БараӀат буьйса
|
Жайнаш а, законаш а
|
БараӀат буьйса (Ӏаьр. ليلة البراءة — Ляйлят аль-Бараа) — бусалба наха лоруш йолчу буьйсанех цхьаъ ю, шаӀбан беттан 14-чу дийнера 15-чу дийне кхаччалц йолчу буса даздеш йолу[1]. Бусалба динехь и де лоруш ду къиношна паргӀатдовларан я къиношна гечдаран де. БараӀат буьйсанна бусалба наха дукхахьолахь шайн хан йоккху сема хиларехь, Къуръан доьшуш, доӀанаш деш[2].
БараӀат Ӏаьрбийн маттахь «декъехь цахилар», «буьззина дӀакъастар», «цӀанвалар» бохург ду[3]. Оцу буса адамийн кхолламаш хийцало, беркат, Ӏожалла, цамгарш, догӀуш долчу маликашка дӀакхачор ду аьлла хета[4]. Оцу буса Дала Мухьаммад-пайхамарна (Делера салам-маршалла хуьлда цунна) массо а бусалба нахана шафаӀат дан бакъо елла аьлла хета[1]. ХӀокху буса бусалба нахана тӀедуьллу Деле дика Ӏамалш къобал яр а, къиношна гечдар а дехар, иштта дӀакхелхинчу бусалба нахана дага а лоцуш, къинхетам, гечдар, дика хилар лаар а, оцу буьйсанан сийлалла а, мехалла а берашна дийца а[3]. БараӀат буьйсанна доӀа дар дика ду: «Я АллахӀ! Ӏазапах Хьо гечдарца ларло со, Хьан оьгӀазлонах Хьо реза хиларца ларло со. Со ницкъ боцуш ву Хьуна кхачам боллуш хастам бан. Хьо воккха ву, Айхьа Хьайна хастам ма-барра»[4]. Оцу буса адамийн массо а къиношна гечдо, «даккхий» къинош доцург (кхечу нахана дуьхьал питанаш дар, къаьркъа малар, бозбунчалла лелор, де-ненан лерам ца бар, и. дӀ. кх.)[1].
Лахахь таблицано гойту терахь григорианан рузманца, догӀуш ду ШаӀбан беттан 14-гӀа денца
| 2018 | 2019 | 2020 | 2021 | 2022 | 2023 |
|---|---|---|---|---|---|
| 30 апрелехь | 19 апрелехь | 07 апрелехь | 27 мартехь | 17 мартехь | 6 мартехь |
Хьадисаш
Делан Элчано (АллахӀа къинхетам бойла цунна а, цуьнан доьзална а) аьлла: «Бусалба стаг кхечу бусалба стеган ваша ву. Цкъа а цунна харцо йийр яц, гӀо доцуш вуьтур вац иза».
Билгалдахарш
- ↑ 1 2 3 Али-заде, 2007.
- ↑ Лейлят-аль-Бараа — Ночь БараӀат (Ночь прощения). ТӀекхочу дата: 2015 шеран 24 ноябрь. Кху чуьра архивйина оригиналан 2015 шеран 25 ноябрехь
- ↑ 1 2 Священная ночь БараӀат. islam.ru (2015 шеран 1 июнь). ТӀекхочу дата: 2015 шеран 24 ноябрь. Архивйина 2015 шеран 25 ноябрехь
- ↑ 1 2 Свяенная ночь БараӀат. assalam.ru (2015 шеран 15 август). ТӀекхочу дата: 2015 шеран 24 ноябрь. Архивйина 2015 шеран 25 ноябрехь
Литература
- оьрсийн маттахь
- Али-заде А. А. 153 // Исламский энциклопедический словарь. — М. : Ансар, 2007. — 400 с. — (Золотой фонд исламской мысли). — ISBN 5-98443-025-8.
- ↑ Месяц шаабан, пост и ночь БараӀат. askimam.ru (2009 шеран 5 август). ТӀекхочу дата: 2015 шеран 24 ноябрь. Архивйина 2015 шеран 25 ноябрехь
Кхин дӀа темана тӀехь
Исламан деза денош | |
|---|---|
| Деза денош (Идейн) |
|
| Йицлур йоцу буьйсанаш а, денош а | |
| Деза денош а, Ӏаьржа духаран денош шииташийн |
|
| Кхин деза денош |
|
| |
