Кхазакхстанан Керла шо

31 декабрера 1 январан буса Керла шо даздар шен орамашца доьду Кхазакхстанан советийн замане, цундела ца къаьста Россехь Керла шо даздарх. ХӀинца иза уггаре массийн а, хьоме а Ӏида ду махкахь.

Ёлка кечйо массанхьа а. ГӀалин урамаш ма-кечло кечдо керлачу шарна. Амма Европех къаьсташ урамашна тӀехь наггахь го ГӀура Дада (кхазакх. Аяз ата) Лайн аьзница (кхазакх. Ақшақар) — уьш хьеший хуьлу корпоративан мероприятешкахь. Иштта-м, мехкан коьрта майданашкахь ГӀура дадин а, Лайн аьзнин а костюмаш йоьхна суьрташ даха таро йу нехан, кхин а цаьрга цӀа кхайкха йиш йу леррина агенталлашкахула бахархошна а, церан берашна а. Берийн бошмашкахь Керла шо тӀедале массанхьа а дӀахьо мероприятеш и йа важа персонажаш а болуш. Нисса буьйса йуккъе йахарца наха вовшех бетта шампанскин кедаш, керла шеран шуьне ховшу, цул тӀаьхьа зийарташ до доттагӀанка а, гергарчаьрга а.

Малхбален гӀиллакхашца 21—23 мартехь Кхазакхстанехь даздо Наурыз мейрамы. Кхазакхашна и Ӏида бӀаьстенан карладаккхара, безаман деза де, лаьттан хьоналлин, доттагӀаллин сийлалла йу. Оцу дийнахь дукхаха болчара кхазакхийн духарш духу, гӀаланашкахь а, эвланашкахь а дӀахьо тайп-тайпана мероприятеш (масала, концерташ, театро йина шоу, къийсамаш къоман кепара спортехь), кечдо ламаста даарш, масала, наурыз-коже.

Кхазакхстанехь Наурыз даздар ца магадора 1926 шарахь дуьйна, иза лорура динан Ӏида, иза динан Ӏида даннен а дац. Даздан долийна 1988 шарахь дуьйна. Официалан къобал дина 1991 шеран 15 мартехь, оцу хенахь арадаьлла Кхазакхийн ССР Президентан «БӀаьстенан къоман Ӏиданех лаьцна» Омар 22 март кхайкхийна бӀаьстенан де-буьйса нисдаларан де, Ӏиданан де — «Наурыз мейрамы»^[1]. 2001 шарахь иза хилла пачхьакхан Ӏида. 2009 шарахь дуьйна даздо кхаа дийнахь 21 - 23 мартехь^[2].