Ангушт (футболан клуб)

Ангушт
Кхоьллина	1993; 2007 (йуха кхоьллина)
дӀасахецна	2006
Стадион	Йуккъера Аушев Рашидан цӀарах стадион, Несара
Чухоам	3500
Ген. директор	Беслан Илиев (и. о.)
Коьрта тренер	Мархиев Ӏийса
Капитан	Ахильгов Ӏабдулхьамид
Сайт	fc-angusht.ru
2024	11-гӀа меттиг тобанехь 1
Коьрта форма ХьошалгӀахь форма
Карара хӀоттам

«Ангу́шт» — Несарара российн футболан клуб, лаьттина 1993 - 2006 шерашкахь, йуха кхоьллина 2007 шарахь.

Истори

ФК "Ангушт" кхоьллина 1993-чу шарахь. Цу хиламна хьалха ГӀалгӀайчоьнан Пачхьалкхан спортан комитетан жоьпаллин белхахочун Мальсагов Даудан а, Маьлхабекан администрацин куьйгалхочун Мержоев ИсмаьӀалан а инициатива йара, оцу ойланца ГӀалгӀайчоьнан президентана Р. Аушев тӀебахара. «Ангушта» кхоьллина официалан 1993-чу шеран декабрь беттан 20-гӀа де лоруш ду. Оцу дийнахь цуьнца догӀуш долу омра а делира.

Команда кхоллар дӀахьош вара коьрта тренер Куриев Тимура а, жигара футболан арбитр хилла Мальсагов Дауда а. Команде кхайкхина бара Суворов Александр, Албаков Беслан, Мархиев Ӏийса, Дзейтов Адам, Гурижев Юрий, Хасханов Мохьмад, Ужахов Казбек, Ториев Казбек.

1994 шарахь 'Ингушетия цӀе йолу команда дӀакхийтира кхоалгӀачу лигин шолгӀачу зонехь йолчу тобанашна йукъара чемпионатехь. Чемпионат чекхйолуш «Ингушетино» 8-гӀа меттиг яьккхира 17 тобанах. Уггаре а дукха гол тоьхнарг вара Мархиев Ӏийса, цо 9 гол тоьхна. 1995-чу шарахь дуьйна цу тобанан цӀе «Ангушт» йу. Цул тӀаьхьа цхьана шарна команда Маьлхбик гӀала дӀайахара, амма цул тӀаьхьа Несара гӀала йухаеара.

1995/96 шерашкахь Россин Кедехь команда 1/16 финале кхаьчна, цигахь 1:0 гайтамца эшийра коьрта лиган «Ростсельмаш» команда. КхоалгӀачу лигехь «Ангушта» шолгӀа меттиг а йаьккхина, шолгӀачу лиге хьалайаьлла, цигахь 7-гӀа меттиг а йаьккхина. Команде баьхкира Ю. Гугуев, вежрийн Александр а, Валерий а ГорошинскийгӀар, Тимур а, Зеламха а ЗангиевгӀар, А. Даурбеков. Топ-бомбардир - Мархиев Ӏийса - 13 гол.

1997 шарахь Мархиев Ӏумар а, виъ гуьржийн легионер а Хеладзе Ника, Чкония Владимир, Шекриладзе Александр, Балашвили Георгий а кхаьчна, тобано 11-гӀа меттиг дӀалаьцна. Уггар дукха гол тоьхнарг ву йуха а Мархиев Ӏийса, цо 11 гол тоьхна. 1998 шарахь Ангуште баьхкира Идигов Руслан, Цуцулаев Рамзан, Джабраилов Тимур, Магомаев Мохьмад, командано шолгӀа меттиг йаьккхира. Зонехь уггаре а дукха гол тоьхнарг вара Гугуев Юсуп, цо 29 гол тоьхна.

1999-чу шарахь коьрта тренер Куриев Тимур дӀавахара, цу дарже хӀоттийра Мархиев Ӏумар. Баьхкинера Илиев Беслан, Ахильгов Ӏабдулхьамид, Ризван Садаев, Аушев Апти, Гелиханов Мохьмад, Келигов Ваха. «Ангушта» 6-гӀа меттиг дӀалаьцна, зонан а, клубан а тоьлла бомбардир Мархиев Ӏийса вара - 34 гол. 2000-чу шарахь «Ангушта» 3-гӀа меттиг дӀалаьцна. Гугуев Юсуп «Къилбаседа» зонехь 30 гол а тоьхна, уггаре дика бомбардир хилла дӀахӀоьттира.

