Волгарь (футболан клуб)

Аштаркхнен футболан команда хӀотта йолайелла 1925 шарахь, оцу хенахь ДСО кхачанан промышленностан белхалоша кхоьллира команда «Пищевик». Команда лаьттара коьртаниг белхалойх Аштаркхнен А. Микоянан цӀарах чӀеракомбинатан. Йерригсоюзан тӀегӀанехь ССРС хьалхейаккхарехь «Пищевикан» дебют хилира 1946 шарахь [[Футболех ловзаран ССРС чемпионат 1946 (кхоалгӀа тоба)#РСФСР Лахараийдалан зонехь. КхоалгӀачу тобанехь Лахараийдалан зонехь, йаьккхира 3-гӀа меттиг. Хьалхо, 1938 шарахь, «Пищевик» а, «Водник» а йукъараллин командаша дакъа лецира ССРС Кедехь. 1948 а, 1949 шерашкахь «Пищевико» ССРС хьалхейаккхаран шолгӀа тобанехь дакъалецира, баьккхира тӀаьххьара 10-гӀа а, 11-гӀа а меттигаш зонин турнирашкахь. 1957 шарахь «Пищевик» хилира шолгӀа 12-гӀа зонехь РСФСР хьалхейаккарехь^[2]. 1958 шарахь Аштаркхнен 400 шо кхачар бахьнехь физикин оьздангаллин аштаркхнен комитетан а, ДСО «Труд» а дехарца Аштаркхнен чӀераконсервийн-шелйо комбинатан команда йукъатуьйхира ССРС хьалхейаккхаран декъахошна. ДСО «Пищевик» ДСО «Трудан» йукъайахар бахьнехь командина цӀе йелира «Труд». «Б» классан 4-гӀа зонехь командо йаьккхира тӀаьххьара 16-гӀа меттиг. 1959 шеран декабрехь Аштаркхнен областан ССКП обком сацам бира говзанчийн команда областан ДСО «Спартакан» базин тӀаьхь йухакхолла^[3].

«Волгарь» левзира советийн чемпионатан (1958, 1960—1967) «Б» классехь, «А» классан, 2 тобанехь (1968—1969), «А» классан, 1 тобанехь (1970), хьалхара лигехь (1971), ШолгӀа лигехь (1972—1990), ШолгӀа уггаре лахара лиге (1991).

ССРС йоьхначул тӀаьхьа «Волгарь» йолайелира ШолгӀа лигера, амма цигахь дӀа ца чӀагӀйелира, охьайелира КхоалгӀа лиге. 1994 шарахь клубо йаьккхира КхоалгӀа лигин шолгӀа зонехь хьалхара меттиг, хьалайелира ШолгӀа лиге, цигахь левзира 1995 - 1998 шерашкахь. 1998 шарахь клубо хьалхара меттиг йаьккхираишен зонехь, хьалайелира Хьалхара дивизионе, цигахь левзира 1999 - 2003 шерашкахь.

2001 шерахь «Волгар-Газпром» (1995 шарахь дуьйна клубан цӀарехь «Газпром» дешхьалхе йара) хилира Хьалхарчу дивизионехь уггаре а дукха хьошалгӀа богӀу тоба (юккъера барамехь 25 эзар хьовсархо вара цӀахь ловзаршкахь)^[4][5], 6-гӀа меттиг дӀалаьцна (хӀетахь клубан исторехь уггар лакхара кхиам). 2002 шо дика дагахь доцуш нисделира эшаме (15-гӀа меттиг), ткъа 2003 шарахь тоба, тӀаьххьарчул хьалхара 21-гӀа меттиг дӀалаьцна, охьаяьккхира ШолгӀачу дивизионе. Амма нийсса шолгӀачу шарахь «Волгар-Газпром» ШолгӀачу дивизионан Къилбаседа зонехь шолгӀа меттиг а йаьккхина, Хьалхарчу дивизионе дӀайахара, цигахь клуб ловзуш йара рогӀера шина сезонехь. 2005 шарахь командано 14-гӀа меттиг дӀалаьцна, ткъа 2006-чу шарахь — 11-гӀа, делахь а, лицензин проблемаш бахьана долуш, клуб йукъара арайаьккхира ПФЛ Ассоциацин декъашхойх.^[6][7], 2007 шарахь цӀе «Волгарь-Газпром-2» дакъа лецира Къилба федералан гуонан йезархойн командашна йукъара къийсамашкахь (йаьккхира 5-гӀа меттиг^[8][9]).

1951 шерера дуьйна коьрта тренерийн исписка^[10].

• Астрахань (футболан клуб)
• Астратекс (футболан клуб)