Лорсанов, Сайпудди Шарпудин воӀ
Сайпудди́н Шарпуди́нович Лорса́нов (1973 шеран 13 сентябрь, Шаӏми-Юрт, Нохч-ГӀалгӀайн Автономин Советийн Социалистийн Республика — 2007 шеран 7 июль, Соьлжа-ГӀала) — Российн чоьхьарчу гӀуллакхийн министерствон белхало, милицин майор, Соьлжа гӀалин Октябрьски кӀоштан чоьхьарчу гӀуллакхийн декъан куьйгалхо, Россин Федерацин Турпалхо (2008 шеран 9 апрель, веллачул тӀаьхьа).
Биографи
Вина 1973-чу шеран 13-чу сентябрехь Нохч-ГӀалгӀайн АССР-н ТӀехьа-Мартанан кӀоштан ШаӀми-Юьртахь милицин эпсаран доьзалехь. 1992-чу шарахь дуьйна Нохчийчоьнан Чоьхьарчу ГӀуллакхийн Урхаллашкахь болх бина цо. Российн чоьхьарчу гӀуллакхийн министерствон Ставрополан Лаккхара заочни юридически ишколан филиал чекхйаьккхина. Нохчийчоьнан Чоьхьарчу ГӀуллакхийн Министраллан зуламаллин лахаран бакъо йоцуш наркотикаш лелоран оперативни белхахо вара иза.
2001-чу шарахь ведомствон йукъахь йоцучу кхерамазаллин полкехь ротин баьчча хӀоьттира иза. Цул тӀаьхьа административан гӀишлош ларйаран ротин баьчча а, тӀаьхьо Нохчийчоьнан чоьхьарчу гӀуллакхийн министраллин хойн декъан ротин баьчча лаьттина. 2004 шеран ноябрехь дуьйна — Соьлж-ГӀалин Октябран кӀоштан чоьхьарчу гӀуллакхийн декъан куьйгалхо. 2005-чу шарахь цо чекхйаьккхира Российн Федерацин юстицин министраллин Москохан юридически академи. Цуьнан куьйгаллица теллина 50 сов къаьсттина даккхий зуламаш, ницкъаллин структурийн белхалошна а, маьрша бахархошна а лелхийтарехь, байъарехь а дакъалоцуш хилла, къайлаха кхо тоба, цаьргахь дикка герз а хилла.
2007-чу шарахь июль беттан йуьххьехь Соьлж-ГӀаларчу Октябран кӀоштахь фугас эккхийтира зуламхоша. Цхьана милцочунна чевнаш йина. Зуламехь дакъалаьцначех цхьаъ циггахь лаьцна, къастийна кхин а кхоъ тобанан декъашхо, ткъа иштта цуьнан хьалханча «Соьлж-ГӀалин амир» Ахмедов Юнус. Лорсановс куьйгалла дира иза йийсаре лоцуш дӀайаьхьначу операцина.
2007-чу шарахь июль беттан 7-чу дийнахь зуламхой къайлабевллачу квартирина штурм йеш, неӀ йохийна Лорсановс, дуьххьара квартири чу а вахана. Герз шена тӀе а лаьцна, герз тоьхначу чевнех цу меттехь велира иза. Бандитан хьалханча а, цуьнан тобанера кхин болу декъашхой а дӀабаьхна.
Доьналла а, турпалалла а гайтарна 2008 шеран 9 апрелехь милицин майорна Лорсанов Сайпуддин Шарпудин воӀана Российн Федерацин Турпалхочун цӀе йелла (веллачул тӀаьхьа).
СовгӀаташ
Иэс
Билгалдахарш
- ↑ Чеченцы — Герои Советского Союза и России // ЧеченИнфо. ТӀекхочу дата: 2013 шеран 16 сентябрь. Архивйина 2014 шеран 16 апрелехь
- ↑ Лорсанов Сайпуддин Шарпудинович // МВД по Чеченской Республике
- ↑ Указ Президента Чеченской Республики от 31.08.2007 № 319 «О присвоении средней школе № 1 с. Шаами-Юрт Ачхой-Мартановского района Чеченской республики имени Лорсанова Сайпуддина» // Региональное законодательство. ТӀекхочу дата: 2013 шеран 16 сентябрь. Архивйина 2014 шеран 22 августехь
- ↑ Одна из улиц Шаами-Юрта будет носить имя Героя России С.Лорсанова // Грозный-Информ. ТӀекхочу дата: 2013 шеран 16 сентябрь. Архивйина 2014 шеран 21 августехь
Хьажоргаш
Лорсанов, Сайпудди Шарпудин воӀ. Cайт «Пачхьалкхан турпалхой».- Лорсанов Сайпуддин Шарпудинович // Книга Памяти
- Лорсанов Сайпуддин Шарпудинович // Офицеры России
Кхин дӀа темана тӀехь
 |
|---|
