Гелдаганан рузбан маьждиг

1883 шеран хьолехь Гелдаганахь 5 маьждиг дара, рузбанан а, 4 жамаӀатан а^[1].

2010 шарахь Гелдаганахь дан долийра Даудова Маккин цӀарах маьждиг, иза дина бевлира 2011 шеран октябрехь. Маьждиг дӀадиллира 2011 шеран 25 октябрехь. Даздарца маьждиг схьадоььлуш гулбелира йуьртара бахархой, баьхкинера НР коьрта официалан нах, гулбелчарна хьалха вист хилира республикин куьйгалхо Р. А. Кадыров^[2]. Маьждиг дина Кадыров Рамзана тӀедиллина, НР Парламентан председателан, Даудов Мохьмадан ненан Даудова Маккин цӀарах^[3].

ГӀишло хазйина йу наггахь бен ца хуьлу кӀайн мармарца, маьждиган нартолаш а, экъанах дина суьрташ а дешин басахь ду. Маьждигехь цхьана хенахь ламаз дан йиш йу 3 эзар кхаччалц стега. Маьждиган территори тӀехь хӀоттийна 300 декоративан лампа йу. Цигахь ши фонтан а, ламаз оьцу меттиг а йу - Ӏаьнан чоь а, аьхкенан чоь а, гонаха эчиган керт а йолуш. ПӀераскан маьждигна гонаха йолу меттиг кечйина, жима парк йоьгӀна, аллейш а, газонаш а йина. Ландшафтан дизайнерша(оьр.)нохч. маьждиган гонах леррина Голландера деана зезагаш а, дитташ а дӀадийна. Маьждиг Гелдаган йуьртан сийлаллех цхьаъ ду.

2018 шеран августехь маьдиган кертахь Юсуп Темирхановн тезет хилира, оцу муьрехь тезетахь хилла масийтта итт эзар стаг (бӀе) — Нохчийн Республикин, ГӀалгӀайчоьнан, ДегӀастан, кхечу кавказан республикийн бахархой^[4].