2001-чу шарахь тобанера цхьа могӀа хьалхара ловзархой дӀабахара: Р. Идигов, Ӏ. Байтиев, Т. Джабраилов, М. Магомаев, Р. Садаев, Р. Цуцулаев, кхин берш а. Шо доьдуш Мархиевн метта Каюшников Борис хӀоттийра. Командано 8-гӀа меттиг йаьккхира. Гугуев а, Мархиев а уггаре а дика бомбардираш хилира, хӀораммо а 19-19 гол а тоьхна. 2002-чу шарахь Ханкаров веира. "Ангушт" 7-гӀа меттиг йаьккхира. Уггаре а дика бомбардир хилира С.-Х. Ханкаров - 8 гол.

2003 шо долалуш «Ангуштан» куьйгаллехь а, ловзаран штабехь а радикалан хийцамаш хилира: спонсорша ахча ца далар бахьана долуш а, цхьа могӀа кхин бахьанашца а коьрта тренер Каюшников а, Мархиев а, Гугуев а, Сайдахмедов а, доккхачу декъанна «Ангуштан» тоба къастийна. Куриев йуха а хӀоттийра коьрта тренер. Командо шен коьрта тренер воцуш чекхдаьккхира шо, иза велира октябрь беттан 13-14-чу буса машенан бохамехь. "Ангушт" йалхалгӀачу меттехь йара, 38 матч а йина. 2004 шеран чемпионат йолалуш хьалха хилла лидерш йухабирзира Ангуште, амма клубо 8-гӀа меттиг йаьккхира. Клубан уггаре а дика бомбардир вара З. Зангиев - 9 гол. ДӀадаханчу шарахь йолаелла тренерийн хаос кхидӀа а Ӏаткъам бира 2005 шеран йуьххьехь. Амма цул тӀаьхьа и тоба «ГӀалгӀаймехкдаьттагазпром» концернан Ӏуналле йелира, цуьнан куьйгалхо Мухиев Мохьмад вара, иза иштта клубан президент а вара. Йуха а коьрта тренер хӀоттийра Мархиев Ӏумар, цуьнца цхьаьна команде йухабирзира цхьа могӀа говзанчаш. Команда йуьзира турслошца Рамазанов Алиханца а, Зимулька Константинаца а, кевнахочо Захаров Денисаца а.

2006 шарахь Волгоградера Роторца а, Пятигорскера Машук-КМВ-ца а луьра къовсамехь чемпионат чекхйалале цхьа раунд йисча, командин Ӏалашо кхочушйира хьалхара дивизионе кхача. Клубан уггаре а дукха голаш йиттинарг ву Ю. Гугуев — 15 гол. Хьалхарчу дивизионехь шайн дебют йан кечам беш, Ангушто шен дукхах йолу могӀарш ларйира. Ши эцар хилира: цӀавогӀуш волу Фоменко Олег а, Евменьев Евгений а, ткъа иштта меттигера къона ловзархой Цуроев Ислам а, Барахоев Ахьмад а. Ловзучу хенахь кевнахо Исмаилов Адам кхечира. ТӀелетаран могӀа хӀинца а клубан легендех Мархиев Ӏийсах а, Гугуев Юсупах а лаьтташ бара. Цара 359 (208+151) гол тоьхна. Шо долалуш, кхиам боцуш старт йинчул тӀаьхьа, шен дарж дитира Мархиев Ӏумара. Коьртачу тренеран декхарш тӀедиллира лакхарчу тренерна Мархиев Джамална, иза 31 июль кхаччалц оцу даржехь вара, ткъа 1 августехь дуьйна коьрта тренер хӀоьттира Мархиев Ӏийса. "Ангушт", тӀаьххьара 22 меттиг а йаьккхина, охьйелира хьалхара дивизинера. Клубан бомбардир вара М. Хасханов (7 гол).

Ловзаран жамӀаш

Шо	Лига/Дивизион	Меттиг	Кад	Билгалдахарш
1994	КхоалгӀа лига, зона 2	8-гӀа 17-х	—
1995	КхоалгӀа лига, зона 1	2 ! из 15	1/8	ШолгӀа лиге йалар
1996	ШолгӀа лига, зона «Малхбузе»	7-гӀа 20-х	1/256
1997	ШолгӀа лига, зона «Малхбузе»	11 из 20	1/128
1998	ШолгӀа дивизион, зона «Къилбе»	2 !-гӀа 21-х	1/256
1999	ШолгӀа дивизион, зона «Къилбе»	6-гӀа 19-х	1/64
2000	ШолгӀа дивизион, зона «Къилбе»	3 !-гӀа 20-х	1/256
2001	ШолгӀа дивизион, зона «Къилбе»	8-гӀа 20-х	1/256
2002	ШолгӀа дивизион, зона «Къилбе»	7-гӀа 21-х	1/256
2003	ШолгӀа дивизион, зона «Къилбе»	8-гӀа 20-х	1/256	«Ангушт-2-Нефтяник» Маьлхбик — КФК хьалхейаккхарехь
2004	ШолгӀа дивизион, зона «Къилбе»	8-гӀа 17-х	1/64
2005	ШолгӀа дивизион, зона «Къилбе»	1 !-ра 13-х	1/128	Хьалхара дивизионе йалар	«Ангушт-2» — ЙФЛ хьалхейаккхарехь
2006	Хьалхара дивизион	22-гӀа 22-х	1/16	Хьалхара дивизионера охьайалар. ПФЛ охьайала

