Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Коновалов, Валентин Олегович

Конова́лов Валенти́н Оле́гович (вина 1987 шеран 30 ноябрехь, Охотскехь, Хабаровскан мохк, РСФСР, ССРС) — российн пачхьалкхан гӀуллакххо. Республика Хакасин куьйгалхо 2018 шеран 15 ноябрехь дуьйна[1].

undefined

Биографи

Коновалов Валентин вина Охотск гӀалахь (Хабаровскан мохк) инженерийн доьзалехь[2]. Деца, ненаца кхелхина Норильске, цигахь 2005 шарахь чекхйаьккхира детин мидалца № 5 йолу гимнази, цул тӀехьа хӀоьттина Хакасин пачхьалкхан Н. Ф. Катановн цӀарах университетан юридически факультете. Дешаран муьрехь юрисдикцин зеделларг карадерзорхьама, Коновалов суьдан кхеташонашкахь хилла[3].

2007 шарахь Коновалов дӀакхийтира КПРФ. 2009-чу шарахь комсомоле а вахана, 2012-гӀа шо кхаччалц комсомолан Хакассерчу отделан хьалхара секретарь вара иза. 2010 шарахь дуьйна ВКП(б) Хакассин областан декъан бюрон декъашхо. Коноваловн университет дикачу балхаца чекхъяьккхина цо 2010-чу шарахь пачхьалкхан бакъонан говзалла а йолуш. Цо кхидӀа а аспирантура дӀаяьхьира «Пачхьалкхан а, бакъонан а теори а, истори а; юридически доктринийн истори».

2011-чу шарахь дуьйна Коноваловс болх бира «Правда Хакасии» газетехь юрисдикцин консультант, РФ-н Хакасерчу декъан юридически сервисан куьйгалхо. 2011 шарера 2013 шаре кхаччалц иза вара Хакасин Республикин харжамийн комиссин декъашхо, 2013 шарера 2018 шаре кхаччалц, Абакана гӀалин Кхеташонан депутат вара; 2014 шарахь Коновалов хаьржира Абаканан меттигерчу декъан РФЦК Комитетан хьалхара секретарь.[4].

2015а шарахь дуьйна — РФКП Хакассерчу декъан шолгӀа секретарь. 2018-чу шеран мартехь хаьржира РФКП Хакассин кӀоштан декъан комитетан хьалхара секретарь.[5]. 2018-чу шеран 9-чу сентябрехь дуьйна 28-чу ноябрь кхаччалц — Республика Хакасин Лакхара Кхеташонан депутат. 2018-чу шарахь ноябрь-баттахь Хакасин куьйгалхочун дарже хаьржинчул тӀаьхьа хенал хьалха депутатан дарж дитира Коноваловс[6].

2018 шеран 15 ноябрехь - Республика Хакасин куьйгалхо - Республика Хакасин Правительствон председатель. Пхеа шарна республикин куьйгалхо хаьржина.

Регионийн куьйгалхойн къоман рейтинг

2022 шеран ноябрехь Коноваловс тӀаьххьара меттиг дӀалаьцна Российн Федерацин хӀоттаман субъектийн куьйгалхойн тептаран рейтингехь, иза хӀоттийна Политикин а, экономикин а коммуникацийн агенталло. АТЭС-о мах хадийра Российн регионийн куьйгалхоша а, церан регионийн политикаша а федералан Ӏедалшна бечу тӀеӀаткъаман.[7].

Санкцеш

2023-чу шеран февраль-беттан 24-чу дийнахь Америкин Цхьаьнатоьхначу Штатийн Пачхьалкхан департаменто Коновалов йукъаваьккхина санкцийн тептаре.[8][9]. 2023-чу шеран апрель-беттан 1-ра де йукъадаьккхина Украинин санкцийн тептаре[10].

Доьзал

Зуда — Светлана. Шина йоьӀан а, кӀентан а да. Хобби истори а, спорт а йу[11][12].

СовгӀаташ

Билгалдахарш

  1. ↑ Коновалов вступил в должность главы Хакасии. РИА Новости. ТӀекхочу дата: 2018 шеран 15 ноябрь. Архивйина 2018 шеран 22 декабрехь
  2. ↑ Стали известны подробности личной жизни нового главы Хакасии(оьр.). Архивировано 12 ноябрехь 2018 года. Дата обращения: 12 ноябрехь 2018.
  3. ↑ Биография, доходы и личная жизнь Валентина Коновалова - Свободная Пресса - Биография. Личная жизнь. Доходы. Факты Биографии. - Свободная Пресса. svpressa.ru. ТӀекхочу дата: 2020 шеран 7 сентябрь. Архивйина 2020 шеран 16 июлехь
  4. ↑ Коновалов Валентин Олегович — КОММУНИСТИЧЕСКАЯ ПАРТИЯ РОССИЙСКОЙ ФЕДЕРАЦИИ. ТӀекхочу дата: 2020 шеран 7 сентябрь. Архивйина 2020 шеран 9 июлехь
  5. ↑ Глава Республики Хакасия. https://r-19.ru/. Правительство Республики Хакасия (2018 шеран 4 август). ТӀекхочу дата: 2019 шеран 9 октябрь. Архивйина 2019 шеран 26 декабрехь
  6. ↑ Прекращены депутатские полномочия коммуниста, ставшего главой Хакасии. ИА REGNUM. ТӀекхочу дата: 2022 шеран 9 январь. Архивйина 2019 шеран 6 апрелехь
  7. ↑ manager. Рейтинг влияния глав субъектов РФ. Российские регионы и региональная политика в ноябре 2022 года(бил-боцу.). Региональные комментарии (2022 шеран 7 декабрь). ТӀекхочу дата: 2023 шеран 12 февраль. Архивйина 2023 шеран 12 февралехь
  8. ↑ The United States Takes Sweeping Actions on the One Year Anniversary of Russia’s War Against Ukraine. United States Department of State (2023 шеран 24 февраль).
  9. ↑ Госдеп США ввел санкции против глав Кубани и Адыгеи. Коммерсантъ (2023 шеран 24 февраль). ТӀекхочу дата: 2023 шеран 28 февраль.
  10. ↑ КОНОВАЛОВ Валентин Олегович - биография, досье, активы. Война и санкции. ТӀекхочу дата: 2023 шеран 18 апрель.
  11. ↑ Коммерсантъ, 25 сентября 2018. Чем известен Валентин Коновалов
  12. ↑ Стали известны подробности личной жизни нового главы Хакасии(бил-боцу.). www.19rus.info. ТӀекхочу дата: 2022 шеран 9 январь. Архивйина 2022 шеран 9 январехь
  13. ↑ Рустам Минниханов встретился с главой Республики Хакасия Валентином Коноваловым. Президент Республики Татарстан (9 сентября 2021). ТӀекхочу дата: 8 сентября 2021. Архивйина 2021 шеран 11 сентябрехь

Хьажоргаш

Кхин дӀа темана тӀехь

Категореш