Австрин Керла шо

Керла шарахь Австрехь (кхин а кхечу католикийн мехкашкахь) олу — Сийлахь Сильвестран де. Сильвестр лерина австрихоша йо корица, шекар, цӀе чагӀар тухий пунш. Отелаш а, ресторанаш а кечйо баьццара базанан геннех динчу гирляндашца. Ткъа буьйса йуккъе йахча зурманийн аьзнаш хеза, цара дуьненна а хоуьйту Керла шо тӀедеаний, Ӏидан салютийн а, фейерверкийн а гӀовгӀанаш лохку Ширачу шеран зуламе синош.

Коьрта даар керла шеран австрихойн шун тӀехь — хьакхин хьрстиг йу, иза сийлалла йу керлачу шеран аьттуна. Лору, массо а хӀуман тӀехь аьтту хилийта керлачу шарахь, кӀеззига йиана а хуьрстиган корта йа цӀумар йаа йеза. Австрихоша олу цунах — «дакъа лацар хьакхин ирсехь». Шун кечдо хьакхин а, хуьрстагийн суьрташца, уьш до марципанах, балдех хьокху басарх, бедах йа шоколадах. «Ирс дахьачу даарех» шун тӀаьхь хила йеза баьццара кхоьш — ахча ца кхачадалийта, кӀон орам — могашалла хилийта. Кхин цхьа ирсан сийлалла — диъ гӀа долу клевер, иза йо Ӏаждарбецан морожених.

Цхьаьна тайпана Ӏиданехь самукъадаккхар — дашан тӀехь пал тасар. Лалийна, иза дутту шийла хичу, лалийна дашано эцна кепаца, кхел йо, хӀун хир ду кепан долахочун тӀедогӀучу шарахь. ЧӀогӀа вон хьаьрк лору терахь 13, йоккха стаг а. Малх а, ира йуьхьиг йолу шляпа а — иза доьзалехь могашалла а, бахам а бу!

ХӀу Австри йу музыка а йоцуш, бал а боцуш. Масийтта шеран дохаллехь Венин оперехь 31 декабрера 1 январан буса ловзайо гӀарайаьлла Штраус Иоганнан оперетта «Бирдолаг». Ткъа гӀарайаьллачу Хофбурган гӀалахь хуьлу Венин балаш. Оцу балашка билеташ хьалххе иэца деза, цхьана дийнахь, 2 январехь, бен ца оьцу Венин филармонис дерриг шарна заказаш.

Ӏуьйрана 1 январехь хӀусамашкахула лела бераш, цара лоькху керлачу шеран эшарш, духьала мерза хӀуманаш ло. Адамаша хуьцу кегийра шоколадан йа марципанан совгӀаташ аьттуна (Glücksbringer) хуьрстиган, дешин нахартин, туьнкалгашцӀанйечеран, клеверан йа ленийн кепара.

XIX — XX бӀешеран йуьххехь гӀарадаьлла дара керла шеран къинтӀера воккху открытка^[1]. И гӀиллакх меттахӀотто гӀерта хӀокху заман чохь а. Венехь 1990 шарахь дуьйна дӀахьо керла шеран фестиваль «Сийлахь Сильвестран тача».