Ельсаев, Ӏаламхьад Ӏабдул-Хьамидан воӀ

1985-чу шарера 1987-чу шаре кхаччалц дозанан эскаршкахь гӀуллакх дина цо.

Ростовн пачхьалкхан университетан журналистикин факультет чекхйаьккхина 1995 шарахь. 1996-2003 шерашкахь иза вара Нохчийн пачхьалкхан университетан журналистикин кафедрин хьехархо. 2005 шарахь кандидатски диссертаци чӀагӀйира «Особенности модернизации политического процесса в условиях социальной депривации (на материале Чеченской Республики)».

1995—2003 шерашкахь «Вайнах» а, «ТВИ» а, «Нохчо» а, телеканалашкахь редактор а, коьрта редактор а, ГТР (хӀинца Грозный ЧГТРК) директоран болх бина. 2005—2006 шерашкахь Нохчийчоьнан Куьйгалхочун а, правительствон а арахьарчу зӀенийн департаментан куьйгалхо лаьттина, цул тӀаьхьа 2020 шо кхаччалц «Вайнах» телерадиокомпанин куьйгалхо лаьттина. Иштта 2011-2012-чуй шерашкахь «Грозный» телерадиокомпанин директор а вара иза. 2021 шеран товбецан беттан кхаччалц иза вара Нохчийчоьнан Куьйгалхочун хьехамча а, республикин хаамийн гӀирсийн куратор а, Нохчийн Республикин Ӏилманийн академин а, Нохчийчоьнан архивийн декъан а.

2021-чу шарахь республикин парламентан депутат хаьржира иза. Парламенташна йукъарчу йукъаметтигийн а, къоман а, информацин а политикехула а, йукъараллин организацешца йукъаметтигаш лелорехула а йолчу комитетан куьйгалхо. Дешаран а, Ӏилманан а, оьздангаллин а комитетийн а, законодательствон а, пачхьалкхан гӀишлошйаран а, меттигерчу урхаллин а комитетийн декъашхо ву. Дийцарийн, афоризмийн, туьйранийн, стихийн автор. Цуьнан цхьайолу стихаш мукъамашца хӀиттийна йара. Шишша бер ду цуьнан. «Цхьааллин Росси» партин декъашхо.

Иза ву «Стержень» афоризмийн гуларан а, «Заман Косташ» а, «Заметки немолодого руководителя, или На заметку молодым руководителям» цӀе йолчу дийцарийн гуларийн а, «Честь имею» цӀе йолчу киншкин а автор^[2]. Цуьнан цхьайолу стихаш мукъамашца хӀиттийна йу. 2021-чу шарахь иза хаьржира Нохчийн Республикин йаздархойн союзан куьйгалхо.

• Российн Президентан баркалла (2003, 2005, 2020);
• Человек года в республике в номинации «Лучший организатор»;
• Нохчийн Республикан сийлахь вахархо (2005 шо);
• «Нохчийн Республикина хьалха дина гӀуллакхашна» мидал (2005 шо);
• «Нохчийн Республикехь парламентаризм кхиорна» орден (2007 шо);
• «Нохчийн Республикан хьакъволу журналист» (2008);
• Кадыровн орден (2010 шо);
• Орденан мидал «Даймахкана хьалха дина гӀуллакхашна, II-гӀа дарж» (2011);
• «Сийлахь къинхьегамна» сийлаллин билгало (2015);
• «Кадыров Ахмад-Хьаьжин иэсан» мидал (2018 шо);
• «Терроризмца а, экстремизмца а къийсам латторехь кхиамашна» билгало (2019);
• ТӀеман сийлаллин гӀаланийн Союзан Сийлахь грамота (2020)^[3].

Зуда йалийна ву. Йалх бер ду.