Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Усмаев, Вахьид Абубакаран воӀ

Вахьид Абубакаран воӀ Усмаев (оьрс. Вахит Абубакарович Усмаев; 1964 шеран 20 ноябрь, Шелан кӏошт, Нохч-ГӀалгӀайн Автономин Советийн Социалистийн Республика) — Россин тӀеман а, политикин а гӀуллакххо. Нохчийн Республикин Правительствон председателан гӀовс (2020—2021)[1], Нохчийн Республикин йукъараллин а, экономикин а кхерамзаллин Советан председателан гӀовс (2021 шеран октябрехь дуьйна)[2]. Полицин полковник, Россин Федерацин Турпалхо (2010).

Биографи

Вина 1964 шеран 20 ноябрехь Нохч-ГӀалгӀайн АССР-н Шелан кӀоштан ЦӀоьнтара эвлахь (хӀинца Курчалойн кӀоштан Ахьмад-Йурт). 1982—1984 шерашкахь гӀуллакх дира ССРС ТӀеман ницкъашкахь(оьр.)нохч..

1993 шарахь чекхйаьккхина Нохчийн пачхьалкхан университетан историн факультет.

2001 шеран декабрехь дуьйна гӀуллакхе ваьлла Россин МВД УВД Россин Нохчийн Республикера лаккхарчу пачхьалкхан гӀуллакххой шайн долара кхерамзалла латторехь а, пачхьалкхан Ӏедалан объектийн охранцехь а долу къаьстина ротан милиционер волуш.

2003 шеран октябрера 2004 шеран июнь кхаччалц — Гуьмсан ГОВД ведомствонйоцчу ха даран Декъан милицин батальонан баьчча.

2004 шеран сентябрехь Вахьид Усмаев хӀоттийна Россин Федерациин Турпалхочун Кадыров Ахьмад-Хьаьжин цӀарахчу лерачу Ӏалашонийн милицин патрулан-постан службин № 2 полкан командир. 2004 шо дуьйна 2009 шо кхаччалц хенахь полка дӀайаьхьна 380 сов лера операция. Лацарна сацавина закон доцучу герзашца йолу тобанийн 784 декъашхо а, дӀайаьккхина бандтобанийн 198 декъашхо, царех 20 вара бандитийн бухараллин «эмираш», 23 — бандтобанийн жигара декъашхой. Иштта полкан белхахоша лацарна дӀайелла лоьхуш йолу 1355 стаг.

2009 шарахь Усмаев чекхйаьккхина Россин МВД урхаллин академи(оьр.)нохч..

Пачхьалкхан а, политикин а гӀуллакх

  • 2014 шеран августехь дуьйна 2016 шеран июнь батте кхаччалц — Нохчийн Республикин экономикин а, йукъараллин а кхерамзаллин Кхеташонан секретарь;
  • 2016 шеран июнехь дуьйна 2016 шеран июнь батте кхаччалц — Нохчийн Республикин Гуьмсан муниципалан кӀоштан администрацин куьйгалхочун хьалхара гӀовс;
  • 2016 шеран июнехь дуьйна 2016 шеран июль батте кхаччалц — Нохчийн Республикин Гуьмсан муниципалан кӀоштан администрацин куьйгалхочун декхарш кхочушдийриг;
  • 2016 шеран июлехь дуьйна 2017 шеран январь батте кхаччалц — Нохчийн Республикин Гуьмсан муниципалан кӀоштан администрацин куьйгалхо;
  • 2017 шеран январехь дуьйна 2017 шеран май батте кхаччалц — Нохчийн Республикин Куьйгалхочун секретариатан куьйгалхо;
  • 2017 шеран майхь дуьйна 2017 шеран октябрь кхаччалц — Нохчийн Республикин Куьйгалхочун а, Правительствон а Администрацин куьйгалхо;
  • 2017 шеран октябрехь дуьйна 2020 шеран май кхаччалц — Нохчийн Республикин экономикин а, йукъараллин а кхерамзаллин Кхеташонан секретарь;
  • 2020 шеран майхь дуьйна 2021 шеран октябрь кхаччалц — Нохчийн Республикин Правительствон председателан гӀовс;
  • 2021 шеран октябрехь дуьйна — Нохчийн Республикин экономикин а, йукъараллин а кхерамзаллин Советан председателан гӀовс[2].

СовгӀаташ

  • Россин Федерацин Турпалан «Дашо Седа» мидал (№ 962, 2010 шеран 7 июль);
  • «Даймехкан гӀуллакхашна тӀехь кхиамаш бахьана долуш» 4-гӀа тӀегӀанан Орден (21.08.2020) — къиньегаман кхиамаш бахьана долуш, дукха шерашкахь тешаме болх бар бахьана долуш[3];
  • кхоъ Стогаллин орден;
  • «ГӀуллакхдарехь сийлалла гайтарна» мидал (МВД);
  • «БӀаьхаллин доттагӀаллина» мидал
  • «ТӀеман турпалаллин» мидал;
  • Кадыров Ахьмадан цӀарах орден;
  • «Нохчийн Республикин сийлаллин гражданин» цӀе;
  • «Нохчийн Республикин Хьалхарчу Президентан Кадыров Ахьмад—Хьаьжин Дагалецаман» мидал (30 декабря 2017) — «нохчийн республикина динчу башхачу гӀуллакхашна, йукъаралло къобалдинчу гӀуллакхашна;»
  • «Нохчийн Республикин дуьхьа хьуьнарш гайтарна» мидал;
  • «Нохчийн Республика лардархочун» мидал[4].

Доьзал

Зуда йалийна ву. БархӀ бер[5].

Йукъараллин гӏуллакх

Кегийрхой патриотитан кхиорехь дакъа лоцу цо. А. А. Кадыровн цӀарахчу Сийлаллин мемориалан комплексехь дӀаяьхьна къамел «Россин турпалхо, пачхьалкхан турпалхо — Усмаев Вахьид Абубакаран»[4].

Билгалдахарш

  1. ↑ Указ Главы Чеченской Республики от 06.10.2021 № 180 Об Усмаеве В. А. chechnya-gov.ru. ТӀекхочу дата: 2026 шеран 25 июль.
  2. ↑ 1 2 Официальный сайт Главы Чеченской Республики // В Правительстве ЧР произведены кадровые и структурные изменения. chechnya.gov.ru. ТӀекхочу дата: 2026 шеран 25 июль.
  3. ↑ Указ Президента Российской Федерации от 21.08.2020 № 520 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. ТӀекхочу дата: 2026 шеран 25 июль. Архивйина 2020 шеран 7 октябрехь
  4. ↑ 1 2 Тематическая беседа «Герой России, Герой страны – Усмаев Вахит Абубакарович». Мемориальный комплекс Славы имени А. А. Кадырова. ТӀекхочу дата: 2026 шеран 25 июль.
  5. ↑ Усмаев Вахит Абубакарович, Единая Россия. Дата обращения: 25 июлехь 2026.

Хьажоргаш

Категореш