Российн хьалхейаккхарехь 2007 а, 2008 а шерашкахь «Ангушта» дакъа ца лецира финансаш ца хиларна, дакъа лецира «КъФГ» зонин йезархойн лигин хьалхейаккхарехь «Онгушт» цӀарца. 2009 шарахь, аьттонца лицензех чекхйаьлла, иза йукъайицира шолгӀа дивизионан «Къилбе» зоне «Ангушт» цӀарца.

Шо	Лига/Дивизион	Меттиг	Кад	Билгалдахарш
2007	ЙФЛ хьалхейаккхар, «КъФГ» зона	7-гӀа 11-х	—
2008	ЙФЛ хьалхейаккхар, зона «КЪФГ»	13-гӀа 14-х	—	ШолгӀа дивизионе хьалайалар
2009	ШолгӀа дивизион, зона «Къилбе»	16-гӀа 18-х	1/512		«Ангушт-2 РС ДЮСШ», «Назрань» («Ангушт-2»), «РСДЮСШ-Ингушетия» Маьлхбик/ «РСДЮСШ-Ангушт-2» Маьлхбик — ЙФЛ/ЙФК/III див. хьалхейаккхар
2010	ШолгӀа дивизион, зона «Къилбе»	10-гӀа 17-х	1/64
2011/12	ШолгӀа дивизион, зона «Къилбе»	7-гӀа 18-х	1/256
2012/13	ШолгӀа дивизион, зона «Къилбе»	1 !-ра 17-х	1/256	ФКъЛ хьалайалар
2013/14	Хьалхара дивизион	19-гӀа 19-х	1/16	ПФЛ охьайалар
2014/15	ПФЛ хьалхейаккхар, зона «Къилбе»	12-гӀа 18-х	1/128
2015/16	ПФЛ хьалхейаккхар, зона «Къилбе»	5-гӀа 14-х	1/128
2016/17	ПФЛ хьалхейаккхар, тоба «Къилбе»	13-гӀа 16-х	1/128
2017/18	ПФЛ хьалхейаккхар, тоба «Къилбе»	15-гӀа 17-х	1/64
2018/19	ПФЛ хьалхейаккхар, тоба «Къилбе»	14-гӀа 15-х	1/256	Йезархойн тӀегӀане охьайалар
2019	III дивизион (ЙФК), зона «КъФГ/КъСКФГ»	6-гӀа 9-х	—
2020	III дивизион (ЛФК), зона «КъФГ/КъСКФГ»	2 !-гӀа 7-х	—
2021	III дивизион (ЙФК), зона «КъФГ/КъСКФГ»	2 !-гӀа 10-х	—

Кхиамаш

Хьалхара дивизион/ФКъЛ

• 19-гӀа меттиг: 2013/14

ШолгӀа дивизион (зона «Къилбе»)

• Толамхо: 2012/13

Российн кад

• Финалан 1/16: 2013/14

ЦӀераш

• 1993—1994: «Ингушетия»
• 1995: «Ангушт» (Маьлхбик)
• 1996—2006: «Ангушт» (Несара)
• 2007—2008: «Онгушт»
• 2009 шарахь дуьйна: «Ангушт»

Клубан беснаш

КӀайн

Баьццара

ГӀарабевлла ловзархой

Адиев Мохьмад Ахильгов Ӏабдулхьамид Георгий Балашвили Басханов Ислам Валерий Горошинский Гугуев Юсуп Джабраилов Тимур Роман Евменьев Зангиев Тимур Идигов Руслан Исмаилов Адам Мазаев Муса Мархиев Ӏийса

Мархиев Ӏумар Мерешков ИбрахӀим Константин Поддуев Оздоев Мохьмад Ризван Садаев Александр Суворов Олег Трифонов Олег Фоменко Хасханов Мохьмад Цуроев Ислам Андрей Чуприна Василий Юдин

ГӀарабевлла ловзархой

Испискин йукъатоьхна клубан ловзархой, ладаме болу ВП:ФУТца.

Билгалдахарш

Хьажоргаш

• Официальный сайт клуба(оьр.)(ТӀе цакхочу хьажорг)
• Статистика на сайте КЛИСФ(оьр.)
• Профиль клуба (1993—2006) на сайте Wildstat.ru
• Профиль клуба (включая сезоны с 2007) на сайте Footballfacts.ru