Касинтура, Эгаш
Э́гаш Пала́нга душ Са́нтуш Касинту́ра (порт. Egas Palanga dos Santos Cacintura; 1997 шеран 29 октябрь[1], Намибе[d]) — анголин футболист а, мини-футболах ловзархо а. «Ахьмад» клубан ахтурсло.
Биографи
Жима волуш мини-футболех левзина. Кхаа шарахь футболех ловза Ӏамийна футболан клубан академехь ваьхначу гӀалара. Ишкол чекхйаьккхина кхелхина Луанде, цигахь шо гергга левзина мини-футболех[2][3][4]. 2015-чу шарахь Россе а веана, ГӀобанан пачхьалкхан технологин университетан кечамбаран декъе деша вахара иза. 2016 шарахь иза деша вахара ГӀобанан пачхьалкхан техникан университетан мехкадаьттан а, газан а, энергетикин а институте, «Мехкадаьтта доккху объекташ лелор а, Ӏалашйар а» говзалла йолуш. Краснодарехь ловзуш вара иза йезархойн командашкахь. Шен корматаллин некъ дӀаболийра Сыктывкарехь «Новая Генерация» цӀе йолчу мини-футболан клубехь. Шен хьалхарчу сезонехь, 2019/20-чу шерашкахь, иза левзина 21 ловзарехь, 9 гол тоьхна Российн мини-футболан чемпионатехь.
2021 шеран 23 июлехь кхаа шеран контракт йаздира РПЛ «Уфа» клубаца[5]. 2021 шеран 25 июлехь Российн чемпионатан 1-ра турехь Москохан ЦСКА дуьхьала дебют хилира «Уфа йукъахь».
2023 шеран аьхка кхаа шарна контракт дира ХӀинжа-ГӀалин «Динамоца»[6]. Хьалхара шарахь дуьйна Касинтурас гӀо дира командин Премьер-лиге хьалайала. 2024/2025 шарахь мехкан чемпионатехь Эгаш левзира 26 матчехь, чутуьйхира 4 буьрка.
2025 шеран июнехь Касинтурас кхаа шеран контракт тӀе куьг йаздина «Ахьмадца»[7].
Билгалдахарш
- ↑ premierliga.ru (оьрс.)
- ↑ Эгаш: «Мечтаю стать чемпионом суперлиги в составе «Новой генерации»(бил-боцу.). Газета «Республика». ТӀекхочу дата: 2025 шеран 19 октябрь. Архивйина 2021 шеран 24 июлехь
- ↑ Эгаш: «В школе меня били палкой». Поговорили с удивительным ангольцем из «Уфы» Касинтурой: попал в РПЛ из мини-футбола(бил-боцу.). Sport24. ТӀекхочу дата: 2025 шеран 19 октябрь. Архивйина 2021 шеран 14 августехь
- ↑ Анголец приехал в Россию учиться на нефтяника, никогда не был профи, а теперь играет в РПЛ(бил-боцу.). Спорт-Экспресс. ТӀекхочу дата: 2025 шеран 19 октябрь. Архивйина 2021 шеран 14 августехь
- ↑ Эгаш Касинтура – официально в ФК «Уфа»!(бил-боцу.). www.fcufa.pro. ТӀекхочу дата: 2025 шеран 19 октябрь. Архивйина 2021 шеран 23 июлехь
- ↑ Дарья Юшкова. Полузащитник футбольного клуба «Динамо» (Махачкала) Эгаш Касинтура: «Я всегда видел, что в Тюмени любят спорт». Тюменская арена (2023 шеран 21 август).
- ↑ Боев, Максим. «Ахьмад» объявил о переходе Эгаша Касинтуры. Дата обращения: 19 октябрехь 2025.
Кхин дӀа темана тӀехь
| |
|---|---|
| |