Леон Сатурн

• 1946—1950 — «Снайпер»
• 1951—1957 — «Крылья Советов»
• 1958—1959 — «Труд»
• 1960 — 2002 шеран 11 февраль кхаччалц, 2004 шеран 27 январера —2023 шеран 20 июль кхаччалц — «Сатурн»
• 2002 шеран 12 февралера — 2004 шеран 26 январь кхаччалц — «Сатурн-REN TV»
• 2023 шеран 21 июлехь дуьйна — «Леон Сатурн»^[5]

1999—2010 шерашкахь официалан цӀе йара «Сатурн» (Москохан область) а, «Сатурн — REN TV» (Москохан область) а.

Футболан клуб кхоьллина 1946 шарахь цӀе «Снайпер» йолуш. Иза йира Раменски гӀирсабаран заводан базин тӀаьхь. 1951 - 1957 шерашкахь лелийна «Крылья Советов» цӀе, 1958 - 1959 шерашкахь — «Труд»^[6][7]. 1987 шарахь, 1986 шеран Москохан областан чемпион санна, «Сатурн» йукъатоьхна РСФСР хьалхейаккхаран «Йукъ» зонин. Командо турнир йаккхира, иштта бакъо йелира союзан шолгӀа лигехь ловза, кхин а 1987 шарахь иттолгӀа Москохан областан чемпион хилира^[8].

1988 шарахь клубан дебют хилира шолгӀа лигехь, цигахь левзира 6 шарахь (1990—1991 — ССРС шолгӀа лахара лигехь, 1992 шарахь — Российн шолгӀа лигехь). 1994 шо «Сатурно» даьккхира кхоалгӀа лигехь, ткъа 1995 шарахь дика левзира шолгӀачу, хьалайелира хьалхарчу лиге, цигахь левзира кхаа шарахь. 1998 шарахь хьалхара дивизионехь толам баьккхина, команда йуха шарахь дуьйна Премьер-лигехь (Лакхара дивизионехь) ловза йолайелира, цигахь даьккхира 12 шо 2010 шо кхаччалц. 2008 шарахь команда левзира Интертотон кедехь^[6][7].

2008 шеран декабрехь «Сатурн» вовшахтоха магара ФК «Химки» (Москохан областан Ӏедалан официалан хаамаехь иза доьзна дара финансийн халонашца регионехь, иза йинера экономикин къоьлло)^[9], амма «Химкашна» делира элитин дивизионехь ловззал ахча^[10].

2011 шеран январехь «Сатурн» шен лаамца арайелира Премьер-лигера банкрот хиларна, декхар 1 миллиард сов сом дара, Премьер-лигехь «Сатурнан» меттиг дӀалецира ФК «Краснодаро»^[11].

Ловзархой-рекордсменаш

Левзина матчашца клубан рекордсменаш Ловзархо Матчаш Антонин Кински 186 Алексей Игонин 147 Пётр Немов 114 Сергей Рогачёв 114 Андрей Каряка 112 Алексей Медведев 110 Дмитрий Кириченко 103 Руслан Нахушев 97 Алексей Иванов 96 Валерий Чижов 96

Клубан исторехь уггаре дика бомбардираш Ловзархо Голаш Сергей Рогачёв 32 Дмитрий Кириченко 31 Алексей Медведев 30 Марко Топич 20 Андрей Каряка 18 Андрей Мовсесьян 15 Пётр Быстров 13 Валерий Кечинов 13 Самир Муратович 11 Эдгарас Чеснаускис 10

1999-2000 шерашкахь шолгӀачу дивизионан «Малхбузе» зонехь Раменскин «Сатурн» резерван тоба ловзуш йара «Сатурн»-2 цӀарца. 2001 шарахь дуьйна иза ловза йолавелира кхоьллинчу лакхара дивизионан дублёрийн турнирехь, ткъа цул тӀаьхьа - кегийрхойн чемпионатехь («Сатурн»-д а, «Сатурн»- кег.; 2004 шарахь - 2-гӀа меттиг, 2009 шарахь - 3-гӀа).

2004 шарахь Сатурнан фарм-клуб хилла — шолгӀачу дивизионан «Йукъ» зонера команда «Космос» Егорьевск, хьалха цо иштта гойтуш йара Долгопрудни а, Электросталь а, цуьнах «Сатурн» ала долийна, 2008 шарахь дуьйна - «Сатурн-2», цхьана ханна иза бух болуш хилла Жуковскехь а, 2010-гӀа шераш дуьйлалуш дуьйна Раменски гайта йолайелира.