Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Бречалов, Александр Владимирович

Бреча́лов, Алекса́ндр Влади́мирович (вина 1973 шеран 18 ноябрехь, п. Тлюстенхабль, Теучежан кӀоштара, Адыгейн АО, РСФСР, ССРС) — российн пачхьалкхан гӀуллакххо. Удмуртин Республикин куьйгалхо 2017 шеран 18 сентябрехь дуьйна (Удмуртин куьйгалхочу ханна декхарш кхочушдийриг 2017 шеран 4 апрелера 18 сентябрь кхаччалц). 2022 шеран сентябрехь Удмуртин куьйгалхо хаьржина шозлагӀа.

2020 шеран 7 июлехь дуьйна «Цхьааллин Росси» партин Удмуртин регионан декъан секретарь[1].

Российн Федерацин Йукъараллин палатин секретарь (2014—2017), Йукъарароссийн халкъан фронтан Йуккъера шабан сопредседатель[2], «Российн гӀортол» йукъарароссийн жима а, йуккъера а хьуьнараллин йукъараллин кхолламан хьалхара вице-президент[3].

Биографи

Бречалов Александр вина 1973-чу шеран ноябрь-беттан 18-чу дийнахь Адыгейчоьн Тлюстенхабль юьртахь. Да гӀишлошйархо ву [4].

Дешар

1994-чу шарахь Бречаловс чекхйаьккхина Краснодарера тӀеман эскаран инарла С. М. Штеменко цӀарах институт тӀех дика. 1999-чу шарахь цо чекхйаьккхира Московски пачхьалкхан юридически О. Э. Кутафинан цӀарах академи.[5].

Къинхьегаман жигаралла

Дуьххьара белхан зеделларг Бречаловс ишколехь доьшуш волуш кхаьчна Краснодарехь нах беха гӀишло йеш.[6]. 1994—1996 шерашкахь Бречаловс болх бира Чкаловн цӀарахчу гарнизонан (леррина Ӏалашонан авиацин дивизин) режиман сервисан куьйгалхочун гӀовсан даржехь. 1996—2000 шерашкахь цо болх бира ЗАО ТВ-6 Москох а, ОАО Альфа-Банк а юрист.

2001-2002 шерашкахь Бречалов вара КБ «Юниаструм Банк» (ООО) юридически декъан куьйгалхо. 2002—2003 шерашкахь цо болх бира КБ «Юниаструм Банк» (ООО) юридически департаментан директоран даржехь. 2003—2006 шерашкахь болх бира «Юниаструм Консалтинг» ООО инарла директоран даржехь, ткъа 2006—2013 шерашкахь — «ВБО Консалтинг» ООО президентан даржехь.

2007 шарера 2014 шаре кхаччалц Бречалов вара КБ «Юниаструм Банк» директорийн кхеташонан декъашхо.

2005 шарахь дуьйна Бречалов вара Краснодаран мехкан регионан филиалан куьйгалхо, 2008 шарахь дуьйна — вице-президент, 2012 шарера 2014 шаре кхаччалц — президент, 2014 шарахь дуьйна «Российн гӀортол» йукъарароссийн жима а, йуккъера а хьуьнараллин йукъараллин кхолламан хьалхара вице-президент,

Хобби

Цуьнан шовкъ йу триатлонца. 2013-чу шеран октябрь-беттан 6-чу дийнахь Барселонехь чекхйаьккхира Ironman триатлонан дистанци.[7]. 2015-чу шеран октябрь-беттан 4-чу дийнахь Калелья гӀалахь Бречалов Александра чекхйаьккхира Ironman дистанци 10 сахьт 41 минот 6 секунд жамӀца. [8].

Иштта 2015-чу шарахь А. Бречалов ведда Байкалан ша тӀера марафон[9], дакъа лаьцна ахмарафонехь «Карьяла» Карелехь[10], неканца дехьаваьлла Ийдалал «Бердаш хӀуттуш» мероприятин гуран чохь (4,7 км)[11].

2017-чу шарахь дуьйна Российн триатлонан федерацин Ӏуналлин кхеташонан куьйгалхо ву Бречалов.

Билгалдахарш

  1. ↑ Медведев вручил партбилеты ЕР главам Кузбасса, Удмуртии, Коми, Алтая и Челябинской области. ТӀекхочу дата: 2020 шеран 10 июнь. Архивйина 2020 шеран 10 июнехь
  2. ↑ Профиль на сайте ОНФ. ТӀекхочу дата: 2015 шеран 22 февраль. Архивйина 2015 шеран 23 февралехь
  3. ↑ Профиль на сайте Опора России Архиван копи 2015 шеран 23 февралехь дуьйна Интернетан архив#Проекташ
  4. ↑ Глава УР – Бречалов, Александр Владимирович. Официальный сайт Главы Удмуртской Республики и Правительства Удмуртской Республики. ТӀекхочу дата: 2022 шеран 31 январь. Архивйина 2022 шеран 31 январехь
  5. ↑ Бречалов Александр Владимирович биография и пресс-портрет. whoiswho.dp.ru. ТӀекхочу дата: 2022 шеран 31 январь. Архивйина 2022 шеран 31 январехь
  6. ↑ Ирина Бурцева. Александр Бречалов рассказал о воспитании детей, новогодних традициях и первом впечатлении от Ижевска. КП–Ижевск (2017 шеран 30 декабрь). ТӀекхочу дата: 2022 шеран 31 январь. Архивйина 2022 шеран 13 февралехь
  7. ↑ О покорении триатлонской дистанции «IronMan». Сайт ОНФ. ТӀекхочу дата: 2015 шеран 23 февраль. Архивйина 2015 шеран 23 февралехь
  8. ↑ Александр Бречалов снова покорил Ironman — 2015 — Новости Палаты — Пресс-центр. ТӀекхочу дата: 2016 шеран 8 сентябрь. Архивйина 2016 шеран 20 сентябрехь
  9. ↑ Александр Бречалов пробежал XI Байкальский ледовый марафон | Общероссийский Народный Фронт. ТӀекхочу дата: 2016 шеран 8 сентябрь. Архивйина 2016 шеран 15 сентябрехь
  10. ↑ Бречалов поддержал Фестиваль бега "Полумарафон «Карьяла» в Карелии | Общероссийский Народный Фронт. ТӀекхочу дата: 2016 шеран 8 сентябрь. Архивйина 2016 шеран 15 сентябрехь
  11. ↑ Бречалов участвовал в массовом заплыве через Волгу в Ульяновске вместе со спортсменами. ТӀекхочу дата: 2016 шеран 8 сентябрь. Архивйина 2016 шеран 21 сентябрехь

Хьажоргаш

Кхин дӀа темана тӀехь

Категореш