Финляндин Керла шо

Историн керла шерал хьалхара самукъадаккхар Финляндех ду пал тасар дашанна тӀаьхь (йа гӀели тӀехь) — лалийна металл шийла хи чу дуттий, лацаделлачу массица, гӀоьрту хин дерг хаа, иза хуург цхьа дела бен воццушехь. Амма, 2018 шеран мартехь Европин бертан массо а мехкашкахь магош дац йохка даша долу хӀума, иза бахьнехь ламаста финнийн дашан-гӀелин ленаш а, кхин совгӀаташ, духкуш долу Керла шо доладалале, совцур йу^[5].

31 декабрехь туьканаш а, урхаллаш а болх бо йацйинчу хенаца (7:00 тӀера 18:00 кхаччалц), ткъа йукъаллин транспорт лела пӀерасканан дийнан хенаца.^[6] Хельсинкин метрополитена болх бо ши сахьт алсама кхечу деношца дуьстича, ткъа трамвайш Сенатан майда йолчохь шайн маршрут хуьйцу коьрта даздаран мероприятеш майданахь йарна, цуо шен йуьхьиг оьцу 1928 шарахь дуьйна.^[7] Ламастаца, керла шеран буьйсанца гражданаш декъала ца бо Финляндин президенто, ткъа бо Хельсинкин мэра, цуьнан вистхила берриг махкахь гойту YLE канало.

Ламаста долу керла шеран фейерверкаш нахана магадо кхийса гӀодаран гӀуллакхо бакъо йелча, иза а йуккъера майданехь а, нах бехачу меттигийн паркашкахь а ца магало (31 декабрера 18:00 тӀера 1 январан 02:00 кхаччалц)^[8][9]. Кхерамзаллин а, химикатийн а урхалла Tukes сацамца, ца магадо 18 шо кхачанза болчеран кара йала фейерверкаш.^[10] Финляндехь лелайо Tukes магийна фейерверкаш йа СЕ макировка йерш.

1 январехь йукъараллин транспорт лела кӀиран дийнан рожехь, гена лела цӀерпошт дӀайоккху, ткъа туьканаш болх ца бо. Финляндехь Керла шарна совгӀаташ далар тӀеэцна дац, хӀунда аьлча иза комаьрша дина Ӏийса пайхамар винчу дийнахь — 24 декабрехь.

Керла шеран шун Финляндехь чӀогӀа хьал долуш а дац, Ӏийса пайхамар винчу дийнахь санна, дукхах болчара тоам бо сосискех а, картолан салатах а^[11]. Молчу хӀуманах йий гӀарадаьлла ду.

• Финляндин Ӏиданаш