Кадырова Аймани цӀарах маьждиг

Кадырова Аймани цӀарах маьждиг (оьрс. Мечеть имени Аймани Кадыровой) — Российн Федерацин Нохчийн Республикера Устрада-ГӀалара маьждиг. ДӀадиллина 2014 шеран 16 майхь. ЦӀе тиллина Нохчийн Республикин хьалхара президентах Кадыров Ахьмадах йисинчу — Кадырова Айманин цӀарах.

Маьждиг дан долийна 2011 шеран январь беттан йуккъехь Устрада-ГӀалин йуккъехь, хьалха гӀалин маьждиг хиллачу меттехь. Проект туркойн говзанчаша кечйина, «Инкомстрой» компанино архитекторо Байкан Дениза йина йу. Кадыров Ахьмадан цӀарахчу йукъараллин фондан ахчанах дӀадаьхьира и маьждиг дар. Иза лаьттира 1238 дийнахь, чекхделира 2014 шеран апрель беттан йуккъехь.

Йухьанца маьждиг дӀаделла гӀертара 9 майхь, ткъа цул тӀехьа дӀаделларан де дӀатеттира цхьаьна кӀиранна тӀаьхьа, 2014 шеран 16 майн.

Герргарчу беттанашкахь Устрада-ГӀалахь дӀаделла деза йуккъера маьждиг, иза лерина ду масех эзар стаганна, цуо мехкан ден ненан Кадырова Айманин цӀе лелор йу. Иза цхьаъ бен доцу Российн маьждиг ду, "хай-тек" хотӀехь дина, иза деш ду хӀокху заманан бехкамийн чоьтаца, хьалхара технологеш а, гӀирсаш а лелош.^[1]

ДӀаделларал хьалха марафон хилира «Даг тӀера даг тӀе», цигахь дакъалецира Нохчийчоьнан а, Къилбаседа Кавказан кхечу республикашкара 5 эзар вахархочо, бевдира 16,4 км «Нохчийчоьнан дог» тӀера Соьлжа-ГӀалара Кадырова Айманин маьдиг тӀекхаччалц Устрада-ГӀалахь.

Маьждиг дӀаделларал хьалха зуькар дира. Цул тӀаьхьа хьалхара рузбанан ламаз дира, цигахь дакъалецира 15 эзар сов бусалба стага.

Кадырова Айманин цӀарах маьждиг дина хай-тек хотӀехь, хьалхара маьждиг ду Россехь, оцу кепара дина. Дийнахь, хенан-хӀоттаме хьаьжжина, маьждиган бос хийцало — сирла-сирачу бесера бирюзан-сийначу бесе кхаьччалц. Буьйсанна маьждиг а, гуонахьара меттиг серлайоккху бес-бесара серлодиодан лампанашца а, прожекторшца а.

Маьждиган пенаш мармарца кечдина ду. Овал кепара коьртачу ламазан чоьнан нартолашна таж дина 23 метр лекха а, 24 метр диаметр йолу а нартолашца. Маьждиган нартол тӀехь Сийлахь-Везачу Делан цӀераш йазйина йу. Чоьхьарчу декорех пайдаоьцу серладаьхначу суьрташца. Маьждиган нартолна тӀехула хьалайаьлла 55 метр лекха йолу кхо момсар.

Маьждиган неӀарна хьалха хӀоттийна исламан сийлалла — седа а, беттаса а долуш. Коьртачу ламазан чоь чохь йу 31 метр диаметр йолу пхи тонн деза долу беттан кепехь йолу люстра.

Маьждиг диъ гӀат ду, царех кхоъ, овал нартолна кӀел, божаршна лерина ду. Маьждиган лакхара тӀегӀа зударшна лерина ду, шакъаьстина чувола меттиг а йолуш. Маьждиган майда йу 6950 м², маьждиган уллехь парк а йу.

Республикин а, регионан а цхьаболу бахархоша йемалаллица мах хадийра маьждиган зудчун цӀе тиллар. Амма Ӏеламнаха, Ӏилманчаша, шайн рогӀехь, лору, исламехь ду зударийн цӀераш тохкуш маьждигашна. Маьждиг тӀех хӀокхузаманан кеп хиларна маьждиг йемалдора.