначу матчехь ловзуш. Дерриг а 2021—2022 шерашкахь цо 2 ловзар дира тобанехь РПЛ-хь а, 1 Кедехь а.
2022—2023 шарахь «Ахьмад» йукъахь цкъа левзина Россин Кедехь.
2023 шеран мангалан беттара 2024 шеран кхолламан батте кхаччалц бегондехь вара майкопан «Дружбехь», цунна йукъахь 14 левзина ШолгӀачу лигехь а, 2 Кедехь а. 2023—2024 шарахь левзина «Ахьмад» йукъахь кхузза мехкан чемпионатехь.
2024—2025 шарахь хӀора матчехь ловза волавелира Соьлжа-ГӀалин командехь[3], левзира 17 матчехь чемпионатехь, 6 Кедехь, 2 дехьайаларан матчехь.
Карьера гулйина командехь
2025 шеран бекарг беттан 19-чу дийнахь дебют хилира Российн гулйина командехь Гренадин дуьхьалара матчехь, 65-гӀа минотехь хийцира ловзархо[4][5].
2025 шеран асаран беттан 10-чу дийнахь дакъалецира Белоруссин гулйина командина дуьхьала ловзуш, шолгӀа таймехь чекхйаллалц левзира[6].
Российн къоман тобанехь йерриг а 2 матч ловзийна цо (2026 шеран мангалан беттан 2-чу дийнахь).
Статистика
Клубан карьера
| Ловзар | Лига | Кад | Кхин йерш | ЖамӀ | ||||||
|---|---|---|---|---|---|---|---|---|---|---|
| Клуб | Лига | Шо | Ловзарш | Голаш | Ловзарш | Голаш | Ловзарш | Голаш | Ловзарш | Голаш |
| Ахьмад | Премьер-лига | 2021-22 | 2 | 0 | 1 | 0 | — | 3 | 0 | |
| 2022-23 | 0 | 0 | 1 | 0 | — | 1 | 0 | |||
| 2023-24 | 3 | 0 | 0 | 0 | — | 3 | 0 | |||
| 2024-25 | 17 | 0 | 6 | 0 | 2 | 0 | 25 | 0 | ||
| 2025-26 | 2 | 0 | 1 | 0 | — | 3 | 0 | |||
| ЖамӀ | 24 | 0 | 9 | 0 | 2 | 0 | 35 | 0 | ||
| Дружба (бегонда) | 2Л | 2023 | 14 | 0 | 2 | 0 | — | 16 | 0 | |
| Йерриг карьерехь | 38 | 0 | 11 | 0 | 2 | 0 | 51 | 0 | ||
Карьера гулйина командехь
 Росси
| ||
|---|---|---|
| Шо | Ловзарш | Голаш |
| 2025 | 2 | 0 |
Билгалдахарш
- ↑ Ибишев Турпал-Али Сайд-Эминович. www.rfs.ru. ТӀекхочу дата: 2026 шеран 2 июль.
- ↑ Восемь игроков «Ахьмада» дисквалифицированы за драку в матче молодёжного первенства. ТӀекхочу дата: 2026 шеран 2 июль.
- ↑ «Летом «Ахмату» нужно пять-шесть трансферов, чтобы бороться за высокие места», Известия (2025, 11 июнь). Дата обращения: 2 июлехь 2026.
- ↑ Искам, Елизавета. Семшов прокомментировал дебют 23-летнего Ибишева в сборной России, championat.com (2025, 25 март). Дата обращения: 2 июлехь 2026.
- ↑ Ершов, Александр. Иса Байтиев оценил дебют Ибишева в сборной России в матче с Гренадой, championat.com (2025, 27 март). Дата обращения: 2 июлехь 2026.
- ↑ Ибишев: «Главное, что сборная России смогла одержать победу над Белоруссией с крупным счетом», sport-express.ru (2025, 11 июнь). Дата обращения: 2 июлехь 2026.
Хьажоргаш
- Профиль на сайте ФК «Ахьмад»
Кхин дӀа темана тӀехь
 |
|---|
| |
|---|---|
| |