Машук-КМВ

Пятигорскехь, Георгиевскехь, Кисловодскехь, Ставрополехь дуьххьарлера командаш йукъайевлла лору 1910 - 1914 шерийн муьрехь.

Хууш ду Пятигорскан тобанан дуьххьарлера матч 1920 шеран 30 майхь хилла хилар. Цул тӀаьхьа Пятигорскерчу тобано эшийра Кисловодск гӀалара тоба - 1:0. Оццу шарахь хилира Къилбаседа Кавказан кӀоштан чемпионат, цигахь Пятигорскан тобано 3-гӀа меттиг йаьккхира (1-ра — Майкоп, 2-гӀа — Дон-тӀера-Ростов)

1922 шарахь Къилбаседа Кавказан гулйина тобанан декъашхой ловзуш бара Пятигорскера футболхой.

1925 шарахь Пятигорска командаш левзира Ставрополан лигехь.

Оццу шарахь 10 майхь дӀайиллира «ЦӀен стадион». Оцу хенахь Пятигорскехь дӀахьора бӀаьстенан а, гуьйренан а хьалхейахарш.

XX бӀешеран 20-гӀа шераш чекхдовлуш дуьйна 30-гӀа шераш йуккъе даххалц Пятигорск ловзуш йара Къилбаседа Кавказан мехкан а, Динамон а чемпионаташкахь.

Иштта 1931 шарахь кхоалгӀачу «Динамон» чемпионатан финалехь «Дон-тӀера-Ростовс» эшийра Пятигорск 2:1, амма пятигорскхоша реплей дӀайахьар доьхура. Реплей хилира сентябрь-беттан 1-чу дийнахь Ростов-тӀерачу гӀалахь. Матчийн жамӀ хууш дац.

1932 шарахь Къилбаседа Кавказан регионан чемпионатехь Пятигорска эшийра Краснодар — 6:0, ткъа Соьлжа-ГӀала — 6:1. Пятигорск чемпионатехь толамхо хилира, Дон-тӀера-Ростов 3:1 эшош, бакъо йелира РСФСР чемпионатехь ловза, цигахь цара эшийра Сталинградан - тоба 6:0, Симферополан тоба - 5:1, амма эххар а уьш чемпионатера дӀабехира, 1/4 финалехь эшна Москохан тобанна - 1:5.

1933 шарахь «Динамон» пхоьалгӀачу хьалхейаккхарехь Пятигорско эшийра Дон-тӀера-Ростов 7:0.

«Машук-КМВ» футболан клуб кхоьллина шо 1936-гӀа шо лоруш ду, амма ша клуб 20-чу шерашкахь кхоьллина йу боху. Цул тӀаьхьа «Динамо» аьлла цӀе тиллира тобанна. ХӀетахь дуьххьара гӀоьртира команда ССРС чемпионатехь ловза.

1936 шарахь футболех ловзаран ССРС чемпионатехь ша йукъайаьллачу хенахь пятигорскан «Динамо» ловзуш йара хьалха бӀаьста «Г» тобанехь (4-гӀа ницкъашца), цигахь йаьккхира кхоалгӀа меттиг. ТӀаккха гурахь «В» тобанехь (3-гӀа ницкъашца). ССРС Кад къовсарехь «Динамос» Москохахь эшийра «Союзан йоьалгӀа команда» ЦДКА чоьтаца 1:2.^[1]
Амма ийшира москохан «Торпедон»^[2], йаьккхира тӀаьххьара меттиг чемпионатехь, пятигорскан «Динамо» арайелира Союзан чемпионатера.

«Динамо» 30 шо хан йелира чемпионате йухайерзале. Оццу хенахь, Пятигорскерчу машенашйаран заводера (хӀинца Пятигорсксельмаш) нах ловзуш хиларна, «Машиностроитель» аьлла, тобанан цӀе хийцира. Ткъа цул тӀаьхьа Труд стадион схьайиллира.