Арсанукаев, Шайхи Ӏабдулмуслиман воӀ

Вина Нохчийчоьнан Веданан кӀоштан Дишни-Веданахь 1930 шеран оханан беттан 15-чу дийнахь. 1944 шеран чиллин беттахь махках ваьккхира гергарчаьрца цхьаьна Кхазакхстанехь. Ишкол чекхйаьккхира Семипалатинскан областан Новопокровскан кӀоштан Батнайхь. 1955 шарахь чекхйаьккхира Семипалатинскан финансийн техникум.

Байташ йаздан волавелла ишколехь дуьйна. Дуьххьарлера кхолламаш зорба туьйхира 1957 шарахь «Ленинан некъ» газетехь, «ДоттагӀалла» а, «Орга» а альманахашкахь.

Арсанукаевс чекхйаьккхира Нохч-ГӀалгӀайн пачхьалкхан университетан филологин факультет. Дешна ваьлча иза дӀахӀоттира «Колхозан дахар» цӀе йолу Веданан кӀоштан газетан редакторан когаметтинаг. Цул тӀехьа цо болхбира Нохч-ГӀалгӀайн книган издательстван коьрта редактор, «Орга» журналан литературин а, исбаьхьаллин а альманахан коьрта редактор.

ССРС-н йаздархойн союзан декъашхо хилира иза. 1986-чу шарахь Нохч-ГӀалгӀайн йаздархойн союзан куьйгалхо хӀоьттира иза, цу даржехь 1997-гӀа шо кхаччалц лаьттира иза, тӀаьххьарчу шерашкахь Нохчийн пачхьалкхан университетан нохчийн литературин а, фольклоран а кафедрин лакхара хьехархочун болх бира цо^[1].

«Ӏуьйре лаьмнашкахь» а, «Безаман шовда» а, «Кхолламан харжам» а, «Керла де» а, кхин а поэтийн гуламийн автор.

• «Утро в горах» (1965);
• «Родник любви» (1967);
• «Искорка огня» (1969);
• «В пути» (1970);
• «Стихи» (1970);
• «Стихи» (1971);
• «Голубые дороги» (1973);
• «Закон высоты» (1975);
• «Верность» (1978);
• «Вершины» (1977);
• «Новый день» (1980);
• «Голубые вершины» (1981);
• «Ших, сын Ушармы» (1982);
• «Выбор судьбы» (1985);
• «Линии судьбы» (1987);
• «Роща любви» (1989);
• «Преодоление» (1989);
• «Песни гор» (1991);
• «На доброй земле» (1995)^[2];
• «Сийна гене» Т. 1 (2009);
• «Уьш хийца тарлуш дац» Т. 2 (2009) кхин а^[3].

• Нохчийн Республикин Сийлахь вахархо (2005)^[4];
• ДоттагӀаллин орден (2009)^[5];
• Нохчийн Республикин Халкъан йаздархо (2010)^[6].

Арсанукаевн цӀе йелира Дишни-Веданан а,^[7] Гуьмсен а, СемаӀашках^[8] аурамашна ^[9].

• Арсанукаев Шайхи. / Перевод с чеченского И. Озеровой. — Гр.: Чечено-Ингушское книжное издательство, 1977. — 87 с.
• Арсанукаев Ш. А. Новый день: стихи, поэмы (на чеченском языке). — Ростов-на-Дону: ООО «Медиа-Полис», 2020. — 480 с. — 500 экз. — ISBN 978-5-6044726-0-6.