Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Знамя труда (футболан клуб)

ХӀокху терминан кхин а маьӀнаш ду, хьажа Знамя Труда.

«Зна́мя Труда́» — профессионалийн оьрсийн футболан клуб Орехово-Зуевора, Москохан область. Махкахь уггаре а ширачу футболан клубех цхьаъ йу иза. Иза кхоьллина 1909 шарахь Орехован спортан клуб (KSO) цӀарца Морозовн мануфактурин ингалсан белхалоша, вежарша ЧарнокгӀара, цундела йелира тобанна «Морозовцаш» аьлла ник. Москохан чемпион (1910, 1911, 1912, 1913 шерашкахь)[1].

Советан заманахь клубан исторехь уггар лакхара кхиам бара 1962 шеран ССРС футболан кедан финале кхачар, цигахь команда эшна Донецкан Шахтерна чот 0:2 йолуш. «Знамя Труда» цхьаъ бен йоцу клуб йу финале кхаьчна, цкъа а лакхарчу дивизионехь дакъалаьцна йоцу.

2007 шарахь клуб дӀайолайелира «Йукъ» зонехь шолгӀа дивизионехь, ткъа 2011 шарахь дуьйна 2018 шеран май кхаччалц клуб ловзуш йара шолгӀа дивизионехь, «Малхбузе» зонехь. 2018 шеран майхь «Малхбузе» тобанан чемпионатехь тӀаьххьара 14-гӀа меттиг дӀалаьцна клубо, Смоленскера «ЦРФСО» тобанах эшначул тӀаьхьа 13-гӀа меттиг дӀалаца шен шансаш дӀа а йохуш, йезархойн дивизионе охьайаларан йистехь йара, амма кхидӀа а дӀайахара ПФЛ-хь ловза. Хьалха иза къовсайелла къоман чемпионаташкахь мастерийн тобанан тӀегӀанехь 1949, 1958—1970, 1975—2003 шерашкахь. 2004—2006 шерашкахь ловзуш йара ЙФЛ хьахейаккхарехь.

Хьалхара цӀераш

  • 1909—1935 — КСО (Спортан клуб «Орехово») «Морозовцы», ЦПКФК (Физикин оьздангаллин центран пролетарин клуб), «Орехово-Зуево», «Красное Орехово», «Красный Текстильщик»
  • 1936—1937 — «Красное Знамя»
  • 1938—1945 — «Звезда»
  • 1946—1957 — «Красное Знамя»
  • 1958—1991 — «Знамя Труда»
  • 1992 — «Хитрые Лисы» (12-гӀа тур кхаччалц), «Знамя Труда»
  • 1993—1996 — «Орехово»
  • 1997—2002 — «Спартак-Орехово»
  • 2003 шарахь дуьйна — «Знамя Труда»

Истори

Орехово-Зуевохь хьалхара футболан матч хилира, талламхочо Лизунов Владимира дийцарехь, 1887 шарахь[2]. И терахь бух болуш ду Морозовн фабрикин директоран Гарсфилд Гаррин (Андрей Васильевич) Чарнокан дагалецамашна тӀехь, цо футболах ловза таро йолу кхечу пачхьалкхийн говзанчаш Росси балха кхайкхира. 1909 шарахь Морозов Иванан а, Чарнок Гаррин а инициативица официалан кхоьллира Орехово спортан клуб, цуьнан устав дӀайаздира. 1917 шеран революци хилале хьалха Ореховехь кхоьллина баккхийчеран а, берийн а футболан лигаш.

Уггаре лакхара кхиам Орехово-Зуевон футболистийн хилира 1962 шарахь ССРС Кедан финале йалар.

Российн чемпионаташкахь ловзаран статистика

Футболех ловзаран Российн шолгӀа дивизионЙезархойн футболан клубашна йукъара Российн хьалхейаккхарФутболех ловзаран Российн шолгӀа дивизионПФЛ хьалхара дивизионФутболех ловзаран Российн шолгӀа дивизионПФЛ кхоалг\а лигаФутболех ловзаран Российн шолгӀа дивизионПФЛ хьалхара дивизионФутболех ловзаран Российн шолгӀа дивизион

ШолгӀа команда

1999 шарахь КФК хьалхейаккхарехь дакъалоцуш йара команда «Спартак-Орехово-2»[3].

Кхин цхьа Орехово-Зуевн команда, цуо дакъалаьцна говзанчийн командашна йукъара ССРС-н чемпионатехь «Химик» а, «Карболит» а цӀерашца, 2009-чу шарахь «Знамя труда»-2 ала долийра, 2013-чу шарахь «Орехово» аьлла цӀе хийцира, 2017-чу шарахь «Спартак-Орехово»-М ишколан цӀарца ловзуш йара, 2018-чу шарахь - «Спартак-Орехово» ишкол, 2019-чу шарахь дуьйна - йуха а «Знамя труда»-2 цӀе йолуш, ловзу 2019-чу шарахь. III дивизион («Москохан область» зона, «Б» лига).

Билгалдахарш

  1. ↑ Клубу «Спартак-Орехово» сто лет Архиван копи 2007 шеран 27 сентябрехь дуьйна Интернетан архив#Проекташ
  2. ↑ Равнение — на «Знамя». futbol-1960.ru. ТӀекхочу дата: 2011 шеран 9 июнь. Архивйина 2009 шеран 12 мартехь
  3. ↑ Профиль FootballFacts.ru сайтехь (оьр.)

Хьажоргаш

Кхин дӀа темана тӀехь

Категореш