Турчак, Андрей Анатольевич
Турча́к Андре́й Анато́льевич (вина 1975 шеран 20 декабрехь, ССРС , РСФСР, Ленинград) — российн пачхьалкхан а, политикин а гӀуллакххо. Республика Алтайн коьртан ханна декхарш кхочуш деш ву 2024 шеран 4 июнехь дуьйна.
Российн Федерацин Федералан гуламан Федерацин Кхеташонан председателан хьалхара гӀовс 2020 шеран 23 сентябрера 2024 шеран 5 июне кхаччалц[1]. «Цхьааллин Росси» партин Инарлин кхеташонан секретарь 2017 шеран 12 октябрехь дуьйна[2]. Российн Федерацин сенатор — Псковн областан законашдахаран Ӏедалан векал 2017 шеран 2 ноябрехь дуьйна[3].
Российн Федерацин Федералан гуламан Федерацин Кхеташонан председателан гӀовс 2017 шеран 9 ноябрера 2020 шеран 23 сентябрь кхаччалц. Псковн областан губернатор 2009 шеран 27 февралера 2017 шеран 12 октябрь кхаччалц (Псковн областан губернаторан ханна декхарш кхочуш дийриг 2009 шеран 16 – 27 февраль, 2014 шеран 27 февралера 25 сентябрь кхаччалц). Цхьааллин Российн Къона гвардин председатель (2007—2008).
Российн агрессин а, Украинин мехкан цхьалла йохайарна а гӀолацарна ву персоналан дуьненайукара санкцеш тоьхна 27 мехко ЕБ, Йоккха Британис, АЦШс, Канадас, Швейцарис, Украинас, Керла Зеландис.
Биографи
Схьавалар
Вина 1975 шеран 20 декабрехь Ленинградехь. Да — Турчак Анатолий Александрович (вина 1945), 1985 шарахь дуьйн — цхьанакхетан директор, ткъа приватизаци йинчул тӀаьхьа — «Ленинец» холдинган компанин директор[4], цуьнан говзалла йу кечйар пилотажан-навигацин а, Ӏалашонан-навигацин а комплексаш, дезачу кеманашна радараш а йар[5], Петарбухан промышленникийн а, хьуьнарчийн а президент, Петарбухан футболан федерацин президент, Российн футболан бертан кхочушдаран комитетан декъахо[6], Энергомашбанк директорийн Кхеташонан председатель[7]; 1990-гӀа шерашкахь вара Путин Владимиран «Тхан цӀа — Росси» петарбухан регионан кхеташонан боламан гӀовс[8].
Жималла
1991 шарахь дуьйна, 16 шо кхаьчначу хенахь дуьйна — муниципалан ДЮСШ олимпийн резерван «Космонавт» дзюдон тренер-хьехархо, иза лаьттара Петарбухехь Космонавтийн проспектехь. Ишколан директор вара дзюдон а, самбон а спортан говзанча Равдис Геннадий. Ишколехь болх бира 1995 шо кхаччалц.
1992 шеран апрелехь, 16 шо долуш, шен вешийца Турчак Борисца кхоьллира КъТАЙ «Фирт». Фирмин инарлин директор хилира Турчак Борис.
Къона бизнесмен
1995 шеран апреле 19 шо кхаьчна Турчак Андрей хилира веаннах цхьа йиллархо ООО «Нортия»[9].
1995 шеран 12 майхь кхоьллира йукъараллин-политикин болам «Тхан цӀа — Росси». 1995 шеран бӀаьста Андрей хилира оцу боламан декъахо. Цу тӀе цуьнан да Турчак Анатолий 1995 шеран майхь дуьйна — «Тха цӀа — Росси» боламан Петарбухан декъан кхеташонан декъахо вара.
СовгӀаташ
- «Даймехкана гӀуллакхдарна мидал II-гӀа даржан (2017-чу шеран 18-гӀа май) - баьхначу къинхьегаман кхиамна а, жигара йукъараллин гӀуллакхдарна а, дуккха а шерашкахь эхь-бехкца къинхьегам барна а.[10].
- Петарбухан 300 бӀешо кхачарна иэсан» мидал (2003).
- «ГӀирма йухайерзайарна» мидал (РФ ДМ, 2014).
- "10 шо Федералан кхелан пурстоьпийн гӀуллакхан" (2009)[11].
- «Россин чоьхьарчу гӀуллакхийн министерствона гӀо дарна» цӀе йолу совгӀат (2007).
- Петербухан кегийрхойн преми (2004).
Билгалдахарш
- ↑ Андрея Турчака избрали первым вице-спикером Совфеда. РИА Новости. ТӀекхочу дата: 2020 шеран 23 сентябрь. Архивйина 2020 шеран 24 сентябрехь
- ↑ Новая смена: Андрей Турчак перешел с поста губернатора в генсовет «Единой России» Архиван копи 2017 шеран 14 октябрехь дуьйна Интернетан архив#Проекташ, Российская газета — Федеральный выпуск № 7398 (232), 12.10.2017
- ↑ Турчак Андрей Анатольевич. Совет Федерации Федерального Собрания Российской Федерации. ТӀекхочу дата: 2019 шеран 22 июль. Архивйина 2019 шеран 22 июлехь
- ↑ Турчак Анатолий Александрович. ТӀекхочу дата: 2011 шеран 5 январь. Архивйина 2012 шеран 26 мартехь
- ↑ Холдинговая компания «Ленинец». ТӀекхочу дата: 2011 шеран 5 январь. Архивйина 2010 шеран 26 декабрехь
- ↑ Исполком. Руководство. Общая информация. Официальный сайт РФС. Официальный сайт РФС. ТӀекхочу дата: 2018 шеран 12 январь. Кху чуьра архивйина оригиналан 2018 шеран 13 январехь
- ↑ Наталья Костенко, Максим Гликин. Псковский исход. Ведомости, № 18 (2009 шеран 3 февраль). ТӀекхочу дата: 2013 шеран 27 март. Архивйина 2012 шеран 3 сентябрехь
- ↑ Владимир Прибыловский. Отставки и назначения недели. Коммерсантъ Власть, №10 (1015) (2013 шеран 18 март). ТӀекхочу дата: 2013 шеран 27 март. Архивйина 2013 шеран 24 мартехь
- ↑ Отставки и назначения. 3.03.2014. «Коммерсантъ». ТӀекхочу дата: 2022 шеран 11 июнь. Архивйина 2022 шеран 11 июнехь
- ↑ Официальный интернет-портал правовой информации. publication.pravo.gov.ru. ТӀекхочу дата: 2017 шеран 22 май. Архивйина 2017 шеран 26 майхь
- ↑ Видные государственные и общественные деятели Российской Федерации и иностранных государств, награждённые ведомственными наградами Федеральной службы судебных приставов. ТӀекхочу дата: 2011 шеран 10 февраль. Кху чуьра архивйина оригиналан 2017 шеран 13 октябрехь
Литература
- Турчак Андрей Анатольевич // Кто есть кто в Санкт-Петербурге: Биографический ежегодник. Вып. 13 / В. К. Васильев, О. С. Кузин, Ю. И. Светов, В. Б. Угрюмов — СПб..: Издательский дом «Кто есть кто в Санкт-Петербурге», 2008. — С. 418. — ISBN 978-5-9900701-5-8
Хьажоргаш
Кхин дӀа темана тӀехь
 | |
|---|---|
| Тематикин сайташ |
 |
|  | |
.svg) |
| |