Делимханов Адам Султанан воӀ
Делимха́нов Ада́м Султа́нан воӀ (оьрс. Делимханов, Адам Султанович; 1969 шеран 25 сентябрь, Бена, Нохч-ГӀалгӀайн Автономин Советийн Социалистийн Республика) — Россин пачхьалкхан гӀуллакххо. Российн Федерацин V, VI, VII, VIII кхайкхамийн Пачхьалкхан Думан депутат. 2022 шеран 7 июнехь иза хаьржира Пачхьалкхан Думан кхерамзаллин а, коррупцица къийсам латторан а комитетан куьйгалхочун хьалхара гӀовс[1].
ДӀаяханчу хенахь — Нохчийн Республикан Правительствон председателан когаметтаниг (2006—2007).
2022-гӀа шо доладелчхьана Делимханов шен лаамехь дакъалоцуш ву Российн Федерацин Украинехь дӀахьочу лерринчу тӀеман операцехь, «Ахмат» батальонан декъехь. Цо дакъалецира Мариуполь а, Донбассера кхин йолу станицаш а мукъаяхарехь, оперативни тӀеман декхарш кхочушдечу хенахь нохчийн дакъойн акцеш вовшахтоьхна. Юкъарчу хаттаршкахула Нохчийчоьнан куьйгалхочун Кадыров Рамзанан хьехамча.
2022-чу шеран ГӀуран-беттан 26-чу дийнахь Делимхановна Российн Федерацин Турпалхочун цӀе елла. Инарла-майор (2024 шеран 31 январь)[2]. «Цхьааллин Росси» партин декъашхо
Биографи
Делимханов Адам вина 1969 шеран 25 сентябрехь Нохч-ГӀалгӀайн Автономин Советски Социалистически Республикан Ножай-Юртовски районан Бенойн юьртахь. Кадыров Рамзанан гергара стаг (цхьаболчу хаамийн гӀирсаша дийцарехь, шича)[3].
1987-1989 шерашкахь Советан эскарехь гӀуллакх дина Делимхановс. 1990 шеран мартера июль кхаччалц цо болх бирапредприятехь 3-чу тӀегӀанан механикан даржехь, цул тӀаьхьа 1991 шо кхаччалц — Тешаман предприятин снабженин белхалочун даржехь. 1994-чу шарахь цо чекхъяьккхира Нохчийн пачхьалкхан университет[3].
1999-чу шарахь шолгӀа нохчийн тӀом болабаларца Делимханов федералан ницкъийн агӀор дӀабаханчу нохчашна юкъахь вара. 2000-чу шеран мартера 2003-чу шеран август кхаччалц чоьхьарчу гӀуллакхийн органашкахь болх бира стажеран даржехь, цул тӀаьхьа белхахочун даржехь, тӀаьхьо Нохчийн Республикин чоьхьарчу гӀуллакхийн министерствона кӀел йолчу шакъаьстинчу полицин ротан штабан анализан а, планированин а инспекторан даржехь 2009 шарахь, объекташ - Ӏедалан органийн гӀишлош ларъяр. 2000-чу шарахь дуьйна Российн Федерацин ницкъаллин структурашкахь болх бина цо. 2001-чу шеран декабрь-баттахь и вен гӀортар хилира.
2003 шеран август-сентябрь баттахь — Гуьмсехь гӀалин чоьхьарчу гӀуллакхийн декъан долахь йолчу кхерамазаллин декъан полицин батальонан командир. 2003—2006 шерашкахь — мехкадаьттан а, газан а комплексан объекташ Ӏалашъяран Нохчийн Республикин чоьхьарчу гӀуллакхийн министерствона хьалха йолчу кхерамазаллин Урхаллин полкан командир.
2006 шеран 18 июлехь дуьйна — Нохчийн Республикан Правительствон председателан когаметта.
2007-чу шеран сентябрехь Делимхановс дӀахьедар дира, шех «Ичкерин президент» олуш волу террорхо Умаров Доку йийсаре а лаьцна, жоьпе озор ву я хӀаллаквийр ву аьлла. 2013-чу шарахь дӀаваьккхира Умаров.
2007-чу шеран декабрь-беттан 2-чу дийнахь хиллачу харжамашкахь Делимханов хаьржира Пачхьалкхан Думе. Думехь цо болх бира Федерацин гӀуллакхийн а, регионийн политикин а комитетан председателан заместителан даржехь.
Законодательствон болх
2007—2024 шерашкахь, Пачхьалкхан Думан депутат волуш (V-гӀа, VI-гӀа, VII-гӀа, VII-гӀа кхайкхамаш), Делимхановс цхьаьна йаздина 30 сов низаман инициативан а, федералан низамаш кечдарехь хийцамаш баран а[4].
Дуьненайукъара санкцеш
Делимханов Адам Ӏамеркан SDN санкцийн тептарехь ву 2014-чу шеран мангалан баттахь дуьйна, 2024-чу шеран мангалан беттан 3-чу дийнахь и йаззам карлабаьккхира, шолгӀа санкцеш йарна кхерам хилар гойтуш.
2022-чу шеран мангалан беттан 21-чу дийнахь дуьйна Европан Бертан санкцийн тептаршкахь ву иза, иштта Британино а, Канадо а, Швейцарино а, кхечу пачхьалкхаша а кхайкхийначу санкцешна кӀел ву иза[5].
Билгалдахарш
- ↑ Энциклопедия ТАСС, 2024. Делимханов, Адам Султанович. Депутат Государственной думы РФ
- ↑ Депутату Госдумы Делимханову присвоили звание генерал-майора. https://ria.ru (2024 шеран 31 январь). ТӀекхочу дата: 2024 шеран 31 январь.
- ↑ 1 2 Чем известен Адам Делимханов Архиван копи 2009 шеран 8 апрелехь дуьйна Интернетан архив#Проекташ Коммерсантъ 6 апреля 2009.
- ↑ Объекты законотворчества :: Система обеспечения законодательной деятельности. sozd.duma.gov.ru. ТӀекхочу дата: 2019 шеран 3 август. Архивйина 2022 шеран 16 февралехь
- ↑ Notice Russia 181225. GOV.UK (2025 шеран 18 декабрь). ТӀекхочу дата: 2026 шеран 13 январь.
Хьажоргаш
Кхин дӀа темана тӀехь
 | |
|---|---|
| Библиографин каталогашкахь |
|
