Коков, Казбек Валерьевич
Казбек Валерьевич Коков (гӀебарт.-чергаз. КӀуэкӀуэ Валерэ и къуэ Къазбэч; 1973 шеран 20 июль, ШолгӀа Лескен, ГӀебартойн-Балкхаройн Автономин Советийн Социалистийн Республика) — российн пачхьалкхан гӀуллакххо. ГӀебартойн-Балкхаройн Республикин корта 2019 шеран 3 октябрехь дуьйна (хдкх 2018 шеран 26 сентябрь — 2019 шеран 3 октябрь)[1].
«Цхьааллин Росси» партин гӀебартойн-балкхаройн регионан декъан секретарь 2019 шеран 6 ноябрехь дуьйна[2].
Биографи
Коков Казбек вина 1973 шеран 20 июлехь ГӀебартойн-Балкхаройн Респуликин хьалхарчу президентан Коков Валерийн доьзалехь. Къоман гӀебартло. Чекхйаьккхина ГӀебартойн-Балкхаройн агромелиоративни институт говзаллица «Ӏилман агроном».
- 1995 шарахь дуьйна — ОАО «„Нальчикан“ хьовлан заводан» коммерцин а, йукъара хеттарийн а инарлин директоран гӀовс.
- 2002 шарахь дуьйна — ОАО «Каббалкресурсын» инарлин директор.
- 2003 - 2007 шеракахь — Нальчикан гӀалин меттигера ша шенан Кхеташонан депутат.
- 2009 шеран мартехь — хаьржина ГӀебартойн-Балкхаройчоьнан парламентан депутат. ГӀБР парламентехь аграрийн политикин а, Ӏаламлелоран комитетан декъахо хилла.
- 2010 шеран 16 декабрехь Коков хӀоттийна ГӀБР йуьртан бахаман а, дааран сурсатийн а министран гӀовс.
- 2013 шеран апрелера – 2018 шеран 26 сентябрь кхаччалц — Российн президентан чоьхьара политикин урхаллин регионан блокан хьехамча, Къилбаседа-Кавказан регионан куратор.
ГӀебартойн-Балкхаройн Республикийн корта
2018 шеран 26 сентябрехь хӀоттийна ГӀебартойн-Балкхаройн Республикин коьртан ханна декхарш кхочуш дийриг.
Белхан приоритетан агӀо Коковс меттигера бизнес йу аьлла, инвистицийн климат гӀоле йар а, кегийрхошна социалан лифташ йар а йу аьлла. Регионан куьйгалхочун хетарехь, къона говзанчаш хилла бовлар чогӀа ладаме ду[3].
Коковс билгала доккхура, ша боккха лерамца хьоьжу хьалхалерачу чкъоьран куьйгалхойн тӀаьхьене, царна йукъахь цуьнан да а ву. ТӀаккха а, иза ца кхоьру дустарх, цуьнан дешнашца, кийча ву болх бан керлачу хьелашца, хуьлуш йолу процессаш а лоруш[4].
Instagram платформин тӀаьхь Коковс лелайо шен долара блог, цуьнан ву 180 000 тӀейазвелла стаг[5].
2019 шеран 3 октябрехь ГӀебартойн-Балкхаройчоьнан парламентан депутаташ цхьа дуьхьала воцуш кхаж тесира Коковна республикин коьртан йуьззина бакъонаш луш 5 шарна.
2020 шеран 27 январера 21 декабрь кхаччалц — Российн Федерацин Пачхьалкхан Кхеташонан президиуман декъахо[6][7].
2023 шеран октябрехь Российн президента Путин Владимир цхьаьна кхийтира Коковца, цуо дийцаре даьккхира цуьнца республикин социалан-экономикин кхиар. Пачхьалкхан коьрто тӀедиллира Коковна Украинера башха тӀеман операцин декьахойн доьзалашна гӀодар, башха тидам тӀебахийтар СВО декъахойн берашна. Путина тидам тӀебахийтира Коковн ГӀБР берийн бешашкахь меттигаш ца тоарна, амбулаторин-поликлиникийн маша кхиоран иэшамашна. Дерриг схьаэцча президенто жамӀ дира, ГӀебартойн-Балкхаройчохь пачхьалкхо жоп лучу коченехь кхин а шортта болх бу аьлла[8].
2024 шеран 26 июлехь «Цхьааллин Российн» Инарлин кхеташоно йуха а кховдийра РФ президентан Путин Владимирна Коковн кандидатура ГӀебартойн-Балкхаройчоьнан коьртан дарже[9].
Доьзал
Зуда йалийна ву. Зуда — Лиана Руслановна, Нальчикера пачхьалкхан университетера къинхьегмаман бакъонан хьехархо. Доьзалехь шиъ йоӀ йу, йоккхаха йерг — Виолетта, 2001 шарахь йина йу[10].
Санкцеш
2023 шеран 24 февралехь АЦШ пачхьалкхан департаменто Коков йукъатоьхна америкин санкцийн исписке[11][12].
Билгалдахарш
- ↑ В КБР Казбек Коков сменит Юрия Кокова. vesti.ru. ТӀекхочу дата: 2018 шеран 26 сентябрь. Архивйина 2018 шеран 26 сентябрехь
- ↑ Региональное отделение "Единой России" в КБР возглавил глава республики Коков. ТАСС (2019 шеран 6 ноябрь).
- ↑ Эксперт: Коков позиционирует себя в качестве лоббиста интересов жителей КБР. Взгляд. ТӀекхочу дата: 2019 шеран 5 март. Архивйина 2019 шеран 6 мартехь
- ↑ Врио главы КБР: нужно акцентировать внимание на создании социальных лифтов. ТАСС. ТӀекхочу дата: 2019 шеран 5 март. Архивйина 2019 шеран 6 мартехь
- ↑ Казбек Коков. Глава Кабардино-Балкарской Республики
- ↑ Распоряжение Президента Российской Федерации от 27.01.2020 г. № 10-рп «О президиуме Государственного совета Российской Федерации». ТӀекхочу дата: 2020 шеран 3 апрель. Архивйина 2020 шеран 25 мартехь
- ↑ Распоряжение Президента Российской Федерации от 21.12.2020 № 310-рп ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. ТӀекхочу дата: 2020 шеран 29 декабрь. Архивйина 2021 шеран 10 январехь
- ↑ Коммерсантъ, 23 октября 2023. Путин: о детях участников СВО надо заботиться так же, как о своих
- ↑ Генсовет ЕР предложил президенту кандидатуры на посты глав трех регионов, Известия (2024, 26 июль). Дата обращения: 26 июлехь 2024.
- ↑ Елена Самойлова. Валерий Коков: живу с думой о своем народе. Коммерсантъ (2003 шеран 28 апрель). ТӀекхочу дата: 2018 шеран 28 октябрь. Архивйина 2018 шеран 29 октябрехь
- ↑ The United States Takes Sweeping Actions on the One Year Anniversary of Russia’s War Against Ukraine. United States Department of State (2023 шеран 24 февраль).
- ↑ Госдеп США ввел санкции против глав Кубани и Адыгеи. Коммерсантъ (2023 шеран 24 февраль). ТӀекхочу дата: 2023 шеран 28 февраль.
Хьажоргаш
- Казбек Коков на сайте kbr.ru.
Кхин дӀа темана тӀехь
 |
|  | |