Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Звезда (футболан клуб, Петарбух)

ХӀокху терминан кхин а маьӀнаш ду, хьажа Звезда (футболан клуб).

«Звезда́» — Петарбухера Российн футболан клуб. Кхоьллина 2008 шарахь.

ЦӀераш

  • 2008—2014 — «Тревис и ВВК».
  • 2014 дуьйна — «Звезда»[1].

Клубан истори

2008—2019 шераш: Клуб хӀоттар. Йезархойн футболехь хьалхара гӀулчаш

Клуб кхоьллина 2008 шарахь «Сменин» футболан ишколан кхиорхочо Еперин Вадима шен «Тревис и ВВК» компанийн тобанехь, компанино йо, йухку, хьашташ кхочуш до электротехникин кхоченехь[2]. Команда божарийн тобанашна йукъахь Петарбухера футболан чемпионате йелира. Йуьхьанцара муьрехь цу чохь ловзуш бацара компанин белхахой бен, уьш бара Петарбухан футболан ишколаш чекхйаьхна: «Смена», «Локомотив» а, «Светлана»[2]. ТӀаьхьо гучубевлира гӀарабевлла футболисташ, цара фуболех ловзар а, компанехь болх а цхьанне бора. Дебютан шарахь командо йаьккхина 7-гӀа меттиг[2], ткъа Матушанский Кирилла чутоьхна 18 матчехь 9 буьрка, уггаре дика клубан бомбардир хилла.

2009 шарахь команда хилира Хьалхара гӀалин лигин толамхо: цо шен исторехь дуьххьарлера трофей йаьккхира, статусехь хьалайелира. Клубан уггаре а дукха голаш тоьхначу Петровец Кирилла 19 гол тоьхна. 2010 шарахь дуьйна клуб хаддаза дакъалоцуш йу Петарбухера божарийн тобанашна йукъахь дӀахьочу чемпионатехь. Оццу шарахь дуьххьара гӀалин къийсадаларшкахь дашо мидалш йаьхна цо[2]. 2011/12 шарахь дуьйна дакъа лоцуш йу российн футболан КхоалгӀа дивизионехь.

2013/14 шарахь цо дакъа лецира Российн Кедехь йезархойн клубийн векал санна: финалан 1/256 тӀегӀанехь иза эшна кхечу Петарбухан тобанна, ФК Русь». Цул тӀаьхьа иза дакъалаца йолайелира Россин Кедехь а, цул тӀаьхьа догӀучу массо а шерашкахь а.

2014 шо долалуш клубо хийцира цӀе ФК «Звезда» аьлла, ткъа спонсор а, долахо а изза висира. Клубан резерв кечйеш болх бан буьйлабелира Василеостровской кӀоштара № 2 йолчу ДЮСШ[1].

2015 шарахь Шагвин Дмитрийс, оцу хенахь клубан коьрта тренер вара иза, кхайкхийра куьйгаллин лаам бу клуб ПФЛ ловзийта, нагахь карйахь шолгӀа дивизионан мега стадион[3].

Кегийрхойн команда

2011 шарахь дуьйна коьрта командица цхьаьна бу кегийрхойн хӀоттам а. 2019 шеран декабрехь дуьйна хӀоттамера дукхаха болу ловзархой йукъабоьлху «Звезда-2» (фарм-клуб, гӀалин командин).

Тренерийн штаб
Дарж ФЦӀД
Коьрта тренер Российн байракх Андрей Валерьевич Пушкарёв
Лакхара тренер Российн байракх Семён Леонидович Емельянцев
Тренер Российн байракх Владимир Владимирович Нагибин

Кегийрхойн командин хӀоттам

Инфраструктура

«Звездано» цӀера аренин лелайо стадион Nova Arena. Клубан тренировкин база йу стадион «Коломяги-Спорт», иза Петарбухан Приморскан кӀоштехь лаьтта.

2021 шеран гурахь Приморски кӀоштахь футболан ишколин хьашташна дӀайиллира стадион «Звезда», цуьнан аренан барам 60х40 м бу, административан гӀишло а йу[4]. 2020 шеран шолгӀачу декъехь дуьйна футболан ишколан хьашташна тойеш йу стадион «Химик» гӀалин Красногвардейски кӀоштахь.

Билгалдахарш

  1. ↑ 1 2 Ветер перемен. web.archive.org (2014 шеран 3 февраль). ТӀекхочу дата: 2019 шеран 18 декабрь. Кху чуьра архивйина оригиналан 2014 шеран 3 февралехь
  2. ↑ 1 2 3 4 Чемпионская «Звезда». В Петербурге футбол не только в «Зените». ТӀекхочу дата: 2019 шеран 9 июнь. Архивйина 2019 шеран 15 апрелехь
  3. ↑ «Звезда» из Санкт-Петербурга может быть заявлена в ПФЛ. ТӀекхочу дата: 2019 шеран 9 июнь. Архивйина 2016 шеран 31 августехь
  4. ↑ Стадион Звезда. zvezda-stadium.ru. ТӀекхочу дата: 2021 шеран 11 октябрь. Архивйина 2021 шеран 29 октябрехь

Ссылки

Кхин дӀа темана тӀехь

Категореш